Search

Labon Pay Rukti, Dilon Main Sama Nahi Sakti
Wo Ak Baat Jo Lafzon Main Aa Nahi Sakti

Jo DIL Main Ho Nazar -e- Ghum Tu Ashq Paani Hay
Keh Aag Khaak Ko Kundan Bana Nahi Sakti

Yaqeen, Gumaan Say Bahar Tu Ho Nahi Sakta
Nazar Khayal Say Aagay Tu Jaa Nahi Sakti

Dilon Ki Ramz Faqat Ehal -e- Dil Jantay Hain
Teri Samajh Mai Meri Baat Aa Nahi Sakti

Yeh Souz -e- Ishq Tu Goongey Ka Khowab Hay Jesey
Meri Zubaan Meri Haalat Bata Nahi Sakti

Simat Rahi Hay Meray Baazo'on Kay Halqay Main
Haya Kay Boojh Say Palkein Utha Nahi Sakti

Jo Keh Raha Hay Sulagta Howa Badan Us Ka
Bata Bhi Paati Nahi, Or Chupa Nahi Sakti

Ak Aisay Hijar Ki Aatish Hai Meray Dil Main Jesey
Kesi Wisaal Ki Baarish Bujhaa Nahi Sakti

Tu Jo Bhi Hona Hai, Amjad Yahin Pay Hona Hai
Zameen Madaar Se Bahar Tu Jaa Nahi Sakti

Jo Feraib Main Nay Khaye Tujhay Razdan Samaj Kar
Usay Kesay Bhool Jaon Ak Daastan Samaj Kar

Na Mitaoo Thokrou Say Ye Mazaar Hay Kesi Ka
Zara Reham Kar Khudara Isay Ak Nishaan Samaj Kar

Aray O Jalanay Walay Ye Tera Hi Tha Nasheman
Jisay Tu Nay Phounk Dala Mera Aashiyaan Samaj Kar

Na Bhuja Charag Zalim Abhi Dorr Hay Sawera
Kahi Lou Lipat Na Jaye Tujhay Badguma Samaj Kar

Mujhay Ghorr Say Na Dekho Wahi Na Muraad Gul Hoon
Jisay Tu Nay Round Dala Mujhay Be Zubaan Samaj Kar

Ay SHAKEEL Kia Bataon Wo Karay Gaye Jo Jafa'en
Unhay Main Nay DIL Diya Tha Ak Meharbaa Samaj Kar

woh baat baat mein itna badalta jaata hai
k jis tarhaan koi wadda badalta jaata hai
Yeh arzoo thi k hum us kay sath sath challain
magar woh shakhas tu rasta badalta jata hai
jo taiz dhoop mein sar par raha wohi anchal
hawa chali hai tu kitna badalta jata hai
ruttein visaal ki aab khawb honay wali hein
keh us ki baat ka lehja badalta jaata hai
woh baat kar jisay duniya bhi moatbar samjhay
tujhay khabar zamana badalta jaata hai
yeh arzoo thi ke hum uss kay sath sath chalain
magar woh shakhas to raasta badalta jata hai

Mohabbat Ke Safer Me Koi Bhi Rasta Nahi Deta

Zameen Waqif Nahi Banti Falak Saaya Nahi Deta

Khushi Aur Dukh Ke Mausam Sab ke Apney Apney Hotay Hain

Kisi Ko Apney Hissay Ka Koi Lamha Nahi Deta

Udaasi Jis Ke Dil Mein Ho Usi Ki Neind Urhti Hai

Kisi Ko Apni Aankhon Say Koi Sapna Nahi Deta

Uthana Khud Hi Parhta Hai Thakaa Toutaa Badan Apna

Ke Jab Tak Saans Chalti Hai Koi Kandha Nahi Deta

Tu Mujhay Itnay Pyaar Say Mat Daikh
Teri Palkon Kay Naram Saayay Main
Dhoop Bhi Chandni Si Lagti Hai
Aur Mujhay Kitni Door Jaanaa Hai
Rait Hai Garm,Paon Kay Chaalay
Yoon Dehktay Hain,Jaisay Angaaray
Pyaar Ki Yeh Nazar Rehay Na Rehay
Kaun Dasht-E-Wafa Main Jalta Hai
Teray Dil Ko Khabar Rahay Na Rahay
Tu Mujhay Itnay Pyaar Say Mat Daikh

