Poetry / Sad

Muzammil Shahzad

Ay Dil Tu Mohabbat Karta Kyun Hay

Ay Dil Tu Mohabbat Karta Kyun Hay
Jo Karta Hai Tu Phir Tarapta Kyun Hay


Jo Beth Gaya Hay Dil Main Pyaar Ka Dard Ban Kay
Wo Aankhon Kay Rastay Nikalta Kyun Hay


Main Teray Saath Hoon Har Rah Main Mujh Say Kehta Tha Woh
Tu Phir Aaj Yeh Raasta Mujhay Sunsaan Lagta Kyun Hay


Main Dharkan Hoon Us Kay Dil Ki Woh Kehta Tha Mujhay
Phir Aaj Us Ka Dil Meray Bina Dharakta Kyun Hay


Woh Mera Nahi Hay Yeh Janta Hoon Main Phir Bhi
Kise Or Kay Saath Dekh Kay Us Ko Dil Machalta Kyun Hay

· 1 Like · Apr 08, 2017 at 01:04
Category: sad
 
Poetry / Sad

Muzammil Shahzad

Tum Es Dard Say Guzray Ho Na?

Tum es dard say guzray ho Na?


wo rut jis mein jal jati hain Aankhien
tum Par Bhi guzrii hai
wo Shab jo Mahtab say Tapkay
Aansoo Aansoo Shabnam Shabnam
wo Shab mujh par bhi utri hai
wo Din wo Ghariyan So jaien
Lamhay Pathar Kay ho jaien
wo Din tum Nay Bhi Kata hai
wo Din Main Nay Bhi Kata hai
dono Kay Jismon Mein roohon Mein
Yaksaan dukh Ka Sanata
Phir kyon mujh say Poochtay ho tum
Meri Palkien kyon Purnum hain
Aakhir mujh Ko kon say gham hain
tum es dard say guzray ho na ?

· 1 Like · Apr 07, 2017 at 15:04
Category: sad
 
Poetry / Sad

Muzammil Shahzad

Bijliyon Kii Hansii Uraane Ko

bijliyoN kii hansii uRaane ko
Khud jalata huuN aashiyaane ko



ro rahaa hai agarche dil phir bhii
muskuraataa huuN muskuraane ko


mutlaqan dilkashii na thii us meN
kaun suntaa mere fasaane ko


chean lii us ne taaqat-e-parvaaz
aag lag jaaye aashiyaane ko

Shaad itnaa hii ham samajhte haiN
ham samajhte nahiiN zamaane ko



· 1 Like · Apr 07, 2017 at 08:04
Category: sad
 
Poetry / Sad

Muzammil Shahzad

Ye Barishain Bhi Tum Say Hain

Ye Barishain Bhi Tum Say Hain

Jo Baras Gaii Tu Bahaar Hay

Jo Thehar Gaii Tu Qaraar Hay

Kabhi Aa Gaii Yon Hi Be Sabab

Kabhi Cha Gaii Yon Hi Roz o Shab

Kabhi Shorr Hay Kabhi Chup See Hain

Ye Barishain Bhi Tum Say Hain

Kise Yaad Main Kise Raat Ko

Ak Dabi Hoi See Raakh Ko

Kabhi Yon Hawa Say Bujha Dia

Kabhi Khud Say Khud Ko Jala Dia

Kabhi Boond Boond Main Ghum Say Hain

Ye Barishain Bhi Tum Say Hain

· 1 Like · Apr 06, 2017 at 16:04
Category: sad
 
Poetry / Sad

Muzammil Shahzad

Abhi Waqt Hai Mujhy Chorr Ja

ABHI WAQT HAI MUJHY CHORR JA…

Abi Maslehat Ka Muqam hai
Abi Qafiloon Ka Qayaam hai
Abi Dastras men hai Zindagi
Abi Chashm-e-Num mein hai Roshni
Abi Naqsh-e-Paa Ko Sabaat hai
Abi Kuch He Dair Ki Baat hai

ABHI WAQT HAI MUJHY CHORR JA

Abi Gard Rah Se Urri Nhi
Abi Kirchiyon me Battay Nhi
Abi Hr Nazara Haseen hai
Abi Subh-e-No Ka Yaqeen hai
Abi Hum Kinaron Pe Hen Kharay

ABHI WAQT HAI MUJHY CHORR JA

Yeh Safar Nhi Azaab hai
Yahan Hr Qadam Pe Saraab hai
Yahan Bad Gumani Ka Raaj hai
Yahan Be-Wafai Rivaj hai
Abi Hosh Khony K Din Nhi
Abi Tery Ronay K Din Nhi

ABHI WAQT HAI MUJHY CHORR JA

Abi Sari Nagri Andher hai
Abi Din Nikalnay main Dair hai
Abi Behr-e-Ishq men Na Utar
Abi Sheher Sara hai Be-Khabar

ABHI WAQT HAI MUJHY CHORR JA

· 1 Like · Apr 06, 2017 at 07:04
Category: sad
 
Poetry / Sad

Muzammil Shahzad

Haath Ki Lakeeron Me

Haath ki Lakeeron me

kya Talash krtay ho

En Fazool Baton me

Kis ley Ulhajtay ho

Jis ko milna hota hay

Bin Lakeer dekhay hee

Zindagi ke Raston per

Sath Sath chalta hay

Phir kahan Bicherta hay

Jo nhi moqadar me

Kab Hamen wo milta hay

Kab wo sath chalta hay

Hath ki Lakeeron me

Kya Talash krtay ho

· 1 Like · Apr 05, 2017 at 08:04
Category: sad
 
Poetry / Sad

Muzammil Shahzad

Bohat Dinon Baad

BOHAT DINON BAAD,
MEIN NAY SOCHA TO YAAD AAYA,
Ke MERAY ANDER KI RAAKH KAY DHAIR PAR ABHI TAK,
TERAY ZAMAANAY LIKHAY HUAY HAIN,
SABHI FASANAY LIKHAY HUAY HAIN

· 1 Like · Apr 04, 2017 at 06:04
Category: sad
 
Poetry / Sad

Muzammil Shahzad

Kuch Raat Ki Aankhain Bheegi Thi

Kuch Raat Ki Aankhain Bheegi Thi

Or Chand Bhi Rootha Rootha Tha

Kuch Yaadain Us Ki Baki Thi

Or DIL Bhi Toota Toota Tha

Kis Morr Pay Bichray Yaad Nahi

Honton Pay Koii Faryaad Nahi

Us Waaday Ki Bhi Khabar Nahi

Wo Sacha Tha Ya Jhoota Tha

Har Lamha Aahain Bhartay Hain

Or Ak Hi Dua Hum Kartay Hain

Ay Kaash Wo Wapis Aa Jaye

Ay Kaash Wo Wapis Aa Jaye

· 1 Like · Apr 03, 2017 at 17:04
Category: sad
 
Poetry / Sad

Ussey Mujh Se Ye Shikwa Hai

ussey mujh se ye shikwa hai
safer kion mukhtasir hai?
faslay kyu kar simat jaatey hein lamhon mein
tumharay saath chalnay mein
ye ek nuksaan sa kiya hai ke jonhi hum ne
waqt ek saath bitanay ka irada bandha
ye shaam yon lapki
ke jaisey muntazir thi buss humari hee
ab usse kaisey batain ke
safer kion mukhtaser hai?
usse kaisey bataon k
ye shikwa aap musafir hai!!!

· 1 Like · Apr 03, 2017 at 10:04
Category: sad
 
Subhan ALLAH
Posted by afza altaf
Posted on : Jul 19, 2015

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS