Mein Aadmi hoon aam sa
Ek Qissa na-tamam sa.

Na lehja be-misal hai
Na baat mein kamal hai

Hoon dekhney mein aam sa
Udasion ki shaam sa,

jaisey k ek raaz hoon
Khud se be-niaz hoon

Na mehjabeeno se Rabt hai
Na Shuhraton ka zabt hai

Ranjha na qais hoon
Insha na Faiz hoon

Mei paiker-e-ikhlas hoon
Wafa, dua aur aas hoon
Mein shakhs khud-shnas hoon

TUM HI KARO KOI FAISLA !

Mei aadmi hoon AAM sa !!
Ya
Phir bohat hi "KHAAS" hoon !!!

Dhoop Ho Chaon Ho Tum Sath Nibhaya KaRNa

Mere Chehre Pe Sada Palko Ka Saya KaRNa

Raah Daikhon Gi Tumhari Mai Sar-e-sham Yonhi

Kabhi Jaldi Kabhi Dair Se Aya KaRNa

Daant Lena Sir-e-Mehfil Koi Bat Nahi

Phir Akele Mei Galay Laga Ker Manaya KaRNa

Jan Jaon Gi Mai Khushbo Se Tumhri Tum Ko

Tum Peechey Se Meri Ankhon ko Chupaya KaRNa

Jagna Chaho Tu Rat Bhar Baaten KaRNa

Neend Aa jaye Tu Seene Per So jaaya KaRNa...!!

Kisi ki khatir Qarar Khona,
Koi Sune ga To Kya Kahega?

Tumhra Raton Ko Uth K Rona,
Koi Sune ga To Kya Kahega?

Zamana Ehd-E-Shabab Ka hy
Naye Khwab-O-Khyaal Ka hy

Ye Shab-Bedari Or din ka sona
Koi Sune ga To Kya Kahega?

Bhanwar Me Tum Mujhy chor aatay
younhi Mohabbt Ka Raaz rehta

Laa K Sahil Pe yun Dubona
Koi Sune ga To Kya Kahega?

Kaha ye main ne daro KHUDA se
hamary dil ko dukha rahay ho

Wo hans k bole Chup raho na
Koi Sune ga To Kya Kahega.

kya bhala mujhko parakhne ka natija nikla
zakhm-e-dil ap ki nazron se bhi gehra nikla

torkar dekh liya aina-e-dil tune
teri surat k siwa aur bata kya nikla

tishnagi jam gai pathar ki tarah honton par
dub kar tere dariya main main pyasa nikla

Tanha Tanha si Raat or Tanha Tanha se Hum

Afsurda Afsurda Yaden,

Bheega Bheega Mosam,

Sookhey patton ka Shor,

Andhery ki Sargoshi,

Dharkan ki Aahat,

Qismat se apne Shikway,

Tere ehsas ka atoot bandhan,

Tere sath guzre pal,

Tere loat aanay ke Umeeden,

Tere raste pe nazar,

Lamha lamha rat ka Dhalna,

Pal pal apni as ka Tootna,

Dil ke zakhmon ka ghera hona,

Woh jaa chukaa hai

Magar judaai se qabl kaa

Ek narm lamha

Thehar gayaa hai

Miri hatheli ki pusht per

Zindagi mein

Pehli kaa chand bun ker

Ek Bar Suno Kuch Aisa Hua
Wo Mujko Mili
Me Usko Mila
Izhar Hua
Iqrar Hua
Wo Dost Bani
Me Yaar hua
Use Ishq Bohat
Muje Pyar Bohat
Hm 2no me takrar bohat
Phr Kch Yun Hua.
Wo Chorh Gayi
Main Toot Gya
Phr Kch Yun Mile
Wo Tanha Thi
Me Akela Tha
Bs Hum Do The
Or Koi Na Tha
Wo Rone Lagai
Me Bebas tha
Na Pyar Na Hi Izhar Raha

Ankhon me sama jatay ya dil mayn utar jatay,

Donoon ka bhala hota donon hi sanwar jatay ...

Miltay tau ye acha tha jeevan ki musafat main,

Kuch faaslay kam hotay kuch rooz guzar jatay ...

Doori bhi ganeemat hay ik aas tau hay weRNa,

Joo aas pay jeetay hayn woo log bikhar jaatay ...

Manzil na thikana hay acha hay nahin kuch bhi,

Ruktay tau kahan ruktay jaatay tau kahan jatay .

Aankhain khuli rahain gi toh manzar bhi ayen gay
Zinda hai dil toh aur sitamgar bhi ayen gay

Pehchaan lo tamaam faqeeron kay khadd-o-khaal
Kuch log shab ko bhais badal kar bhi ayen gay

Gehri khamosh jheel kay paani ko yun na chaidh
Cheenthay uday toh teri qaba par bhi ayen gay

Khud ko chhupa na sheesha garon ki dukaan main
Sheeshay chamak rahey hain toh pathar bhi ayen gay