Poetry / Sad

Muzammil Shahzad

Merey Wehm O Guman Se Bhi Zyada Toot Jata Hai

Merey wehm o guman se bhi zyada toot jata hai
Ye dil apni hadoon mein reh k itna toot jata hai

Mein roaon to dar o deewar mujh pey hansnay lagtey hain
Hansoon to merey andar janey kya kya toot jata hai

Mein jis lamhey ki khawahish mein safar karta hoon sadyon sey
Kahin paoon taley aa kar who lamha toot jata hai

Merey khawaboon ki basti sey janazey uthtay jatey hain
Meri aankhein jisey choo lein who sapna toot jata hai

Najaney kitni mudat se hai dil mein ye amal jari
Zara si theeas lagti hai zara sa toot jata hai


Muqadar mein merey sagar shikast o rakhat itni hai
Mein jis ko apna keh doon wo sitara toot jata hai

· 1 Like · Mar 12, 2017 at 18:03
Category: sad
 
Poetry / Sad

Muzammil Shahzad

Abhi To Ishq Main Aisa Bhi Haal Hona Hay

abhi to ishq main aisa bhi haal hona hay
ke ashk rokna tum se mohal hona hay

her aik lab pe hen meri wafa ke afsanay
teray sitam ko abhi zawal hona hay

baja ke khaar hay lekin bahaar ki rut main
ye tay hay ab ke humain bhi nihal hona hay

tumhen khabar hi nahi tum to loat jao gay
tumharay hijar main lamha bhi saal hona hay

hamari rooh pe jab bhi azaab utrain gay
tumhari yaad ko is dil ki dhaal hona hay

kabhi to roye ga wo bhi kisi ki banhoon main
kabhi to uski hansi ko zawal hona hay

milain gi humain bhi apnay naseeb ki khushiaan
bas intizar he kab ye kamal hona hay

her aik shakhs chalay ga hamari raahon per
muhabaton main humain wo misal hona hay

zamana jis ke kham o paich main ulajh jayee
hamari zaat ko aisa sawal hona hay

Wasi yaqeen he mujh ko wo loat aye ga
usay bhi apnay kiye ka malal hona hay

· 1 Like · Mar 11, 2017 at 14:03
Category: sad
 
Poetry / Sad

Muzammil Shahzad

Devta Husn K Daikhay Boht Khud Sar Daikhay

devta husn k daikhay boht khud sar daikhay
ham ne bhi laug jo daikhay tau wo patthar daikhay

aaj bichartay huwe laugon ko sada de ai dil
teri aawaz pe Shayad koi murh karr daikhay

lab hain khamosh magar dil mai dhuwan uthta hai
ham NE chup chap sulagte huwe paikar daikhay

meri nazron mai sitaron ki haqiqat kia hai
maine palkon pe larztay huwe gauhar daikhay

mujhko chhalki hui har aankh se dar lagta hai
kaisey toote huwe dil dard k manzar daikhay

mujhko shikwa nahi ay katib e taqdeer magar
ro paray tu bhi agar mera muqaddar daikhay

· 1 Like · Mar 11, 2017 at 03:03
Category: sad
 
Poetry / Sad

Muzammil Shahzad

Devta Husn K Daikhay Boht Khud Sar Daikhay

devta husn k daikhay boht khud sar daikhay
ham ne bhi laug jo daikhay tau wo patthar daikhay

aaj bichartay huwe laugon ko sada de ai dil
teri aawaz pe Shayad koi murh karr daikhay

lab hain khamosh magar dil mai dhuwan uthta hai
ham NE chup chap sulagte huwe paikar daikhay

meri nazron mai sitaron ki haqiqat kia hai
maine palkon pe larztay huwe gauhar daikhay

mujhko chhalki hui har aankh se dar lagta hai
kaisey toote huwe dil dard k manzar daikhay

mujhko shikwa nahi ay katib e taqdeer magar
ro paray tu bhi agar mera muqaddar daikhay

· 1 Like · Mar 10, 2017 at 20:03
Category: sad
 
Poetry / Sad

Muzammil Shahzad

Mujhay Hairaton Say Hai Wasta Meray Dil Ka Qissa Ajeeb Hai

mUjhay HairatOn Say hAi WaSta Meray Dil Ka Qissa Ajeeb hAi
jO Vasal rUt Mein BiChar Gaya wO tO jAan Say Bhi Qareeb hAi

mUjhay hOsh Tha tO Khabar Na Thi Main jUnOo Mein Tha tO Pata Chala
wO jO Meray Dil Ka MakeeN hAi wOhii Jism o jAan Ka Habeeb hAi

tUjhay jAnta Bhi Nahien kOii Mera Harf hAi mOatbar
tUjhay Zar Mila mUjhay ShOratien Yeh Bhi Apna Apna NaSeeb hAi

mUjhay kOn tUjh Say Rehaie Dey mUjhay Apna Aap Dikhai Dey
Meray Dil Mein Ab Bhi Gari hOi Teri AarzOo Ki Saleeb hAi

