Search

Apni agosh main ik rooz chupa lo mujh ko...
Gham-e-dunya se mere dost bachaa lo mujh ko...
Unn ko de di hai isharoon main ijjazat main ne....
Mangnay se na millen tou chura lo mujh ko...

AASHIKON KE DIL Main SAMANDAR HOTA HAI,
ISKI HAR BOOND Main ISHQ HOTA HAI,
JAB YE PHOOT PADTA HAI AANKHON SE,
TOu ISE ROK PAANAA BADA MUSHKIL HOTA HAI.

Baja tou main bhi sakta tha,
par mera saaz tha bevafa.
gaa tou main bhi sakta tha,
par mera raag tha bevafa.
ae shenshah apne tajmahal par
itna ghamand na kar,
bana tou main bhi sakta tha,
par meri mumtaz thi bevafa.

Aaj dareechay main woh aana bhool gaya
main bhi apna diya jalana bhool gaya,

aaj mujhe bhi uski yad nahi aayi
woh bhi mere khuwab main aana bhool gaya,

bahaar ne jub se aana chore diya
mousam bhi apna phool khilana bhool gaya,

chalte chalte main usko gher lay aayi
woh bhi muj se apna hath chudana bhool gaya,

khat likha hai par khat ke koney par
woh apni ankh ka ansoo mitana bhool gaya

rooth ke dono aik jagah baithey rahey
main usko woh mujko manana bhool gaya

Phir kisi yad nay shab bhar main jagaya mujh ko
Kiya saza di hay mohabat nay khudaya mujh ko

Din ko aaram hay na rat ko hay chain kabhi
Janay kis khaak say qudrat nay banaya mujh ko

Dukh tou yeh hay keh zamanay main milay ghair sabhi
Jo mila hay woh mila ban kay paraya mujh ko

Jab koi bhi na raha kandha meray ronay ko
Ghar ki deewaron nay seenay say lagaya mujh ko

Youn tou umeed-e-wafa tum say nahein hay koi
Phir charaghon ki tarah kis nay jalaya mujh ko

Bewafa zindagi nay jab chorh diya hay tanha
Maut nay payar say pehlu main bithaya mujh ko

Woh diya hoon jo mohabat nay jalaya tha kabhi
Gham ki aandhi nay sar-e-sham bujhaya mujh ko

Kaisay bhoolon ga wohi wasl kay lamhay
Yad aata raha zulfon ka hi saya mujh ko...

Guzar gaee raat aankhon aankhon main
Ho gaee mulaqaat aankhon aankhon main

Sadiyoun say piyaasi thee mohabbat
Ho gaee bersaat aankhon aankhon main

Mil na saka tha dil kabhi dil say
Ho gaee mulaqaat aankhon aankhon main

Ahad-e-wafa or qasmoon ki bhi
Ho gaee shuruaat aankhon aankhon main

Day diya dil aik doojay ko
Ho gaee soghaat aankhon aankhon main

Sab rasmoon riwajoon ko Saqi
Ho gaee maut aankhon aankhon main...

Meri aankhon main raho meri aankhon main raho,
Roshni ban k meray ghar k chiraghon main raho.!

Tera wada bhi na siyasi ho,
Ab fazaon mein na udasi ho!
Chuu k qadmon ko her khushi guzray,
Kash ab yun hi zindagi guzray!
Tum meray sath meray din meri raaton main raho,
Meri aankhon main raho meri aankhon main raho!

Pyaar mera tujh say kahta hay,
Dil ki dharkan mein tu hi rehta hay!
Preet main teri ban k kho jaon,
Meera k jaisi tu bhi hoo jayai!
Ban k radha tum meri murli ki tano main raho,
Meri aankhon main raho, meri aankhon main raho.!!

Tujhey chaha hay tujhay chahonga,
Mai na chahat say baâaz aaonga,
Teri ulfat k jhulay ain jhulun,
Saath tu day tou aasman chu lun,
Gungunaon main tujhay, dil k taron main raho,
Meri aankhon mein raho, Meri aankhon mein raho

Bahar-e-Ishq main doob k daikh kabhi
jaam-e-mohabbat pee k daikh kabhi

her taraf tera hi aks nazar aye ga
meri aankhon mein pyar say daikh kabhi

ghuror hay tujhey apni zulfon ki chaaon ka
meri palkon ki chaon mein baith k daikh kabhi

kaisi hoti hay tapish zamanay ki nigahon mein
meray dil k aangan say bahir aa k daikh kabhi

kitni hoti hay mithas jazba-e-dur guzar main,
kisi rothay howay ko mna k tu daikh kabhi

kerti hay kaisay khushbu gul say parwaz
ik bar mujh say dour ja k daikh kabhi..

Aatish-e-ishq main jal jaon tujhey iss say kiya
Mousam ki tarah badal jaon tujhey iss say kiya

Chot khaon ya zakham lagay, ya ahsas-e-ghum mein tarpon
Mein gir jaon ya sanbhal jaon tujhey iss say kiya

Mussartaon ko daikh ker bay qarar ho jaon
Ya tofan-e-ghum say behal ho jaon, tujhey iss say kiya

Hansta daikh ker hans parron, rota daikh ker ro parron,
Halaat k sanchay mein dhal jaon, tujhey iss say kiya

Zararot nahin ab kisi hamsafar ki saaqi,
Janib-e-manzil tanha nikal jaon, tujhey iss say kiya.