Kuch dour hamare saath chalo
Hum dil ki kahani kehdein ge
Samjhe na tum jisse aankhon se
Woh baat zubaani kehdein ge

Jo pyar karein ge jaanein ge
Har baat hamari maanein ge
Jo juley na hon khud ulfat mein
Woh aag ko paani kehdein ge

Jab pyaas jawan ho jaye gi
Ehsaas ki manzil paye gi
Khamosh rahein ge aur tumhein
Hum apni kahani kehdein ge

Iss dil mein zara tum baitho tou
Kuch haal hamara poocho tou
Hum sada dil hain ashqana‌ mager
Har baat poorani kehdein ge...

Tumhain ab bhool hi jayain tou acha hai,
Yeh faslay aur bhi barh jayain tou acha hai,
Tumhari chahatain hum ko nahin hasil,
Tou ab ghair hi bun jayain tou acha hai,

Hamari tou umer guzri hai teri chahat main,
Tu iss aag main na jalay tou acha hai,
Barsoon se thi Dua k tu meray sath ho,
Kehta hon k ab saamnay na aye tou acha hai,

Rehta tha teri mohabbat ka saya hamaray sath,
Ab tou apni parchai bhi sath na aye tou acha hai,
Raiza Raiza ho chuki hai roooh meri,
Ke badan say ab nikal hi jaye tou acha hai

Bana gulab tou kantay chubha gaya aik shakhs,
Huwa chiragh tou ghar hi jala gaya aik shakhs,

Tamam rang meray aur saray khuwab meray,
Fasanay thay k fasana bana gaya aik shakhs,

Mein kis hawa main uron kis fiza mein lehraon,
Dukhon key jaal her su bicha gaya aik shakhs,

Mohabbaton nay kisi ki bhula rakha tha issey,
Milley woh zakham k phir yaad aa gaya aik shakhs,

Khula yeh raaz k aina khanah hai duniya,
Aur iss main mujhey tamasha bana gaya aik shakhs

Bahar-e-Ishq main doob k daikh kabhi
jaam-e-mohabbat pee k daikh kabhi

her taraf tera hi aks nazar aye ga
meri aankhon mein pyar say daikh kabhi

ghuror hay tujhey apni zulfon ki chaaon ka
meri palkon ki chaon mein baith k daikh kabhi

kaisi hoti hay tapish zamanay ki nigahon mein
meray dil k aangan say bahir aa k daikh kabhi

kitni hoti hay mithas jazba-e-dur guzar main,
kisi rothay howay ko mna k tu daikh kabhi

kerti hay kaisay khushbu gul say parwaz
ik bar mujh say dour ja k daikh kabhi..

Bun jaon agar tum sa tumhain kaisa lagay ga
Her pal rahon mein yadoon mein kaisa lagay ga?

Dartey ho jo tum narazgi say meri
ho jaon agar tum say khafa kaisa lagay ga?

Tum pyar mein khud ko ho mitanay pay raazi
Ban jaye agar pyar saza kaisa lagay ga ?

Khud se bhi ziyadah ho yaqeen tum ko agar kisi per
Woh shakhs hi dey jayai dagaa kaisa lagay ga?

Tum aur hi mehfil ka dia ban ker chalo phir
Tanhai milay tum ko sila kaisa lagay ga ?

Aatish-e-ishq main jal jaon tujhey iss say kiya
Mousam ki tarah badal jaon tujhey iss say kiya

Chot khaon ya zakham lagay, ya ahsas-e-ghum mein tarpon
Mein gir jaon ya sanbhal jaon tujhey iss say kiya

Mussartaon ko daikh ker bay qarar ho jaon
Ya tofan-e-ghum say behal ho jaon, tujhey iss say kiya

Hansta daikh ker hans parron, rota daikh ker ro parron,
Halaat k sanchay mein dhal jaon, tujhey iss say kiya

Zararot nahin ab kisi hamsafar ki saaqi,
Janib-e-manzil tanha nikal jaon, tujhey iss say kiya.

Kaise woh lot aye ke fursat usse nahin
duniya samajh rahi hai mohabbat usse nahin.

lagta hai aa chuki hai kami us ki chah main
kafi dinon se mujh se shikayet usse nahin.

dil ki zameen us ki hai banjar issi liye
jazbon ki barishon ki jo aadat usse nahin.

her cheez ikhtiar main rakhta hai woh magar
dil se rehai pane pe qudrat usse nahin.

Dil mein ab dard-e-mohabbat k siwa kuch bhi nahin
zindagi meri ibadat k siwa kuch bhi nahin

Mein teri baat bargah-e-naaz mein kia paish keron
Meri jhooli mein mohabbat k siwa kuch bhi nahin

Aey khuda mujh say na lay meray gunahon ka hisab
Meray paas ashk-e-nidamat k siwa kuch bhi nahin

Woh tou mit ker mujhey mil hi gaye rahat werna
Zindagi ranj-o-musibat k siva kuch bhi nahin...

Baaton baton mein bicharnay ka ishara ker k
Khud bhi roya woh bohut hum say kinara ker k

Sochta rehta hon tanhai mein Anjam-e-Khuloos
Phir usi jurm-e-mohabbat ko dobarah ker k

Jagmaga di hain teray shehar ki galiyan mein nay
Apnay her ashk ko palkon pay sitara ker kay

Daikh laitay hain chalo hosla apnay dil ka
Aur kuch rooz teray sath guzara ker k

Aik hi shehar mein rehna magar milna nahin
Daikhtay hain yeh aziat gawara ker k.