Search

es DIL Nay Teray Bad Mohabbat Bhi Nahi Ki
Hadd Ye Keh Dharaknay Ki Jasarat Bhi Nahi Ki

Tabeer Ka Aizaaz Howa Hay Usay Hasil
Jis Nay Meray Khowabon Main Sharakat Bhi Nahi Ki

Ulfat Tu Bari Baat Hay Hum Say Tu Sar -e- Shehar
Logon Nay Kabhi Dhang Say Nafrat Bhi Nahi Ki

Aadab -e- Safar Ab Wo Sikhetay Hain Jinho Nay
Do Chaar Qadam Tay Ye Musafat Bhi Nahi Ki

Kia Apni Safai Main Bayaan Detay Ke Hum Nay
Na Karda Gunahoon Ki Wazahat Bhi Nahi Ki

Khamosh Tamashai Kay Manind Sar -e- Bazam
So Zakham Sahay Dil Pay, Shikayat Bhi Nahi Ki

Us Ghar Kay Sab Hi Log Mujhay Chornay Aaye
Dehleez Talak Us Nay Ye Zehmat Bhi Nahi Ki

Us Nay Bhi Ghulamon Ki Safoon Main Humay Rakha
es DIL Pay Kabhi Jis Nay Hakomat Bhi Nahi Ki

Meri mohabbat kabool ker lo
garib shayer ke ansoon ka hakeer
tohfa kabool ker lo.

Meri mohabbat main saadgi hai
meri mohabbat main aashti hai,
Meri mohabbat main shayari hai
ye shayari bhi to aapki hai.

Meri mohabbat hai chand jaisi
jo shab main kirnain luta raha hai,
Meri mohabbat hai phool jaisi
jo her ghari muskara raha hai

Mujhe to kuch iska gam nahin hai
ki meri duniya main gam hi gam hai,
Meri mohabbat chakor jaisi ki jisme
jitna ho Naz kam hai.

Meri mohabbat kabool kerlo !

woh kehta hai mohabbat sada milna nhi hota
main kehti hoon, mere hotay bicharnay ki na socho
woh kehta hai jo mango mein apni jaan day doon ga
mein kehti hon mujay fil hal apna naam he day do
woh kehta hai sar par aysay he anchal dakha rakho
mein kehti hon keh tum apni nazron ko jhuka rakho
woh kehta hai haray aur peelay rang ki churiyaan pehno
mein kehti hoon pehno gi agar kismat mein likha ho ga
woh kehta hai mere naam ki mehndi lagao tum
mein kehti hoon lagaoon gi agar tum lay kar aoo gaay

Mujhe teri mohabbat mein kho jaane do
Har lamha mar ke aaj phir jee jaane do

Isse mahobbat ne dil ko aaj phir dhadkaya hai
Mujhe ishq ki baaho mein so jaane do

Tadap ki aag hai judaai ki baahon mein
Mujhe aaj es mohabbat se mil jaane do

Meri saans chalti hai tere naam ki aahat pe
Mujh benaam ko es naam mein kho jaane do

Kasam tujhe chalne wali hawaon ki mehboob
Mujhe es mohabbat ki aag mein jal jaane do.

Mere janey pe ay jana

Pareshan tum nahin hona

Kabhi chhup kar nahin rona

Judai zehar hoti hai

Mujhey maloom hai lekin

Firaq o hijar ka mosam

Yaqenan beet jaye ga

Yaqenan wasl k lamhe

dobara lout aayen ge

Wohi shaamen' wohi raaten

Wohi qissey' wohi baaten

Wohi phir dastan ho gi

Mohabbat mehraban ho gi..

Chalo door Kahin chaltay hain
Kahin pairron kay saye Main
Kahin sapnon ki wadi main
Ya kahin jheel Kinaray Per
chalo chaltay hain Kahin Jana
Mohabbat Mehsoos Kartay hain
Teray Kandhay pay sar Rakhay
Jo baadal chu kay guzrain To
jo barish ham pay barsay To
Buhut si ankahi batain Khamoshi ki zaban main
Buhut aahista say jana Hamray dil main Utar ayain
kabhi shabnam pay nangay paon,
Teri qurbat kay lamhon main
zamanay bhar say be-khabar
Kahin shehr-e-mohabbat ki zamin pay dono ja pohnchain
nazar main tera chehra ho
faza main khusbu hamari ho
na apni khabar tumhain kuch ho na apna pata mujhe kuch ho
Mohabbat ki khamoshi ho,
Mohabbat ki kahani ho
Mohabbat ki zabani ho!!!!

Tumhein yaad kar lein to sabar haar jaatay hain
Hijer ke musaafir apna safar haar jaatay hain

Thori duur tak teri tamanna le ke chalte hain
us se aagay phir apnay muqaddar haar jaatay hain

Haey wo husn ki chamak, aur dekh raha hoon
isi shauq mein deewane, nazar haar jaatay hain

pehli mulaqaat mein sach wo meri ho gai thi
laikin taez dornay walay aksar haar jatay hain

tamaam umar chah kar bhi aaj tum se duur hoon
raat saari jaag kar hum, sehar haar jaatay hain

Achanak sath chhor kar be bas kar gia aisay
urran mein jaisay parinday, par haar jaatay hain

apni mohabbat mein dil ko thora khula rakhna
tang dareechon walay loag, aakhir haar jaatay hain

Suno ay chand c larki
Abhi tum keh rahi thi na
Tumhain mujh se mohabbat ho nahi sakti
Chalo maana k yeh such hai
Magar aye chand c larki
Mujah itna batao tum
K jab mosam badalte hain
Gulon main rang bharte hain
To phir kiyu muztarib ho kar
Akele pan se ghabra kar
Hawa ko raaz deti ho
Mujah awaaz deti ho
Suno aye chand c lerki
Tumhare saamne koi mera jab naam leta hai
To phir kiyu chonk jaati ho
Chalo maana tumhain mujhse muhubbat ho nahi sakti
Magar itna samajh lo tum
Jahan chahat nahi hoti
Wahan nafrat k hone ka koi imkaan nahi hota
Mera dawa hai chahat main
Jahan nafrat nahi hoti
Wahan aksar yeh dekha hai
Agar kuch waqt kat jaye
Samay ki dhool chhat jaye
Tou wehshat bhaag jati hai
Mohabbat jaag jati hay....

Sabhi nay yun to kiya tajziya Mohabbat ka
Kisi say hal na hua masla Mohabbat ka

Woh jis kay hijr mein rona, usey dua deyna
Samajh mein nhi aata falsafa Mohabbat ka

Na janey kitni hi ankhein chalak jati hain
kisi bazam mein ho ager tazkara Mohabbat ka

Tammam umer tum khushi ko tarsoo ge
Na azmana kabhi hosla Mohabbat ka