Main mUhabbatOn Ka Safeer hOn Mera Kaam KhUsbOo Bikhairna
Nahien Is Say kOii Bhi gharz K wO dOor hai Ya Qareeb hAi

mUjhay Zindagi Mein SakOon Milay Yahii AarzOo hAi Meray KHUDA
mUjhay Teergi Say Nijaat Dey K tu rOshnii Ka NaQeeb hAi

· 1 Like · Mar 10, 2017 at 12:03
Category: sad
 
Poetry / Sad

Muzammil Shahzad

Khwaahish E Na Tamaam

Khwaahish e na tamaam

Ye jaante huye bhi ke ab hijr hi muqaddar hai
Kisi moajezay ke intezaar mein
Ke
Shayed zindagi kay sehra mein
Koi aisa lamha aaye
Jo hijr ko wisaal mein badle
Aur mera aur tumhaara saath amar ker de
Ay kaash

· 1 Like · Mar 09, 2017 at 05:03
Category: sad
 
Poetry / Sad

Muzammil Shahzad

Mera Dil Bahut Udaas Hai

Mera Dil Bahut Udaas Hai
Ye Raatein Be Sukoon Hai
Ye Din Be Araam Hai
Mujhe Mohabbat Ki Pyaas Hai
Mera Dil Bahut Udaas Hai

Ab Jo Tu Mujhse Bichhad Gaya
Mera Chain Bhi Mujhse Kho Gaya
Na Jane Kyon Phir Teri Aas Hai
Mera Dil Bahut Udaas Hai

Tujhe Bhulne ki Jab Koshish Kari
HaQeeQat Ko Samajhne ki Koshish Kari
Yun Laga Tu Kahin Aas Paas Hai
Mera Dil Bahut Udaas Hai

Zindagi Aise Dourahay Par Aayi Hai
Ke Sirf Main Aur Meri Tanhayi Hai
Na Jaane Ye Kaisa Ajeeb Ehsaas Hai
Mera Dil Bahut Udaas Hai

· 1 Like · Mar 08, 2017 at 18:03
Category: sad
 
Poetry / Sad

Muzammil Shahzad

Ik Baat Suno Kuch Aisa Hua

Ik baat suno kuch aisa hua
Wo mujhko mila main us ko mili
Izhar hua Iqrar hua
Wo chahne laga main chahne lagi
Usay pyar bohat
Mujhe pyar bohat
Phir kuch yun hua
Wo choar gaya
Main toot gayi
Phir kuch yun mile
Wo tanha tha
Main akeli thi
Bus hum do the
Or koi na tha
Wo rone laga
Main bebas rahi
Na pyar na hi izhar raha
Bas farq sirf itna sa raha
Wo mitti k ooper rota raha
Main mitti k andar soti rahi

· 2 Like · Mar 08, 2017 at 12:03
Category: sad
 
Poetry / Sad

Muzammil Shahzad

Gham E Hijr E Yaar Main Rahoon Be Qaraar Kab Tak

Gham-E-Hijr-E-Yaar main Rahoon Be-Qaraar Kab Tak?
Mere Dil Bata Yeh Mujh Ko Karoon Us Ko Pyar Kab Tak?

Ye Hujoom-E-Naa-Muraadi Gham-E-Be-Shumaar Kab Tak?
Teri Baat Ka Bharosa Tera Intizaar Kab Tak?

Shab-E-Hijr Ki Udaasi Kahein Mujh Ko Le Na Doobey!
Meri Dharkanon Pe Ho Gaa Tera Ikhtiyaar Kab Tak?

Nahi Aaj Kaa Bharosaa, Na Kal Ki Hain Umeedein
Teri Reh Takoon Main, Shab-E-Wasl-E-Yaar Kab Tak?

Jahaan Dekhiye Andhera! Jahaan Sochiye Udaasi!
Raah-E-Zindagi Mein Yaa RAB! Rahe Gaa Ghubaar Kab Tak?

Main Nikal Para Tha Tanha, Liye Saare Ranj Dil Par !
Magar Phir Khayal Aaya K Sahoon Ye Baar Kab Tak?

Meri Aankhein Tak Rahain Hain Teri Waapsi Ki Raahein!
Tu Hi Ab Bata De Mujh ko Karun Intizaar Kab Tak?!

Mujhe Yoon To De Gayaa Hai Woh Dilasa Jaate Jaate!
Magar Ab Ye Sochta Hoon Karoon Aitibaar Kab Tak?

· 1 Like · Mar 08, 2017 at 05:03
Category: sad
 
Ziddi kon ziyada hota hai.
Posted by fahad bukhari
Posted on : Feb 02, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS