Poetry / Sad

Muzammil Shahzad

Khatm Ye Rooh Ka Aazaar Krna Chahta Hun

khatm ye rooh ka aazaar krna chahta hun
mein apni zaat ka inkaar krna chahta hun

mujhey khabar hae terey raastey ka pathar hun
so teri raah ko hamwaar krna chahta hun

wafa k zikr se honay lagi hae wahshat si
ab apney jhoot ka iqraar krna chahta hun

mein apni ghaat me betha hua hun muddat se
per aaj khul ke zra waar krna chahta hun

mein terey saamney aya hun le kr aaina
ye dekh tujh ko shramsaar krna chahta hun

meri majaal kahan aap ko ghalat keh dun
bus ik khyaal ka izhaar krna chahta hun

agar gunah yehi hae ke sach kaha mein ne
to phir gunaah bar bar krna chahta hun

· 1 Like · 3 Hours Ago
Category: sad
 
Poetry / Sad

Muzammil Shahzad

Anchal Teri Yadon Ka Bighoo Deti Hai Barish

Anchal teri yadon ka bighoo deti hai Barish
Sochon pe jami gard ko dho deti hai Barish

Hans hans ke sunati hai jahan bhar k fasaney
Poochon tere baray me to ro deti hai Barish

Lagtey hain paray meri aankhon ko manazer
Hairat mere ehsas ko wo deti hai Barish

· 1 Like · 24 Hours Ago
Category: sad
 
Poetry / Sad

Muzammil Shahzad

Janay Kyun Shikast Ka Aazab Liye Phirta Hoon

Janay Kyun Shikast Ka Aazab Liye Phirta Hoon
Main Kia Hoon Or Kia Khowab Liye Phirta Hoon

Us Nay Ak Baar Kia Tha Sawal -e- Mohabbat
Main Har Lamha Wafa Ka Jawab Liye Phirta Hoon

Us Nay Pucha Kab Say Nahi Soye
Main Tab Say Raat Jagnay Ka Hisaab Liye Phirta Hoon

Us Ki Khowaish Thi Ke Meri Aankhon Main Pani Dekhay
Main Us Waqt Say Aansoon Ka Sailaab Liye Phirta Hoon

Afsoos Ke Phir Bhi Wo Mera Na Howa Kanwal
Main Jis Ki Aarzoo Ki Kitaab Liye Phirta Hoon

· 1 Like · 3 Days Ago
Category: sad
 
Poetry / Sad

Muzammil Shahzad

Mujhay Aarzo e Sehar Rahi Yon Hi Raat Bhar

Mujhay Aarzo -e- Sehar Rahi Yon Hi Raat Bhar Bari Dair Tak
Na Bikhar Sakay Na Simat Sakay Yon Hi Raat Bhar Bari Dair Tak

Hay Bohat Aazab Or Akelay Hum, Shab -e- Ghum Bhi Meri Taveel Tar
Rahi Zindagi Bhi Saraab Or Rahi Aankh Tar Ba Tar Dair Tak

Yaha Har Taraf Hay Ajeeb Samaan, Sab Hi Khud Pasand, Sab Hi Khud Numa
Dil -e- Be Qaraar Ko Na Mila Koii Chara Gar Bari Dair Tak

Mujhay Zindagi Hay Azeez Tar, Isi Wastay Meray HumSafar
Mujhay Qatra Qatra Pila Zehar Jo Karay Asar Bari Dair Tak

· 1 Like · 3 Days Ago
Category: sad
 
Poetry / Sad

Muzammil Shahzad

Bharosa Toot Janay Se Zara Pahlay Bata Daina

Bharosa toot janay se zara pahlay bata daina
Mujhay tum azmanay se zara pahlay bata daina

Kisi heelay bahanay se zara pahlay bata daina
K mujh ko tum bholanay se zara pahlay bata daina

Zamin ki rait pe tum ne mohabbat se likhi thi jo
Woh tahrerain mitanay se zara pahlay bata daina

Mairay dilber k es dil per main rakh loon zabt ka pathar
Suno daman churranay se zara pahlay bata daina

Kisi bhi mor pe Mohsin bura pao agar mujh ko
Bharosa toot janay se zara pahlay bata daina

· 1 Like · 3 Days Ago
Category: sad
 
Poetry / Sad

Muzammil Shahzad

Behain Ashk Kyun Tumharey Inhen Rok Lo Khudara

Behain Ashk kyun tUmharey Inhen Rok Lo Khudara
mUjhay Dukh QabOol Sarey Ye Sitam Nahi Gawara

Ho Kisi K tum Sarapa Magar Aah! Kya Karon Main
Meri rooh Bhi tumhari, Mera Jism Bhi tumhara

Main Gham e Alam Ki mOujOn Se Ulajh Raha hun tanha
mujhay Aa K Do Sahara, mujhay Thaam Lo Khudara

Meri Dil Shikastagi Par mUjhay Gharq e Gham Smajh Kar
Wo Jo aik AarzOo Thi, wO bhi Kar Gai Kinara

MUjhay Izn e Marg Dey Kar Wo Ufaq Pe Chand dooba
Woh Mera NaSeeb Ley Kar, koi bujh Gaya Sitara

HAi mUjhay Talaash Us Ki Jo Kabhi Ka Kho Chuka hay
mUjhay justujo Ka Kar Ke, Kahen dOor Sey Ishara

mUjhey Choar Kar Gye Ho, Mera Sabr Aazmaney
To Suno K Ab Nahi hAi, mUjhey Zabt e Gham Ka Yara

· 1 Like · 4 Days Ago
Category: sad
 
Poetry / Sad

Muzammil Shahzad

Akhir E Shab Mein Sitaron Ko Bujha Kar Sona

Akhir-e-shab mein sitaron ko bujha kar sona
Meri Aadat ha ye khwabon ko sula kar sona

Na hi es pehlu qaraar our na chain us karwat
Kitna dushwar ha apnon ko sata kar sona

Raat bhar kaise sanbhale howe rakho ge inhain
Meri mano tu in ashkon ko beha kar sona

Us ne tu choar diya meri gali mein Aana
Main ne chora nai raston ko saja kar sona

Khwab Aa jayin na phir Neend churane
Jagti Aankhon ko pehre pe bitha kar sona

· 1 Like · 5 Days Ago
Category: sad
 
Poetry / Sad

Muzammil Shahzad

Kaha Dil Nay Dharak Kar, Vasl Ka Lamha Nazar Aaye

Kaha dil nay dharak kar, vasl ka lamha nazar aaye
jawaban aankh mein yaadon bharay aansu ubher aaye

kaha! jazbaat kyun alfaaz mein dhalnay say qaasir hain?
kaha! kuch rang qudrat kay, bayaan say balatar aaye

kaha! gham ki tapish to aankh ko bay noor ker de gi
kaha! qudrat Khuda ki, aankh mein paani utar aaye

kaha! tum beej dil mein pyar kay bo kar kahan gum ho?
zara daikho to palkon par, samar kitnay utar aaye

abhi to ik lehar maachli hai, bolo! darr gaye ho kyun?
barri baatein banatay thay, behar aaye, bhanwar aaye

kaho! kitnay ishaaray aur daikho gay to jaano gay
suno! rakht-e-safar bandho, najanay kab safar aaye

Kaha! main nay payamber der payamber sab sikha daala
jahannum bhi hai jannat bhi, idher aaye, udher aaye

· 1 Like · 6 Days Ago
Category: sad
 
Poetry / Sad

Muzammil Shahzad

Dard Ki Har Ik Hadd Se Ab Guzar Gaya Hon Main

Dard ki har ik hadd se ab guzar gaya hon main
Phir kabhi na simtoun ga youn bikhar gaya hon main


Mout bas naheen aati rooh k nikalne se
Sans mujh main baqi hai phir bhi mer gaya hon main


Zindagi main jitni bhi roshni thi uss se thi
Mustaqil andheron main ab utar gaya hon main


Baam o dar bhi us k baad ho gaye hain youn khamosh
Aur dil ulajhta hai jabb bhi ghar gaya hon main


Us ka sath jab tak tha rung rung mausam the
Bas khizaan k mausam main ab thehar gaya hon main

· 1 Like · 6 Days Ago
Category: sad
 
Poetry / Sad

Muzammil Shahzad

Chalo Tum Chorr Do Mujh Ko

Chalo Tum Chorr Do Mujh Ko
Main Wapis Lout Jata Hoon
Tumhain Manzil Mubarak Ho
Naya Saathi
Mubarak Ho
Mager Phir Ay Meray
HumDum
Mujhay Itna Tu
Batla Do ?
Keh Wapis Kis Taraf Jaon ?
Kahan Say Saath
Laaye Thay ?
Mujhay Itna Tu
Samjha Do ?
Ager Aisa Nahi Mumkin
Tu Mujh Ko
Is Tarah Torro
Keh Main Yaksar
Bikhar Jaon
Bhataknay Say Tu Behtar Hai
Tumharay
Pass
Marr Jaon!

· 1 Like · Apr 23, 2017 at 17:04
Category: sad
 
Hazrat Ali ne Farmaya
Posted by asiya faheem
Posted on : Dec 20, 2015

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS