Archives

Poetry / Love

Muzammil Shahzad

Wohi Baarish Ka Mausam Hai

wohi baarish ka mausam hai
wohi barsey huay gham hain
wohi naadan sey hum hain
wohi kaaghaz ki kashti hai
wohi paani ka raila hai
merey bachpan zra dekho
wohi phir khel khela hai
wohi kashti banayi hai
woh paani par chalaye hai
hamain lagta hai phir se hum
usi kashti mein bethay hain
magar bilkul akelay hain
tumhain kuch yaad hai jana
woh kaaghaz ki bani kashti
kahan kab paar jaati hai
hamesha toot jaati hai
chalo waada kiya tum sey
chalo waada nibhayen gay
faqat tum paar utro gay
faqat hum doob jaayen gay
tumhen kuch yaad hai jana?

· 1 Like · 3 Hours Ago
Category: love
 
Poetry / Love

Muzammil Shahzad

Meri Pagal Mohabbat Tumhein Yaad Ayegi

jab Chaand Sitare chamak rahey hon
Jab Yaadon k Phool Mehak rahey hon
Jab Deed ko Nain taras rahey hon
Jab Aankhon se Aansoo baras rahey hon

Meri Pagal Mohabbat Tumhein Yaad aayegi

Jab Tanhai se Dil Ghabraye ga
Jab Tumhein Akela Pan Satayega
Jab koi Khuwab hi nahi ayega
Jab Phool Kitab mai hi reh jayega

Meri Pagal Mohabbat Tumhein Yaad ayegi

· 1 Like · 22 Hours Ago
Category: love
 
Poetry / Love

Muzammil Shahzad

Usay Maine Hi Likha Tha

Usay maine hi likha tha
Ke lehjay barf ho jayein
To phir pighla nahi kartey
Parinday dr k urr jayein
To phir lota nahi kartey

Usay maine hi likha tha
Yaqeen uth jaye to shayed
Kabhi wapis nahi aata
Hawaon ka koi toofaan
Kabhi barish nahi lata!!!

Usay maine hi likha tha
Ke sheesha toot jaye to
Kabhi phir jurr nahi paata
Jo rastey se bhatak jaye
Wo wapas murr nahi paata

Usay kehna woh bemayne adhoora khat
Usay maine hi likha tha
Usay kehna k deewanay!!!
mukammal khat nahi likhtey!

· 1 Like · 3 Days Ago
Category: love
 
Poetry / Love

Muzammil Shahzad

Tum Hi Yaad Aatay Ho

Har Haseen Mousam Ki Har Haseen Barish Main

Dard Tum Jagatay Ho

Be Waja Satatay Ho

Mousamon Kay Lutf Ko Tum Dard Main Bahatay Ho

Zindagi Kay Naam Say Tum Jee Mera Jalatay Ho

Lutf Kay Bhi Lamhay Yaad Main Ganwatay Ho

Har Haseen Mousam Ki Har Haseen Barish Main

Tum Hi Yaad Aatay Ho

Tum Hi Yaad Aatay Ho

· 1 Like · 3 Days Ago
Category: love
 
Poetry / Love

Muzammil Shahzad

Mohabbat Kuch Bhi Ho Jana

Mohabbat Kuch Bhi Ho Jana

Mohabbat Dars Deti Hay

Mohabbat Zabt Deti Hay

Mohabbat Barishain Aisi

Koii Tu Doob Jata Hay

Koii Tu Paar Hota Hay

Ye Wo Unwaan Hay Jana

Jisay Ham Likh Nahi Saktay

Koii Anjaam Ho es Ka

Suhail Itna Zara Socho

Mohabbat Jeet Jati Hay

Mohabbat Haar Deti Hay

Kise Ko Zinda Rakhti Hay

Kese Ko Maar Deti Hay

· 1 Like · 3 Days Ago
Category: love
 
Poetry / Love

Muzammil Shahzad

Bheegi Palken

bheegi palken
dard se chalakti ankhen
ankhon mein lal dori
galon pe phisalta moti
lab katte hoye
main aksar usey
bari mehviyat se dekhta hon
pagli!
tujhe kya maloom
tujhe rula kar
main teri ankhon mein
sare jahan ka husn dekhta hon!!!!

· 1 Like · 3 Days Ago
Category: love
 
Poetry / Love

Muzammil Shahzad

Bheegi Palken

bheegi palken
dard se chalakti ankhen
ankhon mein lal dori
galon pe phisalta moti
lab katte hoye
main aksar usey
bari mehviyat se dekhta hon
pagli!
tujhe kya maloom
tujhe rula kar
main teri ankhon mein
sare jahan ka husn dekhta hon!!!!

· 1 Like · 5 Days Ago
Category: love
 
Poetry / Love

Muzammil Shahzad

Bujhta Huwa Diya Ye Saza De Gaya Mujhay

bujhta huwa diya ye saza de gaya mujhay
mai shola e junoon tha, hawa de gaya mujhay

mai lehlahaati shakh ko samjha tha zindagi
patta gira to dars e fana de gaya mujhay

sooraj ki chund jaagti kirnon ka qafila
khwabeeda manzilon ka pata de gaya mujhay

khushboo ka aik narm sa jhonka bahaar mai
guzray huway dinon ki sada de gaya mujhay

merey liye to saans bhi laina mahaal hai
ye kaun zindagi ki dua de gaya mujhay

mai khamoshi ka paikar e be rang tha "SEHAR"
ik shakhs bolnay ki ada de gaya mujhay

· 1 Like · 6 Days Ago
Category: love
 
Poetry / Love

Muzammil Shahzad

Tumhain Ik Bat Kehni Hai

Tumhain Ik Bat Kehni Hai

Magar Naraz Mat Hona

K Tum Jo Har Ghari Mujhko

Itna Yaad Aatay Ho

Hamain Itna Satate Ho

K Hum Tum Door Hain Dono

Bohat Majboor Hain Dono

Naa Itna Yaad Aoo Tum

Naa Youn Itna Satao Tum

K Itna Yaad Aa Kar Yun

"Hamain Pagal Bana K Tum"

Faqat Itna Bata Do K

Hamari JAAN Lo Gay Kya?

Magar Ye Bhi Haqeeqat Hai

Tumhari YAAD Hi To Hai

Jo Har Pal Saath Rehti Hai

Khushi Main Bhi, Ghamon Main Bhi

Udaasi K Palon Main Bhi

Tumhari YAAD Hi To Hai

Jo Har Pal Ye Batati Hai

Mujhe Ehsas Dilati Hai

K

HUM TUM BIN ADHURE Hain

· 1 Like · Mar 15, 2017 at 18:03
Category: love
 
Poetry / Love

Muzammil Shahzad

Ye Jo Diwane Se Do Char Nazar Ate Hain

ye jo diwane se do char nazar ate hain
in mein kuch sahib-e-asrar nazar ate hain

teri mahfil ka bharam rakhte hain so jate hain
werna ye log to bedar nazar ate hain

door tak koi sitara hai na koi jugnu
marg-e-ummid k asar nazar ate hain

mere daman mein shararon k siwa kuch bhi nahin
ap phulon k kharidar nazar ate hain

kal jise chu nahin sakti thi farishton ki nazar
aj wo raunaq-e-bazar nazar ate hain

hashr mein kaun gawahi meri dega
sab tumhare hi tarafdar nazar ate hain

· 1 Like · Mar 15, 2017 at 04:03
Category: love
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS