Poetry / Sad

Muzammil Shahzad

Usay Kehna Ye Dunya Hay

Usay Kehna Ye Dunya Hay

Yaha Har Morr Pay Aisay Bohat Say Log Miltay Hain
Jo Andar Tak Utartay Hain
Abadd Tak Saath Rehnay Ki
ikhatay Dard Sehnay Ki
Hamaysha Baat Kartay Hain
Usay Kehna

Ye Dunya Hay
Yaha Har Shaks Matlab Ki
Hadon Tak Sath Chalta Hay
Jaise Hi Mousam Badalta Hay
Mohabbat Kay Sab Hi Daaway
Sab Hi Qasmay
Sab Hi Waaday
Achanak Toot Jatay Hain

Usay Kehna Ye Dunya Hay
Yaha Har Morr Pay Apni
Sada Aankhain Khuli Rakhna
Koii Kitna Bhi Acha Ho
Koii Kitna Bhi Sacha Ho
Mager Aitabaar Nahi Karna
Usay Kehna
Ye Dunya Hay

Yaha Pay Pyaar Mat Karna

· 1 Like · Apr 22, 2017 at 23:04
Category: sad
 
Poetry / Sad

Muzammil Shahzad

Kya Woh Waqai Haar Rahi Thi

Dil Toh Mera Shor Karay
Idhar Nahi
Udhar Nahi
Teri Aur Chalay
Itna Sannata Tha Toh Kahin
ek Goshay Mein Itna Shor Kyun Tha?
Woh Samajh Nahi Payi
Shuru Ho Gayi Kahani Meri
Mere Dil Ne Baat Na Mani Meri
Had Se Bhi Aagay Yeh Guzar Hi Gaya
Khud Bhi Pereshan Hua
Mujhko Bhi Yeh Kar Gaya
Woh Nigah Utha K Taron Ko
Ba ghoar Dekhnay Lagi Thi
Shayad Yeh Pehli Baar Hua Tha
Woh Taron, Sitaron Ko Yun Taq Rahi Thi
Kya Janchna Chah Rahi Thi Woh
Kya Dhundhna Chahti Thi Woh
Kya Woh Waqai Haar Rahi Thi!!

· 0 Like · Apr 22, 2017 at 12:04
Category: sad
 
Poetry / Sad

Muzammil Shahzad

Jo Toot Ke Bhikray To

aek aah bhari main ne !!!
aapna hinnai hath
uske sisaktay laboon pe rakha
aur kaha
''kuch na poochho mujh se !!!
mere khwaab hoe chakna choor kese ?
tumhain kiya maloom
kitna mushkil hae chalna
NaNgay paaun
un khowaboon pe
jo toot ke bikhray to
hoe chakna choor
mujhe bhi ker gae rezah rezah'

· 1 Like · Apr 22, 2017 at 06:04
Category: sad
 
Poetry / Sad

Muzammil Shahzad

Teri Tarha Malal Mujhay Bhi Nahi Raha

teri tarha malal mujhay bhi nahi raha
jaa ab tera khayal mujhay bhi nahi raha

tu ne bhi mosmon ki pazeerai chorr di
ab shauq e mah e visaal mujhay bhi nahi raha

mera jawab kia tha tujhay bhi khabar nahi
yaad ab tera sawal mujhay bhi nahi raha

jis baat ka khayaal na tu ne kabhi kia
us baat ka khiyal mujhay bhi nahi raha

tora hai tu ne jab se meray dil ka aaina
andaza e jamal mujhay bhi nahi raha

· 1 Like · Apr 21, 2017 at 12:04
Category: sad
 
Poetry / Sad

Muzammil Shahzad

Barson Kay Baad Dekha

Barson Kay Baad Dekha , Ak Shaks Dil Ruba Sa
Ab Zehan Main Nahi Hay, Par Naam Tha Bhala Sa

Khowabon Main Khowab Us Ka, Yaadon Main Yaad Us Ki
Nendoon Main Ghul Gaya Ho, Jesay Ke Rat Jaga Sa

Pehlay Bhi Log Aaye, Kitnay Hi Zindagi Main
Lekin Wo Har Tarah Say, Ouron Say Tha Juda Sa

Aglee Mohabaton Nay, Wo Na Muradain Deen Thin
Taza Rafaqaton Say, Kuch Dil Tha Dara Dara Sa

Kuch Ye Keh Muddaton Say, Hum Bhi Nahi Thay Roye
Kuch Zehar Main Bujha Tha Ehbaab Ka Dilasa

Ab Sach Kahain Tu Yaron, Hum Ko Khabar Nahi Thi
Ban Jaye Ga Kayamat, Ak Wakiya Zara Sa

