Search

phira hun sare zamane main dar badar kesa
main tere baad bhi zindah raha mager kesa
woh janta tha k kuch roz wo nahi tha to main
pukarta raha usko edhar udhar kesa

Main yeh kis key naam likhoon Jo alam guzar rahay hain
Meray shehar jal rahay hain, Meray log mar rahay hain

Koi ghuncha ho kay gul ho, Koi shaakh ho shajar ho
Woh hawa-e-gulistan hain kay sabhi bikhar rahay hain

Kabhi rehmatain thein nazil is hi khitta-e-zameen par
Wohi khitta-e-zameen hai kay aazaab uttar rahay hain

Wohi taroun ke jhurmat jo hawa main jhooltay thay
Woh fiza ko tak rahay hain tu aah bhar rahay hain

Koi aur to nahin hai pas-e-khanjar aazmai
Ham hi qatal ho rahay hain Ham hi qatal ker rahay hain

khizan ki dhund mein lipte hoye hein
shajar mujburiyan pehne hoye hain
ye kesi fasl e gul ayee chaman mein
parinde khauf se sehmey hoye hein
hawaon mein ajab si be kali hai
dilon ke badbaan simte hoye hain
hamare khwab hein makri ke jaaley
hum apne aap mein uljhe hoye hain
damakte, gungunate, mosamon ky
laho mein zaiqe phaile hoye hain
meri surat, zameen ke sare manzar
tere deedar ko tarse hoye hain
misal-e-naqsh paa, heeran tere!
hawa ki rah mein bethe hoye hein
nigahon se kaho, hum ko samaiten
meri jaan, hum bohat bikhre hoye hain
adhori khwahishon ka gam na karna
ke sare khwab kab porey hoye hain!
samander, asman aur sans mera
teri awaz par thehre hoye hain
har ek raste pe kehti hain ye ankhen
ye manzar to kahen dekhe hoye hain!
sitare asaman ke, dekh AMJAD
kisi ki ankh mein utre hoye hain

Aaj sarmaa kee pahlee barish hay
Har soo andhera chaya hay
Mairee amawas zindgee kee tarah
Rastey sunsaan aur soonay hain
Mairey khali ghar kee tarah
Badil bhee khul kay barsaa hay
Mairee bheegee aankhon kee tarah
Hawaa kitnee yakh basta hay
Honton pay aaney walee
Sard aahon kee tarah
Dil main rah janey walee
Kuch duaaon kee tarah
Es ajeeb mosam main
Ajab hay dil kaa haal mairey
Yaad tumharee aatee hay
Jaisey sarmaa kee pahlee barish
Saath main sardee laatee hay
Kuch waisey hee tere yaad kay juloo main
Ek gahraa sanataa aayaa hay
Ab dil kay barf zaron main
Har aahat madoom howee hay
Har umeed mohoom howee hay
Ab tairee yaad kee shidat main
Ab tairey hijar kee hidat main
Hum chup chaap phighaltey hain !!!

Main Khushnasebi Hon Teri Mujhy Bhi Raas Hai Toh
Tera Libaas Hon Main Aur Mera Libaas Hai Toh

Ajeeb Shay Hai Mohabbat Ke Hum Kahan Jayen
Tere Pass Hon Main Bhi Mere Bhi Pass Hai Toh

Main Nay Khud Ko Faramosh Kia Tere Liye
Aam Hai Sara Jaha Mere Liye Khass Hai Toh

Band Hoton Par Mere Reet Jami Jati Hai
Mere Pass Hai Phir Bhi Meri Pyas Hai Toh

Darmiyan Tere Mere Jab Se Log Annay Lagay
Us K Baad Se Main Tanha Aur Bey Ass Hai Toh

Zamaana Hum Ko Judaa Kar Sake Nahin Mumkin
Mohabbat Mein Jo Naakhun Hoon Main Toh Maas Hai Toh

Door Ho Kar Bhi Nahin Hai Koi Doori
Tere Qareeb Hoon Mein Mere Bhi Paas Hai Toh

Ye Kon Tere Mere Darmiyan Hai Janaa
K Main Be Dard Main Hoon Or Mehw e Yaas Hai Toh

Zindagi Meri Tere Gird Ghoomti Hy Faqat
Aam Hy Sara Jahan Mere Liye Ek Khaas Hy Toh

Ajeeb Shay Hy Mohabbat Main Kahin Chala Jaon
Tere Qareeb Hoon Main Or Meri Pyass Hy Toh

Mera Din Chopa Kisi Raat Main
Meri Raat Chopi Teri Zaat Main

Main Jab Kabhi Bhatak Jaon
Wahin Girte Girte Sambhal Jaon

Mujhe Thokron Se Pata Chala
Koi Hath Hai Mere Hath Main

Kabhi Moosa Hoon Kabhi Firaon Hoon
Maen Kya Janoo Maen Kaun Hoon

Na Mujh Ko Pata Apni Subh Ka Hai
Na Shaam Se Apni Maen Waqif Hoon
Kis Raah Ka Maen Jane Musafir Hoon
Muslim Hoon, Kafir Hoon K Kaun Hoon

Kabhi Moosa Hoon Kabhi Firaon Hoon
Maen Kya Janoo Maen Kaun Hoon

Jis Ghar Men Maen Rehta Hoon
Jis Gali Men Maen Basta Hoon
Jis Mulk Ka Maen Rehayeshi Hoon
Jaane Kyun Ussi Mulk Ka Maen Don Hoon

Kabhi Moosa Hoon Kabhi Firaon Hoon
Maen Kya Janoo Maen Kaun Hoon

Sab se chupa kar dard jo woh muskura diya
Us ki hansi ne to aaj mujhe rula diya

Lehje se uth raha tha har ek dard ka dhuaan
Chehra bata raha tha k kuch ganwa diya

Aawaz mein tharao tha aankhoon mein nami thi
Or keh raha tha k mein ne sab kuch bhula diya

Jane kya us ko loghon se theen shikayateen
Tanhaiyon ke dais mein khud ko basa diya

Khud bhi woh hum se bichar kar adhura sa ho geya
Mujh ko bhi itne loghon mein tanha bana diya....