Search

Jaane kyun log flirt kertay hain
jaane kyun woh affairs chalatay hain
jaane kyun... jaane kyun...
jaane kyun jaane kyunjaane kyun

affair bin jeenay main rakha kiya hai
affair jiska nahin woh tanha hai
affair soo rang leker aata hai
affair he zindagi sajaata hai
Log chup chup ker affair chalatay hain,
Aur sab k saamnay friends ban jaatay hain
jaane kyun... jaane kyun...
jaane kyun jaane kyun jaane kyun ?

affair best-friends main larai kerata hai
affair main banda pagal hojaata hai
affair na chahtay huway bhi chal jaata hai
affair bohat badnaami kerata hai...
Akhir affair her larai ki BASE ban jaata hai
jaane kyun jaane kyun jaane kyun ?

Laikin kabhi-kabhi affair pyaar main convert hojaata hai
jhoota her such aur sucha her jhoot hojaata hai
zindagi ko bhi ek naya start mil jaata hai
Aur pyaar shyar ki gari main 4th gear lag jaata hai
Aur Yehe Affair Zindagi Ka Safar Ban Jaata Hai
Jaane kyun... jaane kyun...
Jaane kyun jaane kyun jaane kyun ?,

Hum log na thay aisy
hain jaisey nazar atey
aye waqt gawahi dey
Hum log na thay aisey

yeh sheher na tha aisa
yeh rog na thay aisey
deewar na thay rishty
zindan na thi basti
khaljan na thi hasti
yoon mot na thi sasti

yeh aj jo sooret hai
halaat na thay aisey
tafreeq na thi aisi
sanjog na thay aisey
aye waqt gawahi dey
hum log na thay aisey

Suna hai log ussay aankh bhar ke dekhtay hain
So us ke shehar mein kuch din thehar ke dekhtay hain

Suna hai rabt hai us ko kharaab haloon se
So apne aap ko barbaad kar ke dekhtay hain

Suna hai dard ki ghaahak hai chashm-e-naaz us ki
So hum bhi us ki gali se guzar ke dekhtay hain

Suna hai us ko bhi hai shair-o-shaeri se shaguf
So hum bhi moujazzay apne hunar ke dekhtay hain

Suna hai bolay tu batoon se phool jhartay hain
Yeh baat hai tu chalo baat kar ke dekhtay hain

Suna hai raat ussay chaand takta rehta hai
Sitaaray baam-e-falak se uttar ke dekhtay hain

Suna hai din ko ussay titleyaan sataati hain
Suna hai raat ko jugnoo thehar ke dekhtay hain

Suna hai hashar hain us ki ghazaal si ankhain
Suna hai us ko hiran dasht bhar ke dekhtay hain

Suna hai us ki seyaah chashmagi qayaamat hai
So us ki surma farosh aah bhar ke dekhtay hain

Suna hai us ke laboon se gulaab jaltay hain
So hum bahaar pe ilzaam dhar ke dekhtay hain

suna hai aaenaa tamsaal hai jabeen us ki
Jo saada dil hain ussay ban sanwar ke dekhtay hain

Suna hai jab se hamaayal hain us ki gardan mein
Mizaaj aur hi laal o gohar ke dekhtay hain

Suna hai us ke badan ki taarash aisi hai
Ke phool apni qubaayain qattar ke dekhtay hain

Suna hai us ke shabistaan se muttasil hai behisht
Makeen idhar ke bhi jalway udhar ke bhi dekhtay hain

Rukay tu gardishain us ka tawwaaf karti hain
Chalay tu us ko zamaany thehar ke dekhtay hain

ab usske shahar main tahren k kooch kar jayen
faraaz aao sitaare safar k dekhte hain

tere pyaar me.n rusvaa hokar jaayen kahaa.N devaane log
jaane kyaa kyaa puuchh rahe.n hai.n ye jaane pehchanay log

jaise tumhe.n hamane chaahaa thaa kaun bhalaa yuu.N chaahegaa
maanaa aur bahut aaye.nge tum se pyaar jataane log

kaise dukho.n ke mausam aaye kaisii aag lagii yaaro
ab saharaao.n se laate hai.n phuulo.n ke nazaraane log

kal maatam beqiimat hogaa aaj in ki tauqiir karo
dekho Khuun-e-jigar se kyaa kyaa likhate hai.n afasaane log

jaanate hai.n ye ishq musalasal rog hai aah-o-zaarii kaa
phir bhii usake kuuche me.n jaate hai.n umr ganvaane log