Taivar Be-Rukhi Kay Andaaz Dosti Kay
Wo Ajnabi Tha Laikin, Lagta Tha Aashna Sa

Hum Dasht Thay Ke Dariya, Hum Zehar Thay Ke Amrit
Nahak Thi fikar Hum Ko, Jab Wo Nahi Tha Pyasa

· 1 Like · Apr 19, 2017 at 10:04
Category: sad
 
Poetry / Sad

Muzammil Shahzad

Kia Tum Bhi Afsorda Ho Jatay Ho

Kia Tum Bhi

Aansoo Roknay Ki Koshish Main

Palkain Teez Teez Jhapaktay Ho

Or

Kise Sendesay Ki Aas Main Baar Baar

Darwazay Ki Janib Lapaktay Ho

Kia Tum Bhi

Phool Pe Girti Barish Ki Aawaz Say

Or

Dur Kahi Bajnay Walay Almiya Saaz Ki Aawaz Say

Afsorda Ho Jatay Ho

· 1 Like · Apr 16, 2017 at 22:04
Category: sad
 
Poetry / Sad

Muzammil Shahzad

Tu bata dil e betaab, kahan aate hain

Tu bata dil-e- betaab, kahan aate hain,
Humko khush rehne ke aadaab kahan aate hain

Main to yakmusht usse saunp doon sab-kuch lekin
Ek muthi mein mere khwaab kahan aate hain

Muddaton baad tujhe dekh ke dil bhar aaya
Warna sehraon mein selaab kahan aate hain

Meri bedaar nigahon mein agar bhuule se
Neend aaye bhi to ab khwaab kahan aate hain

Shiddat-e-dard hai ya kasrat-e-mee noshi hai
Hosh mein ab tere betaab kahan aate hain

Hum kisi tarah tere dar pe thikana kar lein
Hum faqeeron ko ye aadaab kahan aate hain

Sar-basar jin mein faqat teri jhalak milti thi
Ab muyassar hamein woh khwaab kahan aate hain

· 1 Like · Apr 14, 2017 at 14:04
Category: sad
 
Poetry / Sad

Muzammil Shahzad

Kuch Din Pehle Mohabbat Ko Sapna Samjha Hum Nay

Kuch Din Pehle Mohabbat Ko Sapna Samjha Hum Nay
Muhabbat Hoi Mohabbat Ko Apna Samjha Hum Nay

Mohabbat Main es Kidar Kho Gaye
us Ki Be-Wafai Ko Wafa Samjha Hum Nay

Zakham es Kdar Mohabbat Nay Diye
In Zakhmon Ko Phool Samjha Hum Nay

Mohabbat Ki Cheekh o Pukaar es qadar Thi
Ke Aas Pass Kay Logo Kay Ronay Ko Hansi Samjha Hum Nay

Dewaana es qadar Mohabbat Nay Banaya Hum Ko
Keh Apno Ko Begaana Samjha Hum Nay

Mohabbat Ki Yaadain Dil Par Kuch You Naksh Kar Gaye
Keh Un Ko Bhulanay Ki Khoshish Main Khud Ko Bhula Diya Hum Nay

· 1 Like · Apr 13, 2017 at 18:04
Category: sad
 
Poetry / Sad

Muzammil Shahzad

Na Koi Rang Na Hathoon Pay Hina Meray Baad

Na Koi Rang Na Hathoon Pay Hina Meray Baad
Wo Mukammal He Siya Posh Howa Meray Baad

Le Kay Jata Raha Her Shaam Wo Phool Or Chiragh
Bus Yehi Us Ne Kia, Jitna Jia Meray Baad

Roz Ja Kar Wo Samander Kay Kinaray Chup Chaap
Nao Kaghaz Ki Bahata He Raha Meray Baad

Us Kay Hontoon Se Mera Naam Nikl Jata Tha
Jis Ne Apnaya Usay Choar Dia Meray Baad

Mai Ne Girnay Na Deye Thay Kabhi Ansoo Us Kay
Shaid es Wastay Wo Roo Na Saka Meray Baad

Mai Bhi Waisa Na Raha Us Kay Bicher Janay Se
Koi Us Ko Bhi Na Pehchaan Saka Meray Baad

Sari Dunya Ne Usay Maal-e-Ghanimat Samjha
Jo Na Socha Tha Kabhi Wo Bhi Howa Meray Baad

Us Ka Hansna Mujhay Bhata Tha So Wo Shaks Adeem
Baal Khulay Howay Hansta He Raha Meray Baad

· 1 Like · Apr 13, 2017 at 09:04
Category: sad
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS