Search

Wada-e-hoor pe behlaye hoe Log hain hum
Khak Bolen ge k dafnaye hoe loag hain hum,

Youn Har ik Zulm pee Dam seedhay khare hen
Jese deewar main chunwaye hoe log hain hum,

Us ki har baat pe LABBAIK kyn na kaheen
Zar ki zangeeron pe bulwaye hoe log hain hum,

Jiss kaa jee chayee wo ungli pe nachaa leta he
Jaise bazar se mangwaye hoe log hain hum,

Hansi aye ge bhi to hanste hoe darr lagta he
Zindagi youn teray Zakhmaye hoe log hen hum

Asmaan apna, Zameen apni Na sans apni to phir
Janay kiss baat pe itray hoe log hain hum

Jis tarhan chahe bana lay humain ay wakt
Dard ki Anch par pighlaye hoe log hain hum...!

Log Kehte Hain Main Sharaabi Hoon
Tumne Bhi Shaayad Yehi Soch Liya Hoga …
Log Kehte Hain Main Sharaabi Hoon
Kisipe Husn Ka Guroor Jawaani Ka Nasha
Kisike Dil Pe Mohabbat Ki Ravani Ka Nasha
Kisiko Daikhte hi Saanson Se Ubharta Hai Nasha
Bina Piye Bhi Kahin Had Se Guzarta Hai Nasha
Nashe Mein Kaun Nahin Hai Mujhe Bataao Zara
Kise Hai Hosh Mere Saamne To Laao Zara
Nasha Hai Sab Pe Magar Rang Nashe Ka Hai Juda
Khili Khili Hui Subah Pe Hai Shabnam Ka Nasha
Hava Pe Khushboo Ka Badal Pe Hai Rimjhim Ka Nasha
Kahin Suroor Hai Khushiyon Ka Kahin Gham Ka Nasha
Nasha Sharaab Mein Hota To Nachti Botal
Maikade Jhoomte Paimaanon Mein Hoti Hulchul
Nasha Sharaab Mein Hota To Naachti Botal
Nashe Mein Kaun Nahin Hai Mujhe Bataao Zara
Log Kehte Hain Main Sharaabi Hoon....!

Log kehtey hein kaisi ajeeb larki hoon..
per zindagi sey qareeb larki hoon,

Chahatoon ki chahat mey khud ko hi badal dala....
per chahatoon key mamley mey
main bilkul ghareeb larki hoon,

Samjha hey mujh ko usney, jisey janti nahi main....
Mujhey chahta hey laikin yeh manti nahi main....

Main apney aap ki shayed...
khud hi raqeeb larki hoon...
Kaisi ajeeb larki hoon,

Meri zindagi ka hey falsafa…
mery pyar me bhi mantaq hey,

Usey chahoon sirf, jesey paa sakoon,
jo na miley tu bhula sakoon,

naye deep phir sey jala sakoon,
naye khawab aankhoon mey saja sakoon,

Yeh hi pyar hey, yeh hi zindagi..
Yeh hi hey haqeeqi bandagi,

per yeh baat jab kabhi bhi...
kisi ko samjha nahi sakti,
faqat itna hi kehti hoon...

haan main ik ajeeb larki hoon...
per zindagi sey qareeb larki hoon.

Suna Hai Log Usay Aankh Bhar Kay Dekhtay Hain
So Hum Bhi Hoslay Apnay Jigar Kay Dekhtay Hain

Ragon Men Dourta Phirta Hai Wo Lahu Ban Kar
Usay Hum Apnay He Dil Men Utar Kay Dekhtay Hain

Suna Hai Sabr Say Jo Bhi Milay Wo Nourus Hai
So Hum Bhi Zaiqay Apnay Samar Kay Dekhtay Hain

Suna Hai Us Kay Bhi Dil Men Khayal Paltaay Hain
So Es Khayal Ko Tehreer Kar Kay Dekhtay Hain

Suna Hai Us Ki Maseehai Ka Hai Rang Juda
So Aaj Hum Bhi Hawa Men Bikhar Kay Dekhtay Hain

Suna Hai Uski Nigaahen Bhi Shair Kehti Hain
So Aaj Hum Bhi Qareenay Nazar Kay Dekhtay Hain

