Search

Kyun pouchty ho
Kiya tum se kahoon
Main kis liye jita hoon
Shayad k kabhi mil jao kaheen

Main is liye jita hoon.

Jine ka mujhe kuch shoq naheen
Bas waqt guzara karta hoon
Kuch deer ulhaj kar yadoon main
Dunya se kanara karta hoon
Marta bhi ussi ki khatir hoon main
Jis liye jita hoon shayad k kabhi mil jao kaheen

Main isliye jita hoon

Main hoon k sulagta rahta hoon
Bhujta bhi naheen jalta bhi naheen
Dil hay k tarapta rehta hay
Rukta bhi naheen chalta bhi naheen
Jine ki tamana mit bhi chuki
Phir kis liye jita hoon
Shayad k kabhi mil jao kaheen

Main isliye jita hoon !!!

Agar main bata doon

Mere dil main kiya hay

To muj se nigaheen

Chura to na lo ge


Agar barh gayi meri

Betabi e dil

Kaheen muj se daman

Churaa to na lo ge


Zubaan chup rahe to

Nazar bolti hay

Nazar chup rahe to

Zubaan doolti hay

Koy raaz dil ka

Jo khul jaye muj se

To muj ko fasana

Bana to na lo ge


Naye se naya teer

Barsa rahe ho

Abhi to mujhe tum hi

Tarpa rahe ho

Jo main ne lagayi

Koy choot dil par

To dil ki lagi ko chupa

To na lo ge


Dikha kar umangoon ki

Gulpoush raahein

Bulaa to rahi hain

Tumari nigaheen

Mohabbat k rastye main

Jab a gaya main

Qadam apna piche

Hata to na lo ge

Agar main bata doon

Kash main keh sakoo kabhi tum se
Dil ki har bat ankahi tum se

Kash main keh sakoo kabhi ye bhi
bari mushkil hai dil lagi tum se

Kash ke main keh sakoo ke tum kya ho
Hai mere dil main chandni tum se

Kash main keh sakoo kabhi ke mujhe
Baat karni hai zaroori tum se

Kash ke ye bhi kabhi pooch sakoo
kaise hoti hai berukhi tum se

Kash wo waqt bhi ajaye ke ho
meri duniya main roshni tum se

Kash ye raz keh sakoo main kabhi
Hai haseen meri shairi tum se

Kash lafzon main kabhi keh paoon
Mil ke hoti hai jo khushi tum se

Kash ye umr yoon guzar jaye
meri yadain rahain saji tum se

Main Khayaal Hun Kisi Aur Ka Mujhe Sochta Koi Aur Hai
Sar-E-Aaina Mera Aks Hai Pas-E-Aainaa Koi Aur Hai

Main Kisii Ke Dast-E-Talab Mein Hun To Kisi Ke Harf-E-Duaa Mein Hun
Main Nasiib Hun Kisi Aur Ka Mujhe Maangta Koi Aur Hai

Kabhii Laut Aayen To Na Pochhna Sirf Dekhana Barre Ghaur Se
Jinhen Raaste Mein Khabar Hui K Ye Raasta Koi Aur Hai

Ajab Aitabaar-Bey Aitabaari Ke Daramiyaan Hai Zindagi
Main Qarib Hun Kisi Aur Ke Mujhe Jaanta Koi Aur Hai

Vahi Munsifon Ki Rivaayaten Vahi Faisalon Kii Ibaaraten
Meraa Jurm To Koi Aur Tha Par Meri Sazaa Koi Aur Hai

Teri Roshani Mere Khaddo-Khaal Se Mukhtalif To Nahin Magar
Tu Qarib Aa Tujhe Dekh Lon Tu Vahi Hai Yaa Koi Aur Hai

Jo Merii Rayazat-E-Neem-Shab Ko "Saleem" Subah Na Mil Saki
To Phir Is K Maani To Ye Hue Ke Yahaan Khudaa Koi Aur Hai

Ab Aansuoon Ko Aankhon Main Sajaana Hoga
Chiraagh Bhuj Geya Khud Ko Jalaana Hoga

Na Samjhna K Tumse Bichar K Khush Hain
Humain Logon Ki Khaatir Muskuraana Hoga

Phir Shaam Dhal Gai Tum Aaye Na Aaj Bhi
Dil Ko Aaj Phir Umeedoon Se Behlaana Hoga

Waada Khilaafi Kar K Muskurate Ho Aap
Dekhna Aik Din Sanam Aapko Pachtaana Hoga

Lahoo Se Apne Kafan Pe Tera Naam Likh Jaounga
Thaam K Haath Main Phool Tumko Aana Hoga

Muddaton Kiya Hai Tera Intizaar Aye Sanam
Umar Kat Chuki Ab To Jaana Hoga

Main us k haathon mei tha
Tute huay Sheeshe ki tarha Faraz
Bari Umeed thi k bikhrne nahi dega
Bas giraya kuch is ada se k
Simetne ki aas hi na rahi

Mery qareeb aoo k bhout udas houn main
Bus aj toot k chaho k bhout udass houn main,

Kisi bhi jhooty dil se dill ko bahlao
koi khani sunao k bhout udass houn main,

Andherri raat hai kuch bhi nazar nahi ata
sitary toor k laoo k bhout udass hoon main,

Main ne SUNA hai tery nagar mai khushi bhi milti hai
Mujhe Yaqeen dilao k bhout udass houn main.

Yah raat yunhi guzar jae ge dabay paoun
Payar k geet sunao k bhout udas houn main.

Mujh se kahta hai kabhi dill main malal aty hain

Kasy kasy mery dushman ko sawal aty hain

Yah jo hum rootay hain chhup kar kabhi tanhai main

Rafta rafta tujhy ankhoon se nikaal aty hain

Hum mohabat pe Bhi ahsan koi rakhtay nahi

Nekiyan karty hain daryaoon main dall aty hain!!!