Khuwahishein Hoti Hain Kiya Kiya, Barishon Ki Raat Mein,
Main Hun Aur Lams Tera, Barishon Ki Raat Mein,

Mangtay Hain Bheegi Rut K Saray Manzar Qurb,
Ab Inhein Samajhaon Kiya, Barishon Ki Raat Mein,

Teergi Mein Gham Ki Saya Bhi Kahan Hota Hai Sath,
Main Agar Hoti Hun Tanha, Barishon Ki Raat Mein,

Main yeh Samajhi Yeh Bhi Maara Hai Kissi K Hijr Ka,
Phoot Kar Badal Roya Hai, Barishon Ki Raat Mein,

Din Toh Jaise Taisay Duniya K Jhamailon Mein Kata,
Hijr Ne Tere Rulaya, Barishon Ki Raat Mein,

Mun Chupaye Aik Konay Mein pari Thi Dam Bakhud,
Meri Tanhai BHi Tanha, Barishon Ki Raat Mein,

Daman-e-Qaatil Pe Koi Chheent Tak Aayi Nahi,
Yun Hua Khoon-e-Tamanna, Barishon Ki Raat Mein.....!!!!!!

Bhigi bhigi raat main

Rimjhim ki barsaat main

Aaa ja mere sathiya piyar ham karen

KHUDA kare yeh ghata aur tuut kar barse

Main dekhta hi rahoon aaj tuj ko jee bhar k

Dil ka rishta jore k sari duniya chhor k

Aaaa ja mere sathiya piyar ham kareen

Nazar se chumne do aaj in sitaron ko

Badan se lipte huwe shabnami shararon ko

Rimjhim k is raag main thandi thandi aag main

Aaaa ja mere sathiya piyar ham karen

Hazaar ratoon pe bhari yeh raat ho jaye

K lab hileen bhi naheen aur baat ho jaye

Halchal hay aarman main masti k tufan main

Aaaa ja mere sathiya piyar ham karen...

Gul-E-Umeed Ki Tehni Ki Paishaani Sey
Qismat Ke Sitaarey Ki Tarah Toottey
Aey Aakhri Patey….
Mujhey Tum Ko Tumhaari Mout Ka Parsa
Bhari Aankhon Sey Dena Hey
Magar, Ik Dard Mera Bhi….
Agar Tum Sun Sako Tou….?
Aik Lamhay Ko Suno…
Tumhaara Bhi Safar Uss Simt Hey Ab Sey
Jahaan Sey Waapsi Mumkin Nahi Hoti
Jahaan Jashn-E-Chiraaghaan
Jashn-E-Khushboo Ho…
Khizaan Mosam Ke Nohey Hon
Ya Maatam Ho
Sakoon Mein Farq Bilkul Bhi Nahi Aata…
Suno………..?
Iss Neend Nagri Mein
Merey Pyarey Bhi Sotey Hein
Unhein Kehna…
Mein Thakan Sey Choor Hoon Bilkul
Mujhey Khamoshiyaan Ab Raas Aati Hein
Meri Aankhon Ki Jheelein Khushk Hein Kab Sey
Faqat Ab Hasraton Ki Kankarein……….
Palkon Mein Chubhati Hein…….
Meri Saansein ,Merey Dil Sey Ulajhti Hein
Mujhey Ab Jaagna ,Be-Khawab Rehna
Dard Deta Hey……
Merey Har Chehrey Ko Takti Hoon
Kisi Ki Aankh Mein
Ab Aks …..Mera Ruk Nahi Paata
Bharey Aakaash Par Merey Liye
Koi Sitaara Ab Nahi Roshan
Nazar Thak Kar Zameen Ki Or Takti Hey
Unhein Kehna Ke…
Mein Un Ke Bina Ab Buhat Tanha Hoon
Agar Jo Ho Sakey Tou
Iss Shahr-E-Panaah Ki Sar-Zameen, Ki Mehrbaan
Baahon Mein Thori Si Panaah Merey Liye
Un Sey Jo Ban Paaey….
Tou Mein Bhi Neend Nagri Mein Chali Aaoun
Meri Dukhti Huwi Aankhon Ko
Be-Khawaabi Ke Zindaan Sey Rihaai Ho
Mein Gehri Neend So Jaaon