Suna Hai Zoam Hai Usko Kuch Apnay Khowabon Par
So Us Kay Khvab Ko Tabeer Kar Kay Dekhtay Hain

Suna Hai Muunh Say Jo Niklay Qabool Hota Hai
So Hum Bhi Moajzay Lail e Qadr Kay Dekhtay Hain

Wo BayWafa Hai Usay Pas e Ishq Raas Nahi
Muhabbaton Say Hum Apni Mukar Kay Dekhtay Hain.

samne hai jo usay log bura kehate hain
jisko dekha hi nahi usko Khuda kehate hain

zindagi ko bhi sila kehate hain kahnay wale
jeenay wale to gunahon ki saza kehate hain

fasale umar ke kuch or barha deti hai
jane kyu log usay phir bhi dava kehate hain


chaand masoom se patton ka lahuu hai "Fakir"
jis ko mahabuub ke haathon kii hinaa kahate hain

Hum to wo log haiN jo
Na kisi ki dast-e-shumar maiN haiN
Na kisi ki nigah ke hisaar maiN haiN
YouN jaisay koi, sadiyooN ka bay aant safr
Sehra sehra phirta koi khak basr
Kia poochtay ho ke kon haiN hum
Jaan lo humaiN to tumhaiN maloom ho
Hum to wo log haiN jo jeevan de ker bhi
Kisi ke dil maiN maskan na bana paay
YouN jaisay koi madham si kiran
Kisi rozan say ubhray or doob jaay

Khushboo jaise log mile afsanay mein
Ek Purana Khat khola anjane mein


Shaam ke saaye balishon se naapay hain
Chand ne kitni der laga di aane mein


Dil par dastak dene ye kaun aaya hai
Kiski aahat sunta hoon veerane mein


Jaane kiska zikr hai is afsaanay mein
Dard maze leta hai jo dohranay mein

JO KHAYAL THAY NA QAYAS THAY WAHEE LOG HUMSAY BICHAR GAYAY
MERI ZINDAGI KEE JO AAS THAY WAHEE LOG HUMSAY BICHAR GAYAY

JINHAIN MAANTA HEE NAHEEN YEH DIL, WAHEE LOG HAIN MAIRAY HUMSAFAR
MUJHAY HAR TARAH SAY JO RAAS THAY WAHEE LOG MUJH SAY BICHAR GAYAY

MUJHAY LAMHA BHAR KEE RAFAQATON KAY AZAB AUR SATAYNGAY
MERI UMR BHAR KEE JO PIYAS THAY WAHEE LOG HUMSAY BICHAR GAYAY

YEH KHAYAL SAARAY HAIN EARZI YEH GULAB SAARAY HAIN KAAGHZI
GUL-E-AARZO KEE JO BAAS THAY WAHEE LOG HUMSAY BICHAR GAYAY

JINHAIN KAR SAKA NAAA QABOOL MAIN, WOH SHAREEQ-E-RAAH SAFAR HUWAY
JO MERI TALAB MERI AAS THAY WAHEE LOG HUMSAY BICHAR GAYAY

YEH JO RAAT DIN JO MAIRAY SAATH HAIN WAHEE AJNABI KAY HAIN AJNABEE
WOH JO DHARKANON KEE ASAS THAY WAHEE LOG HUMSAY BICHAR GAYAY

Jab Bhi Chahain Ek Nayi Soorat Bana Lete Hain Log,
Ek Chehre Peh Kayi Chehre Saja Lete Hain Log,

Mil Bhi Lete Hain Woh Gale Apne Matlab K Liye,
Aa Pade Mushkil To Nazren Bhi Chura Lete Hain Log,

Khud-farebi Ki Unhe Aadat Si Shayad Pad Gayi,
Har Naye Rahzan Ko Seene Se Laga Lete Hain Log,

Hai Baja Unki Shikayat Par Iska Kya Ilaaj,
Bijliyaan Khud Apne Gulshan Peh Gira Lete Hain Log,

Ho Khushi Unko Bhi Haasil Ye Zaroori To Nahi,
Ghum Chupane K Liye Bhi Muskura Lete Hain Log....