Search

Ajab pagal si larki hai,
Mujhe her khat main lekhti hai,
Mujhe tum yaad karty ho?
Tumhain main yaad ati houn?

Meri baaten satati hain,?

Meri neenden jagati hain,?

Meri aankhen rulati hain,?

December ki sunhairi dhoop main,

Ab bhi tehaltay ho..?

Kisi khamosh raaste se koi awaz ati hai,?

Thetherti sard Raaton main ab bhi tum chath per jate ho.?

Falak k sab sitaron ko meri sab baaten sunate ho.?

Kitabon se tumhare ishq main koi kami ai?

Ya meri yaad ki shedat se aankhon main nami ai?

Ajab pagal si larki hai,mujhe her khat main lekhti hai.

Jawaban us ko lekhta houn....

Meri masrofeat dekho.

Subha se sham office main charagh-e-umar jalta hai,

Phir us k bhad duniya ki kayi majboriyan,

Paon main bariyan daal rekhti hain,

Mujhe be fakir chahat se bhare sapne nahi dikhte,

Thelne jaagne ki mohlat hi nahi milti,

Sitaron se mily arsa howa naraz houn shayed,

kitabon se shghaf mera abi wasy hi qaim hai,

Fark itna pera hai ab inhain arsay main perhta houn,

Tumhain kis ne kaha pagli, Tumhain main yaad karta houn,.!

Main khud ko bhoolane ki musalsal justjoo main houn,

Tumhain na yaad aney ki musalsal justjoo main houn,

Mager ye justjoo meri bahot nakaam rehti hai,

Mere din raat main ab bhi tumhari sham rehti hai,

Mere lafzon ki her maala tumhary naam rehti hai,

Tumhain kis ny kaha pagli,Tumhain main yaad karta houn.!

Purani baat jo log aksar gun-gunate hain,

Unhain hum yaad karte hain jinhain hum bhool jate hain,

Ajab pagal si larki hai,

Meri masrofeat dekho,

Tumhain dil se bhulayon to,

Tumhari yaad aye na

Tumhain dil se bhulane ki mujhe fursat nahi milti,

Aur is masroof jeeven main,

Tumharay khat ka aik jumla,

'Tumhain main yaad ati houn'

Meri chahat ki shidat main kami hone nahi deyta,

Bohat raatein jagata hai mujhe sonne nahi deyta,

So agli bar khat main ye jumla nahi lekhna,

Ajab pagal si larki hai,

Mujhe phir bhi lekhti hai,

Mujhe tum yaad karte ho?

Tumhain main yaad ati houn

Dareechy Se Jhankti Woh Larki
Ajeeb Dukh Se Bhari Hoi Hai

Kabhi Azanoo Main Khoi Khoi
Kabhi Namazon Mai Roi Roi

Woh Aese Dunya Ko Dekhti Hai
K Jese Us se Darri Hoi Hai

Darood Se Mehki Mehki Sansain
Wazifa Parhti Hoi Woh Aankhain

Ke Ek Sham-E-Umeed Un Main
Kai Baras Se Parhi Hoi Hai

Woh Dukh Ki Chadar Main Lipti Lipti
Woh Kale Kapron Main Simti Simti

Muhabbat Us Ne Kisi Se Shayad
Meri Tarhan Se He Ki Hoi Hai...!

Pars Chori Honey k Baad Larki Ka Reaction
Gareeb Larki : O Mere Pesay
Ameer Larki : O Mera Credit Card
Khubsurat Larki : Oh Shit Os Mein Tou Mere Boyfriend Ki Tasveer Thi.

Pagal Ankhon Wali Larki
Itne Mehngay khawab Na Dekhoo
Thak jao gi
Kanch se Nazuk Khwab Tumhare
Toot Gaye Toh Pachtao Gi
Tum Kia Jano
Khwab….Safar Ki Dhoop
Khwab….Adhori Raat Ke Dozakh
Khwab….Khayaloon Ka Pachtawa
Khwabo Ka Hasil Tanhai
Mehngay Khwab Kharidnay Ho toh
Ankhain Baicheni Parti Hain
Rishty Bholna Partay Hain
Khwabon Ke Oat Saraab Na Dekho
Pyaas Na Dekho
Itne Mehngay Khwab Na Dekho
Thak Jao Gi...!

Nanhi larki,
Sahil ke itne nazdeek,
Rait se apna ghar na bana,
Koi sarkash mauj idhar ayi, to
Tere ghar ki bunyadain tak beh jayen gi,
Aur phir un ki yaad mein tu,
Saari umar udaas rahe gi...!

suno larki …
meri maano
abhi tum ishq mat karna
abhi guriya sey khelo tum
tumhaari umer hi kya hey
faqat sola baras ki ho
abhi masoom bachi ho
nahin maaloom abhi tumko
ke jab ye ishq hota hey
to insaan kitna rota hey
sitaaray toot jatay hain
saharay chhoot jatay hain
abhi tum ne nahin dekha
k jab saathi bichartay hain
to kitna dard hota hey
ke har furqat k mosam main
hazaro gham ubhartay hain
hazaro zakhm khultay hain

suno larki …
meri maano
parhai par tawajo do
kitaabon main gulab ko
kabhi bhoolay se mat rakhna
kitaabain jab bhi kholo gi
ye kaanton ki tarah
dil main chubhen ge khoon bahayen ge
tumhain pehron satayen ge
kisi ko khat nahin likhna
likhai pakri jaati hey
bari ruswayi hoti hoti hey
kisi ko phone mat karna .

Suno lerki …
meri maano
ABHI TUM MOHABBAT MAT KERNA...!

Jaana..! kia kabhi dekha hai tmne?
raaton mai jaagti huee,
khud se batein karti huee,
us pagal si larki ko...???
jo tmhara sath chahti hai..
aur sirf tmhe chahti hai...

kia kabhi dekha hai tmne...?
usay bohot qareeb se...?
jiski aankhon mai tumhare hi khwab hain.
jiski sochon mai tmhare hi khayal hain
wo jab roti hai... usay tum jab rulate ho
uski ankhon mai wo masoom khwaab,
dam toor detey hain.....
uski ankhon ko chor dete hain...
wo khud ko bhool jati hai
wo khud se door hojati hai

kia kabhi dekha hai tmne?
us k murjhaaye se chehre ho?
wo kaise khil sa jata hai...
jab tum paas us k ate ho
aur usay phir manate ho
wo khwaab phir sajati hai
or tumko phir samjhaati hai..
tum door na mujhse jaya karo
tum rooth na mujhse jaya karo

kia kabhi dekha hai tmne..
us larki ko hastey hue...?
wo hasti bohot hi rehti hai,
magar us k chehre per,
wo hasi kuch sajti nahi...
udaasi us k chehre ki,
numaya nazar ati hai...
wo hastey hastey kho jati hai...
wo rotey rotey so jati hai....!

Log kehtey hein kaisi ajeeb larki hoon..
per zindagi sey qareeb larki hoon,

Chahatoon ki chahat mey khud ko hi badal dala....
per chahatoon key mamley mey
main bilkul ghareeb larki hoon,

Samjha hey mujh ko usney, jisey janti nahi main....
Mujhey chahta hey laikin yeh manti nahi main....

Main apney aap ki shayed...
khud hi raqeeb larki hoon...
Kaisi ajeeb larki hoon,

Meri zindagi ka hey falsafa…
mery pyar me bhi mantaq hey,

Usey chahoon sirf, jesey paa sakoon,
jo na miley tu bhula sakoon,

naye deep phir sey jala sakoon,
naye khawab aankhoon mey saja sakoon,

Yeh hi pyar hey, yeh hi zindagi..
Yeh hi hey haqeeqi bandagi,

per yeh baat jab kabhi bhi...
kisi ko samjha nahi sakti,
faqat itna hi kehti hoon...

haan main ik ajeeb larki hoon...
per zindagi sey qareeb larki hoon.

zard si rangat wali larki
mout ki chader paair pe dale
kiska rasta dekh rahi hai?

hichki hichki,sansoon sansoon
us wade ka soch rahi hai
zard si rangat wali larki
mout ki chader tan pe dale
ab bhi apni chahat ko kion
un rahoun main tol rahi hai?

zard si rangat wali larki
mout ki chader sar pe dale
ankhein apni mond chuki hai
ane wale ko batlado
ab wo lout k ayega tu
un wadoun ko takne wali

zard si rangat wali larki
khud wada banjaygi
ane wale ko samjha do
ab wo milne ayega tu
us ki yad main rone wali

zard si rangat wali larki
khud ansu ban jaygi
ane wale ko kehlado
usko itna chahne wali
zard si rangat wali larki

mout ki chader sar pe dale
apna pyar wo kho bethi hai
khak se raakh wo hu bethi hai
zard si rangat wali larki!!