Search

Khud ko parhta huuN, chhoR detaa huuN
ek warq roz moR detaa huuN

is qadar zaKhm haiN nigaahon meN
roz ek aaiinaa toR detaa huuN

main pujari baraste phulon ka
chuu ke shakhon ko chhoR detaa huuN

kaasa-e-shab meN Khoon suuraj kaa
qatraa qatraa nichoR detaa huuN

kanptay hont bhigti palken
baat adhuurii hi chhor deta huun

ret ke ghar bana bana ke “Faraz”
jane kyu Khud hii tor deta hun

Bila Jawaz Rakhay Khud Ko Be Qaraar Bhi Kyun
Jo Tu Nahi Hay Tu Pher Tera Intazaar Bhi Kyun

Akelay Pan Ka Safar Jab Mera Muqadar Hay
Tu Phir Ay Wada -e- Shikan Teri Rah-Guzar Bhi Kyun

Usay Ganwa Kay Rahon Ab Khezaon Ki Zadd Main
Jo Wo Nahi Hay Tu Pher Mousam -e- Bahaar Bhi Kyun

Ager Bhulaye Hoay Us Ko Ak Umar Hoi
Tu Phir Yeh Aaj Tabiyat Hay, Sogwaar Bhi Kyun

Wo Jin Labon Pay Yaqeen -e- Wafa Mehak Na Sakay
Phir Un Kay Lams Ki Khowahish Ho Ak Baar Bhi Kyun

Jab Us Ko Shouq Tha Rasto Ki Dhool Honay Ka
Palat Kay Dekhta Jata Hay Baar Baar Bhi Kyun

aap agar ham ko mil gaye hote
bagh men phol khil gaye hote

aap ne yuN hi ghuur kar dekhaa
honTh to yuN bhii siil gaye hote

kaash ham aap is tarah milte
jaise do vaqt mil gaye hote

ham ko ahal-e-Khirad mile hi nahin
varna kuchh munafe mil gaye hote

us kii aaNkhen hi kaj nazar thin "Adam"
dil ke parde to hil gaye hote

husn ko chaaNd javaanee ko kanwal kehte hain
unkee soorat nazar aaye to GHazal kehte hain

uf! vo marmar se tarasha hua shafaaf badan
dekhne vaale usay taaj mahal kehte hain

pad gayee paaon mein taqdeer kee zanjeer to kya
ham to usko bhee teree zulf ka bal kehte hain

mujhko maaloom nahee iske siva kuch bhee katee
jo sadi vasl meiN guzre usay pal kehte hain

Bichar Kay Mujh Say Kabhi Tu Nay Yeh Bhi Socha Hay
Adhora Chaand Bhi Kitna Udaas Lagta Hay

Yeh Khatm Wisal Ka Lamha Hay, Raigaan Na Samaj
Kh Us Kay Baad Wahi Dooriyon Ka Sehra Hay

Kuch Or Dair Na Jharta Udaasiyon Ka Shajar
Kisay Khaber Teray Saaye Koun Betha Hay

Yeh Rakh RakhaO Mohabbat Sekha Gaii Us Ko
Wo Routh Kar Bhi Mujhay Muskura Kar Milta Hay

Main Kis Tarah Tujhay Dekhon, Nazar Jhijhakti Hay
Tera Badan Hay Kh Yeh Aainon Ka Darya Hay

Chahat Kay Is Darya Per
Darya Or Kinaray Per
Dil Ko Yon Azad Kia
Main Nay Tum Ko Yaad Kia


Tanhaii Ki Raton Main
Khud Hi Baaton Baaton Main
Is Dil Ko Yon Shaad Kia
Main Nay Tum Ko Yaad Kia


Jab Say Tum Ko Dekha Hay
Jab Say Tum Ko Chaha Hay
Har Ak Pal Faryaad Kia
Main Nay Tum Ko Yaad Kia


Is Jeewan Kay Nisaabon Main
Or Raaton Kay Khuwabon Main

Jaag Kay Bhi Dil Shaad Kia
Main Nay Tum Ko Yaad Kia


Phool Yeh Khilnay Say Pehlay
Tum Ko Milnay Say Pehlay
Khud Ko Yon Barbaad Kia
Main Nay Tum Ko Yaad Kia

Akhri Tees Aazmane Ko
Ji To Chaha Tha Muskurane Ko

Yad Itni Bhi Sakht Jan To Nahin
Ik Gharaunda Raha Hai Dahane Ko

Sangrezon Main Dhal Gaye Ansu
Log Hanste Rahe Dikhane Ko

Zakhm-E-Nagma Bhi Lau To Deta Hai
Ik Diya Reh Gaya Jalane Ko

Jalane wale To Jal Bujhe Akhir
Kaun Deta Khabar Zamane Ko

Kitne Majbur Ho Gaye Honge
Ankahi Bat Munh Pe Laanay Ko

Khul Ke Hansna To Sab Ko Ata Hai
Log Tarasate Rahe Ik Bahane Ko

Reza Reza Bikhar Gaya Insan
Dil Ki Viraniyan Jatane Ko

Hasraton Ki Panah Gaahon Main
Kya Thikane Hain Sar Chhupane Ko

Hath Kanton Se Kar Liye Zakhmi
Phool Balon Main Ik Sajane Ko

Aas Ki Bat Ho Ki Sans 'Ada'
Ye Khilone Hain Tut Jane Ko