Search

sauchta hoon aagahi k es safar ne kya dya
khoon jalanay k siwa meray hunar ne kya dya

meri shakhon se lipat kar aasmaan tak chhoo liya
aur ab bailain ye kehti hain shajar ne kya dya

jiss ne apni har khushi ghar ki khushi par waar di
aik wehshat k ilawa uss ko ghar ne kya dia

kab wo shamil ho saka meray kisi ahsaas mai
sath chalnay k siwa ik ham safar ne kya dia

umr k andhay safar mai kaun rakhta hai hisaab
manzilon say kia mila hai, rehguzar ne kya dya

aarzooain kiss qadar karti hain dil par aitebaar
aarzuon ko dil e naa moatabar ne kya dya

SHAAD dil mai har taraf ab khwahishon ka shor hai
mainay apni ik tamanna ko ubharnay kya dya

Usay Ye Kehna K Roz o Shab Ka Safar Tanha Guzar Raha Hai
Wo Dil Jo Tere Liey Bana Tha Teri Talab Say Muqar Raha Hai

Meri Muhabbat Ki Band Aankhain Teray Jaganay Say Khul Sakain Gi
Wagarna Ye Dil Mohabtoon K Wajood Say Hi Muqar Raha Hai

Wo apnay Hathon Pay Aaj Mehndi Laga K Kitni Udaas Ho Gi
Wo Sochti To Zaroor Ho Gi Koi Usay Yaad Ker Raha Hai

Kabhi To Socho Tumharay Aanay Pe Jo Dewana Sa Ho Gaya Tha
Wo Kya Abhi Tak Wahin Khara Hai Wo Jee Raha Ha Ke mar Raha Hai

Wo Kal Mila To UsKi Aankhon Men wehshaten Raqs Ker Rahin Thin
Woh Qatra Qatra Pighal Raha Hai Woh Zara Zara Bikher Raha Hai

Udaas Logoon Ki Mehfilon Men Nayi Kahani Koi Sunaye
Koi Bataey Ke Itna Arsa Wo Kis Tarf Tha Kidher Raha Hai

Raat chup chaap safar karti hai
dil ki wehshat ka talatum bhi thehar jaata hai
neend tareek hawiley ki tarah
aankh say door fazaoun main ataaq jaati hai
or phir rooh k weeraan zamanon say kaheen
teri awaaz chali aati hai
phailta jaata hai lehjoun ka fusoon
sarsaratay huay pattoun ki sada
kaheen awaara hawa ki dastak
tairgi main kisi mitti k diyey ki dharkan
khuwaab ki chaap
sar shab kisi bhatkey huay bey khuwaab musaafir ka gumaan
or phir saari sadayain sab he gham
teri awaz main dhal jaatey hain
dhoondti phirti sadayain sar barbadi-e-dil
shehar dar shehar safar karti hain
or agar thehar bhi jayain kaheen ik do pal
ghamzada shehar main barbaad musafir ki tarah
bey nawa umr k zandaanon main
raat chup chaap safar karti hai
Hum jahan hon
Teri awaaz chali aati hai!!!!

in udaas rahoon per
iss akelay dil ke sath
kar liya safar kitna
or kitna baki hai??
wo jo aik tara sa
duur jhilmilata hai
or duub jata hai
tab akele pan se dil
ye sawal karta hai
jugnouon ki khwahish mein
titliyon ki chahat mein
kar liya safar kitna
aur kitna baqi hai??,

Meri chahat ka safar is liye dushwar raha
Main mohabat may wafaon ka talabgar raha

Ho gaye sare gilay door juda hotay hi
Ghamzada wo hai na main uska talabgar raha

In hawaon may ab dhundta phirta hun usay
Jin hawaon se kabhi barsar-e-pekaar raha,

Na muradi k siwa hijr k aaram bhi thay
Phir zamane ka zamana hi sitam gaar raha,

Jasb-e-shoq ne us waqt bhi chaha tujhko
Jab wo shokhi na wo gaisu na wo rukhsar raha,


Aik hasrat si mere dil mey kahin aur bhi thi
Har badalti hui rut mey gham-e-dildar raha

Is qadar hamsafri se tha harasan wo shakhs
Saath hi chor gaya dasht k us paar raha…,

Aankhain khuli rahain gi toh manzar bhi ayengai
Zinda hai dil toh aur sitamgarr bhi ayengai

Pehchaan lo tamaam faqeeron kay khadd-o-khaal
Kuch log shab ko bhais badal kar bhi ayengai

Gehri khamosh jheel kay paani ko yun na chaidh
Cheenthay uday toh teri qaba par bhi ayengai

Khud ko chhupa na sheesha garon ki dukhaan mai
Sheeshay chamak rahey hain toh pathar bhi ayengai

Aye shehr yaar dasht say fursat nahi — magar!!
Niklay safar pay hum toh teray ghar bhi ayengai

*Mohsin* abhi saba ki sakhawat pay khush na ho
Jhonkay yehi basoorat-e-sarr sarr bhi ayengai,