Poetry / Sad

Muzammil Shahzad

Aa Gayii Yaad Sham Dhalte Hii

aa gayii yaad sham Dhalte hii
bujh gayaa dil chiraaGh jalte hii

khul gaye shahr-e-Gham ke darvaaze
ek zaraa sii havaa ke chalte hii

kaun thaa tuu ke phir na dekhaa tujhe
miT gayaa Khvaab aaNkh malte hii

tuu bhii jaise badal saa jaataa hai
aks-e-diivaar ke badalte hii

· 1 Like · 1 Days Ago
Category: sad
 
Poetry / Sad

Muzammil Shahzad

Ab Bhala Chhor Ke Ghar Kya Karte

ab bhala chhor ke ghar kya karte
shaam ke vaqt safar kya karte

terii masrufiytain jaante the
apne aane kii Khabar kyaa karte

jab sitare hi nahi mil paye
le ke ham shams o qamar kya karte

wo musafir hi khuli dhuup ka tha
saaye phaila ke shajar kya karte

Khaak hi avl o aaKhir thahri
kar ke zarre ko gauhar kyaa karte

raaye pehle se hii banaa lii tune
dil meN ab ham tere ghar kyaa karte

ishq ne saare saliqay bakhshe
husn se ksb e hunar kya karte

· 1 Like · 1 Days Ago
Category: sad
 
Poetry / Sad

Muzammil Shahzad

Khaamoshii Khud Apanii Sadaa Ho Aisaa Bhii Ho Sakta Hai

Khaamoshii Khud apanii sadaa ho aisaa bhii ho sakta hai
sanaTaa hii gounj rahaa ho aisaa bhii ho sakta hai

meraa maazii mujh se bichhar kar kyaa jaane kis haal main hai
merii tarah vo bhii tanhaa ho aisaa bhii ho sakta hai

sahara sahara kab tak main dhondu ulfat kaa ek aalam
aalam aalam ik saharaa ho aisaa bhii ho sakta hai

ahl-e-tuufaan soch rahe hain saahil Doobaa jaataa hai
Khud un kaa dil Duub rahaa ho aisaa bhii ho sakta hai

· 1 Like · 5 Days Ago
Category: sad
 
Poetry / Sad

Muzammil Shahzad

Uss K Baghair Kharchay Meri Umar Katt Gai

Uss k Baghair kharchay Meri Umar Katt Gai
Lekin Hayaat Kitnay Anaasar Mein Batt Gai

Main Ne Usay Khareed Liya Chahton k Bhaao
Phir Yun Hua K Qeemat-e-Bazaar Ghatt Gai

Behti Hui Thi oot mein Khuwaabon Ki Chaandni
Main Dekhne Laga to Dareechay se Hatt Gai

Logo ne Meri Shakl k Tukrey Utha Liye
Tasweer Meri Chahne Walo mein Batt Gai

Ghar Chornay Ka Jabb Bhi Irada Kiya Mohsin
Qadmoo Se Uss ki Yaad Ki Khusbhoo Lipat Gai

· 1 Like · 5 Days Ago
Category: sad
 
Poetry / Sad

Muzammil Shahzad

Wo Khaloos Tha K Khumar Tha ?

wo khaloos tha k khumar tha ?
wo janoon tha k saraab tha ?
mujhe sochne mein zamana laga
mujhe manzilon ne bhoola diya

mujhe jis maseeha pe maan tha
mujhe us ne sooli charha diya
kai humsafar kai rah guzar
mujhe raste mein mile magar

meri tishnagi kuch or hai
meri justajoo koi or hai
wo jo roshni ki tarha barhey
magar ansuon mein sama sakey

jo subha ki pehli kiran bane
mere dil ka aangan nikhaar de
jo muhabbaton ki rivaytain
laho ki balie se sanwaar de

mujhe us wafa ki talaash hai
mujhey us wafa ki talaash hai

magar is jahaan-e-kharab mein
yahaan khwahishon k saraab mein

mujhe kon de aisi wafa ?
mein kahaan se laoon wo wafa ?
inhi uljhanon mein ghira hua
Yehi sochta mein chala gya

· 1 Like · 5 Days Ago
Category: sad
 
Poetry / Sad

Muzammil Shahzad

Kisi Ko Yu Toot K Chahen Ge Socha Na Tha

kisi ko yu toot k chahen ge socha na tha,
apne bhi gulshan mein faqat yaadon k gul reh jayengen socha na tha,
maana wafa ka wafa se milan hy kathin bahut,
koi humse bhi yun ruth jayega socha na tha,
jaante hain rah-e-ishq ki manzil hy door bahut,
pr beech raah mein tum saath choar jaoge socha na tha,
muhabbat mein milti ruswayi hy amooman jaante hain sbhi,
koi humko bhi yun bhool jayega socha na tha,
apna hi dil khud hi ko lgne laga hy paraya,
kisi k ishq mein yu fana ho jayenge socha na tha,
faqt dil hi toh tha paas apne apna kehne k liye
woh bhi yu kisi ka ho jayega socha na tha,
kisi ki chah mein yun sb bhula bethenge hum
koi humko humse bhi zyada aziz ho jayega socha na tha,
hamari hi bhool thi jo humne usay chaha, usay apna mana,
itni si khatta pe BADNAAMI KA TAAJ sir sajega socha na tha

· 1 Like · Jan 09, 2017 at 20:01
Category: sad
 
Poetry / Sad

Muzammil Shahzad

Maqrooz K Bigray Hoye Halaat Ki Manind

Maqrooz k bigray hoye halaat ki manind
Majboor k honton pe sawalaat ki manind

Dil ka teri chahat mein ajab haal hua hay
Sailaab se barbaad makanaat ki manind

Main un mein bhataktay hoye jugno ki tarah hon
Us shakhs ki ankhain hain kisi raat ki manind

Dil roz sajata hon main dulhan ki tarah se
Gham roz chale ate hain baraat ki manind

Ab yeh bhi nahin yaad k kya naam tha us ka
Jis shakhs ko manga tha munajaat ki manind

Kis darja muqaddas hay tere qurb ki khwahish
Masoom se bache k khayalaat ki manind

Us shakhs se mera milna mumkin hi nahin tha
Main pyas ka sehra hon woh bersaat ki manind

Samjhao "Mohsin" us ko k ab reham kare
Dukh bantta phirta hay woh soghaat ki manind

· 2 Like · Jan 09, 2017 at 07:01
Category: sad
 
Poetry / Sad

Muzammil Shahzad

Mujhe Apne Zabt Pe Naaz Tha

Mujhe Apne Zabt Pe Naaz Tha,
Sare Bazm Raat Ye Kya Hua

Meri Aankh Kaise Chhalak Gayi
Mujhe Ranj Hai Ye Bara Hua

Meri Zindagi Ke Charagh Ka
Ye Andaaz Koi Nayaa Nahin

Kabhi Roshni, Kabhi Teergi,
Kabhi Jalaa Hua Kabhi Bujha Hua


Mujhe Raaste Mein Pada Hua
Kisi Badnaseeb Ka Khat Mila

Kahin Khoon-E-Dil Se Likha Hua,
Kahin Aansuon Se Mita Hua


Jo Nazar Bacha Ke Guzar Gaye,
Mere Saamne Se Abhi Abhi

Ye Mere Sheher Hi Ke Log The
Mere Ghar Se Ghar Mila Hua


Mujhe Humsafar Bhi Mila Koi,
To Shikasta Haal Meri Tarah

Kahin Raaston Ka Lutaa Hua
Kahin Manzilon Ka Thaka Hua

· 1 Like · Jan 08, 2017 at 13:01
Category: sad
 
Poetry / Sad

Muzammil Shahzad

Hawa Thami Thi Zaroor Lekin

Hawa Thami Thi Zaroor Lekin
Wo Shaam Jese Sisak Rahi Thi
K Zard Patton Ko Aandhiyo Ne
Ajeeb Qissa Suna Dia Tha
K Jis Ko Sun Kar Tamam Pattey
Sisak Rahe The Bilak Rahe The
Jaane Kis sanihay may
Shajar Jaron Se Ukhar Chuke The
Bht dhonda Tha Hum Ne Tum Ko
Har Aik Raasta
Har Aik Waadi
Har Ek Shehr Me
K Phr Us Sa aat Mein
Sufaid Chandani Utar Chuki Thi
Falak Pe Taarey Nahi Rahe The
Gulaab Piyare Nahi Rahe The
Wo Jin Se Basti Thi Dil Ki Basti
Wo Log Sare NAhi Rahe The
Ye Almiya Sab Se Baalatar Tha
K Hum Tumhare Nahi Rahe The
K Tum Hamare NAhi Rahe The
Hawa Thami Thi Zaroor Lekin
Bari Hi Muddat Guzar Chuki Thi

· 1 Like · Jan 07, 2017 at 15:01
Category: sad
 
Poetry / Sad

Muzammil Shahzad

Hawa Thami Thi Zaroor Lekin

Hawa Thami Thi Zaroor Lekin
Wo Shaam Jese Sisak Rahi Thi
K Zard Patton Ko Aandhiyo Ne
Ajeeb Qissa Suna Dia Tha
K Jis Ko Sun Kar Tamam Pattey
Sisak Rahe The Bilak Rahe The
Jaane Kis sanihay may
Shajar Jaron Se Ukhar Chuke The
Bht dhonda Tha Hum Ne Tum Ko
Har Aik Raasta
Har Aik Waadi
Har Ek Shehr Me
K Phr Us Sa aat Mein
Sufaid Chandani Utar Chuki Thi
Falak Pe Taarey Nahi Rahe The
Gulaab Piyare Nahi Rahe The
Wo Jin Se Basti Thi Dil Ki Basti
Wo Log Sare NAhi Rahe The
Ye Almiya Sab Se Baalatar Tha
K Hum Tumhare Nahi Rahe The
K Tum Hamare NAhi Rahe The
Hawa Thami Thi Zaroor Lekin
Bari Hi Muddat Guzar Chuki Thi

· 1 Like · Jan 07, 2017 at 07:01
Category: sad
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS