Poetry / Sad

Muzammil Shahzad

Jab Uss Ke Dar Se Utha Malaal Koi Na Tha

jab uss ke dar se utha, malaal koi na tha
ke mairi jholi maiN baqi sawaal koi na tha

bahaar aai to apnay siwaey zindaaN ke
tamaam sheHer maiN paraishaan haal koi na tha

kahaaN se la ke bichaye tumari raaH maiN phool
ke daal daal to kya, khal khal koi na tha

wo dinn hi theek the jab dill maiN rut badalnay ka
gumaan o khuvaab, yaqeen o khayaal koi na tha

yaqeen kar ke taire aankh uthne se pehlay
mairri nigaaH ke sheeshay maiN jaal koi na tha

huwa jo yooN to ye khoobi tairay hunar ki thi
marri wafaooN maiN mairra kamaal koi na tha

· 1 Like · 11 Hours Ago
Category: sad
 
Poetry / Sad

Muzammil Shahzad

Mujhe Kaamil Yaqeen Hai Tum Meri Ho Jao Gi Ik Din

Mujhe Kaamil Yaqeen Hai Tum Meri Ho Jao Gi Ik Din
Tumhare Dil Main Utrain Gay, Muhabbat Ki Sada Ban Kar


Mere Josh-e-Junoon Par Saari Khalqat Mujh Ko Takti Hai
Zara Tum Bhi Nazar Dalo, Na Betho Youn Khuda Ban Kar


Tumhein Ye Raaz Batla Doon, K Aksar Chand Raaton Main
Tere Aangan MaiN Aata Hoon SitarOn Ki Zia Ban Kar


Jigar Ka Khoon Laya Hoon Tairay Singhar Ki Khaatir
Hatheli Per Racha Lena Ye Mehke Ga Heena Ban Ker

· 1 Like · 18 Hours Ago
Category: sad
 
Poetry / Sad

Muzammil Shahzad

Belaus Muhabbat Ka Ye Andaz Rahey Ga

Belaus muhabbat ka ye andaz rahey ga
khamosh sa lehja pas-e-awaz rahey ga

veeranay me sadiyon se chupa aik khazana
tu dil me sada ban ke yunhi raaz rahey ga

har sham damak uthey gi yaadon ki chamak se
har subah terey naam se aagaz rahey ga

jab tak dil-e-pursoz ka likha hae dharakna
dharkan me terey dard ka aijaz rahey ga

urta hae khayal aur tujhey chu nahi sakta
nakaam safar haasil-e-parwaaz rahey ga

· 1 Like · 1 Days Ago
Category: sad
 
Poetry / Sad

Muzammil Shahzad

Kaif E Hayaat Tere Siwa Kuch Nahi Raha

Kaif e hayaat tere siwa kuch nahi raha
teri qasam hai tujh se juda kuch nahi raha

wallah sub rutain hain pareshan teray baghair
wallah mousamoun ka maza kuch nahi raha

toufan sahiloon ko uratay chalay gaye
kaisay kahon k kuch bhe raha kuch nahi raha

afsoos zakhm-e-jan ka marham nahi naseeb
afsoos dard-e-dil ka dawa kuch nahi raha

ham mekashoon pe kufr k fatwe diye gaye
ehl e khuda ko khouf e khuda kuch nahi raha

ham tu wafa parast rahain gain tamaam umar
maana k unko paas-e-wafa kuch nahi raha

kaify main kis tarha se wo manzar bayan karoun
main ne jo roo k un se kaha kuch nahi raha

· 1 Like · 1 Days Ago
Category: sad
 
Poetry / Sad

Mujhay Aawaz Day Laina

Mujhay Aawaz Day Laina

Kabhi Jab Aankh Chalkay Tab

Kabhi Jab DIL Na Sambhlay Tu

Mujhay Aawaz Day Laina

Kabhi Jab Doar Ho Koii

Bohat Majboor Ho Koii

Koii Aawaz Na Day Tu

Mujhay Aawaz Day Laina

Kabhi Jab DIN Na Guzray Tu

Kabhi Jab Raat Tarpaye

Kabhi Jab Din Main Andhera Ho

Mujhay Aawaz Day Laina

Main Teray Pass Hota Tu Hoon

Main Teray Sath Hota Tu Hoon

Mager Phir Bhi Guzarish Hay

Mujhay Aawaz Day Laina

· 1 Like · 1 Days Ago
Category: sad
 
Poetry / Sad

Muzammil Shahzad

Ye Shishon K Sapney

Ye Shishon K Sapney, Ye Dhagon K Rishtey
Kise Hai Khabar K Kahan Toot Jaye
"Muhabbat"K Darya Mai Kashti Wafa Ki
Kise Hai Khabar K Kahan Doob Jaye
Aaj "DIL" Ki Basti, Ajub"DIL"Ki Halat
Har Ek Mor Mosam Naya Khushyon Ka
Lagaye Hum Ne Bhi Sapno K Poday
Magar Kia Bharosa Yahan Barishon Ka
Jinhe"DIL"Se Chaha Jinhe"DIL"Se Puja
Nazar Aarahe Hain Wohi AJNABI Se
Rewayat Hai Shayad Sadiyon Purani
Shikayat Nhi Hai Koi es Zindagi Se



· 1 Like · 3 Days Ago
Category: sad
 
Poetry / Sad

Muzammil Shahzad

Kaun Kehta Hay K Maut Aayi Tu Mar Jaonga

kaun kehta hay k maut aayi tu mar jaonga
main tu dariya hoon samandar mein utar jaonga

tere pehlo se jo uthoon ga tu mushkil yeh hay
sirf ek shakhs ko paonga jidhar jaaonga

ab tere shehar mein aaonga musaafir ki tarah
saaya e abr ki maanind guzar jaonga

tera paimaan e wafa rah ki deewar bana
warna soocha tha jab chahonga mar jaonga

chaara sazooN se alag hay mera miyaar k main
zakham khaon ga tu kuch aur sanwar jaonga

ab tu khursheed ko doobay hoye sadiyaaN guzri
ab usay dhond nay mein taa baa sehar jaonga

zindagi shamma ki maanind jalaata hoon Nadeem
bujh tu jaonga magar subha tu kar jaonga

· 1 Like · 5 Days Ago
Category: sad
 
Poetry / Sad

Muzammil Shahzad

Jab Tera Hukam Mila, Tark E Muhabat Kar Di

Jab tera hukam mila, tark-e-muhabat kar di
Dil magar es pe wo dharka k qayamat kar di
Tujh se kis tarha mein izhar-e-tamana karta
Lafz soojha to maani ne baghawat kar di
Mein to samjha tha k loat atay hain jaane wale
Tu ne to ja k judai meri qismat kar di
Mujh ko dushman k iradon pe bhi pyar ata hai
Teri ulfat ne muhabat meri adat kar di
Pooch beitha hon mein tuj se tere koochay ka pata
Tere haalat ne kaisi teri sorat kar di
Kya tera jism, tere husan ki hiddat mein jala
Raakh kis ne teri sonay ki si rangat kar di

· 2 Like · 6 Days Ago
Category: sad
 
Poetry / Sad

Muzammil Shahzad

Kuch Roz Bohat Dil Tarpey Ga

Kuch Roz Bohat Dil Tarpey Ga
Kuch Roz Rahey Gi Nam Aankhein
Kuch Roz rahey Gi Bechaini
Kuch Roz Yeh Seena Sulgey Ga
Pani Mein Safeena Sulgey Ga
Rafta Rafta
Dheerey Dheerey
Phir Haalat Hijr Gazeeda ki
Ik Roz Sanbhal hi Jaye gi
Ik Zakhm Bharey ga Chahat ka
Ik Dard Thamey Ga Shiddat ka
Ik Diya Bujhey Ga Qurbat ka

Lakin Kya Aisa Mumkin Hai ?
Tum Khud Socho
Kya Yeh Namumkin, Mumkin Hai ?
Tum Khud Socho !

· 1 Like · Mar 22, 2017 at 02:03
Category: sad
 
Poetry / Sad

Muzammil Shahzad

Yeh Tum Acha Nahi Kartay

Akelay Jo Dukh Uthatey Ho
Yeh Tum Acha Nahi Kartay
Humara Dil Jalatay Ho
Yeh Tum Acha Nahi Kartay

Kaha Bhi Tha Mohabat Hai
Mohabbat Hi Issey Rakho
Tamasha Jo Banatay Ho
Yeh Tum Acha Nahi Kartay

Uthatay Ho Falak Tak Tum
Humain Sar e Mehfil Main
Uthaa Kar Jo Giratay Ho
Yeh Tum Acha Nahi Kartay

Jo Koi Pooch Lay Tumse ke
Rishta Kya Hai Abhi Un Sey
To Nazron Ko Jo Jhukatay Ho
Yeh Tum Acha Nahi Kartay

Bikhar Jayen Andheron Main
Saharaa Tum To Detay Ho
Magar Phir Chorr Jatay Ho
Yeh Tum Acha Nahi Kartay

· 1 Like · Mar 21, 2017 at 11:03
Category: sad
 
Cute Pari
Posted by waqas moti
Posted on : Dec 09, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS