Search

voh chanchal albeli laRki meri nazmeN yuuN paRhti hai
jaise un nzmoN ka mehwar
us kii apni zaat nahiiN hai,
(yaani itni sundar laRki aur koii bhii ho sakti hai!)
jaise us ko ilm nahiiN hai yeh saari baateN us kii haiN
saari ghataiN us kii haiN
har aahaT hai us kii aahaT, sab saaye haiN us ke saaye
saare mehmal us ke haiN
har Khushbu hai us kii Khushbu, sab chehre haiN us k chehre
saare aanchal us ke haiN
jaise us ko ilm nahiiN hai us laRki ke saare kaam
saare naam usii ke haiN
her khiRki hai us kii khiRki, saare baam usii ke haiN
us laRki ke naam se jo kuChh maiN ne apne naam likha hai
us se hi mansoob hua hai
(shaayad mera veham ho lekin maiN ne yeh mehsoos kia hai)
jab maiN nazm sunata huuN voh aankh churaane lagti hai
mujh se nazareN mil jaayeN to voh sharmane lagti hai
kuch lamhe voh chanchal laRki gum sum sii ho jaati hai
lekin thoRi der meN phir se pathar kii ho jaati hai
jaise meri nazm kii laRki ho

Dareeche Se Jhankti Wo Larki Ajeeb Dukh Se Bhari Hui Hay,
K Us K Aangan Me Phool Par Ek Neeli Titli Mari Hui Hay

Kabhi Azaanon Me Khoi Khoi , Kabhi Namazon Me Roi Roi,
Wo Aesey Dunya Ko Dekhti Hay, K Jesey Is Se Darii Hui Hay

Durood Se Mehki Mehki Sansen, Wazifa Parhti Hui Wo Ankhen,
K Ek Shamma-E-Umeed Un Me, Kai Baras Se Dhari Hui Hay

Wo Dukh Ki Chadar Me Lipti Lipti, Wo Kaley Kapron Me Simti Simti,
Muhabbat Us Ne Kisi Se, Shayad Meri Tarah Hi Kari Hui Hay

Barrey Zamanoon K Baad Barsi Hain Meri Aankhen Kisi Ki Khatir,
Bare Zamanoon K Baad Dil Ki Zameen Phir Se Huri Hui Hay...

Sirf Aik Larki.........

Apney Sard Kamrey Mein

Main Udaas Bethi Hoon

Neem Wa Dareechon Se

Num Hawain Aati Hain

Merey Jism Ko Choo Ker

Aag Si Lagati Hain

Tera Naam Le Le Ker

Mujh Ko Gudgudaati Hain

KASH Merey Parr Hotey

Terey Pass Urrh Aati

KASH Main Hawa Hoti

Tujh Ko Chu K Laut Aati

Main Nahi Magar Kuch Bhi

Sang Dil Riwajoon K

Aaeni Hissaron Mein

Umer Qaid Ki Mulzim

Sirf Aik Larki Hoon

Suno! aay chand si Larki

Abhi tum titliyaan pakro

Ya phir Gurriyun se khelo Tum,

Ya phir masoom si Aankhon se,
Dheron khuwab dekho Tum,

Faraz o Faiz o Mohsin ki kitabein mat abhi parhna,

Ye sub Lafzon k sahir hain,
Tumhe uljha k rakh dein ge,

Tumhe Maloom hi kab hai,
Mohabbat k Libaday me, Hawas or Hirs hoti hai,

Ye insano ki Dunya hai,
Magar in se kahein barh kr,

yahan wehshi Darinday hain,
Wo wehshi jin ki Aankhon me machalte pyaar k peeche,
Hawas or Hirs hoti hai,

abhi Khushboo ki Pari ho Tum,
abhi kanton se mat khelo,
Abhi apni hateli per kisi ka naam mat Likho,
Abhi apni kitabon me phool mat rkho,

Abhi shairon mein mat uljho,
abhi to umar baqi hai,

Abhi khud ko sambhalo Tum,
Abhi mat gungunao Tum,

Abhi se Ishq mat socho, abhi sab bhool jao Tum !!!!

Pagal Ankhon Wali Larki
Itne Mehngy khawab Na Dekhoo
Thak jahoo gi
Kanch se Nazuk Khwab Tumhare
…Toot Gaye Toh Pachtao Gi
Tum Kia Jano
Khwab….Safar Ki Doop Ke sheshay
Khwab….Adohri Raat Ka Dozakh
Khwab….Khayaloon Ka Patchtawa
Khwabo Ka Hasil Tanhi
Mehngy Khwab Kareedna Ho toh
Ankhain Bechna Parti Hain
Rishty Bholna Partay Hain
Andeshoon Ke Raakh Na Phenko
Khwabon Ke Oat Saraab Na Dekho
Pyaas Na Dekho
Itne Mangey Khwab Na Dekho
Thak Jahoo Gayee,

~~Pagal aankhon wali larki..
Itnay mahangay khawab na dekho..
Thak jao gi..
Kanch say nazuk khawab tumharay..
Toot gaye tu pachtao gi..
Soch ka sara ujla kundan..
Zabt ki rah may ghul jaye ga..
Tum kia jano..
Khawab, safar ki dhoop k sheeshay..
Khawab, adhoori rat ka dozakh..
Khawabon ka hasil tanhai..

Khawabon ki manzil ruswai..
Khawab, khayalon ka pachtawa..
Tum kia jano..
Mahangay khawab khareedna hon..
Tu aankhain bechna parti hain~~,

Ajab pagal si larki...!

Meri khamosh aankhon main,

Mehakti, muskurati, gungunati, khwab si gehri mohabbat k sabhi rangon se waqif hai...
...
Magar anjaan banti hai,

Wo meri beqarari k sabhe maana samajhti hai,

Magar khamosh rehti hai,

Usay maloom hai ye betahasha bolne wala...!

Zamane bhar k qissey, daastanen us se kehta hai,

Her ek mozoo pe us se baat kerta hai...

Woh us se keh nahi sakta,

"Meri sochon k mehwar ho,

Tumhare bin mujhe ye zindagi bekaar lagti hai,

Mera her din tumhari soch k suraj se ugta hai,

Meri her shaam k pehloo main tum he muskurati ho,

Meri her raat karb-e-naarsai se sulagti hai,

Ager khud se tumhen minha karoon tou kuch nahi bachta..."

Usay maloom hai ye shab gaye tak jaagne wala...!

Jise khwabon ki dunia se mohabbat si mohabbat hai,

Woh kyon sone se darta hai?

Usay kia khof lahaq hai?

Woh khul ker kyon nahi hansta?

Woh kyon chhup chhup k rota hai...?

Usay maloom hai sub kuch,

Mager anjaan banti hai...

Usay ye kon samjhaaye?

K dil youn naarsai ki tapish ziada dino tak seh nahi sakta,

Jise khwabon ki dunia se mohabbat si mohabbat ho,

Woh khwabon k bina aise adhoora reh nahi sakta,

Usay ye kon samjhaye?

K us se betahasha bolne waala...!

Jo her mozoo per uss se baat kerta hai,

Kabhi ye keh nahi sakta,

"Meri veraan aankhon main,

Kayi sapne samo jao,

Tumhare bin adhoora hon,

Meri takmeel ho jao..."

Usay maloom hai sub kuch magar ye kon samjhaye...

Ajab pagal si larki hai...!!!,

Gulab chehry pe muskarahat
Chamakti aankhon mein shokh jazbey
Wo jab bhi college ki seerihoon se
Saheliion ko liye utarti
to aesa lagta tha jaese Dil mein utar rahi ho
Kuch us tariqey se baat karti thi jaese dunya
Usi ki aankhon se dekhti ho
Wo apne raste mein Dil bichati hui
nigaahon se Hans k kehti
tumhare jaese
bohat se larkon se Main Ye baaten
Bohat se barson se Sun rahi hon
Wo sahilon ki Hawa si larki
jo raah chalti to aesa lagta tha
jaese Dil mein utar rahi ho
Wo kal mili to iss trah thi
k jaese chaandi pighal rahi ho
magr jo booli to us k lehje mein wo thakan thi
k jaese sadiiyon se dasht e zulmat mein chal rahi ho