Kisi ki aankh se sapne chura kar kuch nahi milta
Mandiron se chiragon ko bujha kar kuch nahi milta

Koi aik adh sapna ho tou phir accha b lagta hai
Hazaron khwab ankhon mei saja kar kuch nahi milta

Yeh accha hai ke aapas ke bharam na tootne payein
Kabhi bhi doston ko azma kar kuch nahi milta

Amal ki sookhti rug mei zara sa khoon shamil kar
Mere humdam faqt batein bana kar kuch nahi milta

Mujhe aksar sitaron se yeh awaz aati hai
Kisike hijar mei neendein ganwa kar kuch nahi milta

Jiggr ho jayega chalni yeh ankhein khoon royengi
Ae dil Bey faiz logon se nibah kar kuch nahi milta

Baat Din Ki Nahi, Ab Raat Se Dar Lagta Hai
Ghar Hai Kachaa Mera, Barsaat Se Dar Lagta Hai

Tere Tohfay Ne Tou Bas Khoon Ke Aansoo Hi Diye
Zindagi Ab Teri Saughaat Se Dar Lagta Hai

Pyaar Ko Chor Ker Tum Aur Koi Baat Karo
Ab Mujhay Pyaar Ki Har Baat Se Dar Lagta Hai

Meri Khaatir Na Wo Bandnaam Kahein Ho Jaein
Iss Liye Unn Ki Mulaqaat Se Dar Lagta Hai

Ab Agar Aao Tou Jaane ke Liye Mat Aana
Sirf Ahsaan Jataane ke Liye Mat Mana

Maine Palkon Pe Tamannaen Saja Rakhi Hain
Dil Par Umeed ki so Rasmen Jala Rakhi Hain
Ye Hanseen Shammen Bujhaane ke Liye Mat Aana

Pyar ki Aag Main Zanjeer Pighal Sakti Hai
Chahne Walon ki Takdeer Badal Sakti Hai
Hoon Bebas Ye Batane ke Liye Mat Aana

Mujhse Milne ki Agar Tumko Nahi Chahat koi
Tum Sirf Rasmen Nibhane ke Liye Mat Aana...

Bohat hi yaad aata hai mere Dil ko tarpaata hai
woh tera paas na hona bohat mujh ko rulaata hai

woh mera teri aankhon k samander main uttar jaana
aur teri muskurahat ke bhanwar main doobte jaana

teri awaaz k sehar se na nikal paana
tujh ko dekhna aur bey khudi se dekhte jaana

bohat chaha in guzre hue lamhon ko na sochoon
na teri yaad main reh k tere saath ka sochoon

bhoola doon saari yaadon ko ke jin se Dil tarapta hai
k jin se thees uthti hai k jin se dard hota hai

magar jab raat aati hai tou teri yaad aati hai
terey hi khuwaab hote hain teri hi baat hoti hai

tou tay paaya ab mumkin nahi tujh ko bhoola dena
teri yaad main rehna tujhe hi sochte rehna

tujhe jab yaad karte hain tou Dil apna tarapta hai
woh tera paas na hona bohat mehsoos hota hai...

Sab se chupa kar dard jo woh muskura diya
us ki hansi ne tou aaj mujhe rula diya

lehje se uth raha tha har ik dard ka dhuaan
chehra bata raha tha k kuch ganwa diya

aawaz mein thayrao tha aankhoon mein nami thi
or keh raha tha k mein ne sab kuch bhula diya

jane kya us ko logon sey thein shikayatein
tanhaiyon ke daish mein khud ko basa diya

khud bhi woh hum sey bichar kar adhura sa ho gaya
mujh ko bhi itne logon mein tanha bana diya

Kisi roz tum ko bhe meri bohot yaad aai gee,
mager us din bohot daer ho jai gee ,

tum milna chaho gee mager mujh ko daikh na pao gee,
tum dhoondo gee mujhe mager daikh na pao gee,

tum tarpo gee meri yaad main or aansoo bahao gee.
mujhe daikhe bina ik pal bhe na reh pao gee.

meri yaad main tum gum sum ho jao gee,
khud apni gali ka pata bhe bhool jao gee,

mere tasauwur main tum aise kho jao gee,
koi pukare ga tum meri hi batein dohrao gee,

or main dour khara teri baychaini ko daekhta rahoon ga,
or tum kuch pal ke liye mujh se khafa ho jao gee,

or main teri bikhri zulfoon ko sunwaroon ga,
or tum sharma kar mere gale se lag jao gee,

or phir jab tum rooth kar kaheen dour chali jao gee,
us din mein phir tum se yahee baat kahoon ga,

kisi roz tum ko bhe meri bohot yaad aai gee

Woh pathar dil sahi hamara bhi ye dawaa hai
Hamaray lab jinhe chu lein wo pathar bol uthay

Raaz-e-hasti kuch nahi aksar yehi dekha gia
Bey khabar hanste rahe aur ba khabar rotay rahe

Mey khanay ki tauheen hai rindo ki hatak
Kam zarf ke haath mein agar jaam diya jaye

Hum karain baat daleelon se tou rud hoti hai
Iss ke honton ki khamoshi bhi sanad hoti hai

Abhi mitti na khunki thi abhi paani na barsa tha
Magar bazm-e-anasir mein tere hone ka charcha tha

Mujeh Ye Zid nahi mere Gally ka Haar ho jao
Akhela Chor dena , tum jahaan Bey zaar ho jao

Buhat Jaldi Samajh mein aany lagty ho Zamane ki
Buhat Aasaan ho, thory Buhat dushwaar ho jao

Mulaqakto mein wafa ls liye hona zaroori hai
Ke tum ik Din Judaaee ke liye Tayaar ho jao

Main Kesi Chilchalati Dhoop ke Sehra Se aya hoon
Bas ab Esa karo , Tum Saya-e-Dewaar ho jao

Tumhary paas deny ky liye jhoti Tasali ho
Na Aay Esa Din , Tum isqadar Nadaar ho jao

Tumhy Maloom ho jaye ga Kese Ranj Sehty hain
Meri itni Duaa hai Kaash tum Funkaar ho jao

Yehi Wafaa ka silaah hai, tou koi baat nahi
Yeh dard tum ne diya hai, tou koi baat nahi

Yehi bohot hai ke tum dekhte ho sahil se
Safeena doob raha hai, tou koi baat nahi

Rakha tha aashiyana-e-dil main chhupa ke tumko
Woh ghar tumne chor diya hai tou koi baat nahi

Tum hi ne aayena-e-dil mera banaya tha
Tum hi ne tod diya hai tou koi baat nahi

Kis kii majaal kahe koi mujh ko deewana
Agar yeh tumne kaha hai tou koi baat nahi