Search

Kisi Ko Anjuman Aaraiyaan Nazar Aain
Kisi Ko Zaat Main Tanhaaiyaan Nazar Aain

Main Is Liye Teri Mehfil Se Lout Aaya Hoon
Jagah Jagah Muje Ruswaaiyaan Nazar Aain

Samaaton Ne Basarat Ka Roop Dhaara Jab
Faza Main Goonjti Shehnaaiyaan Nazar Aain

Wo Apne Aap Se Anjaan He Raha Jis Ki
Zamane Bher Se Shanasaaiyaan Nazar Aain

Mere Wajood Pe Aakhir Ye Kis Ka Pehra Hai?
Jala Charaagh Tu Parchaaiyaan Nazar Aain

Lagaaii Aankh Se Majboriyun Ki Ainak Tu
Bure Amal Main Bhi Achaaiyaan Nazar Aain

Zameen Ke Husn Ka Wo Bhi He Aik Rukh Babar
Ufaq Ke Paar Jo Raanaaiyaan Nazar Aain...

Shab-E-Hijran Ki Aziyat Ki Khabar Kis Ko Hay
Meri Gumnaam Muhabbat Ki Khabbar Kis Ko Hay

Kis Ko Ahsaas Meri Shidat-E-Jazbat Ka Hay
Meray Halaat Mery Wahshat Ki Khabar Kis Ko Hay

Main Nay Chup Chaap Muhabbat Kay Sitam Jheelay Hain
Meri Iss Darjah Sharaafat Ki Khabar Kis Ko Hay

Apni Uljhan Ko Barhanay Ki Zarurat Kya Hai
Chhorna Hai Tu Bahane Ki Zarurat Kya Hai

Lag Chuki Aag Tu Lazim Hai Dhuan Uthe Ga
Dard Ko Dil May Chupanay Ki Zarurat Kya Hai

Ajnabi Rung Chalakta Hoo Ager Aankhon Say
Unsay Phir Aankh Milanay Ki Zarurat Kya Hai

Bethe Rehtay Hai Teri Mehfil May Dost Naye
Ab Tumhai Yaar Purany Ki Zarurat Kya Hai

Sath Rehtay Hoo Mager Sath Nahi Hote....
Aysay Rishtay Ko Nibhanay Ki Zarurat Kya Hai

Hr Ksi Ko Duniya May Shohraten Nahi Milti,
Zindagi K Lumhon Ki Qeematein Nahi Milti.

Fateh Ki Khwahish May Amal Bhi To Lazim Hai,
Sirf Kuch Iraadon Se Manzilen Nahi Milti.

Faisly Ye Chahat K Aasman Pe Hotay Hain,
Do Dilon K Milne Se Qismat Nahi Milti.

Deen Aur Duniya Ko Sath Rakhna Parta Hai,
Masjidon May Rehne Se Jannatein Nahi Milti.

Maan Lo Is Zamane May Aur Bhi Hain Hum Jese,
Hasb-E-Aarzoo Jin Ko Chahtein Nahi Milti..

Hamary Soch Ki Parwaz Ko Rokay Nahi Koi
Naye Aflaaq Pey Pehra Bitha Kar Kuch Nahi Milta

Koi ik Aadh Sapna Ho Tu Phir Acha Bhi Lagta hai
Hazaron Khawab Ankhon Men Saja Kar Kuch Nahi Milta

Usey Kehna Ke Palkon Per Na Taankay Khawab Ki Jhaalar
Samandar Ky Kinary Ghar Bana Kar Kuch Nahi Milta

Ye Acha Hai ke Aapas Ke Bharam Na Totney Payeen
Kabhi Bhi Doston Ko Aazma Kar Kuch Nahi Milta

Faqat Tum Sey Hi Karta Hoon Men Sari Raz Ki Baten
Har Ik Ko Dastan-E-Dil Suna Kar Kuch Nahi Milta

Amal Kay Sokht ka Rag Men Zara Sa Khon Shamil Kar
Mery Ham Dam Faqat Bateen Bana Kar Kuch Nahi Milta

Jala K Tu Bhi Agar Aasra Na De Mujh Ko
Ye Khauf He K Hawa Phir Bujha Na De Mujh Ko

Mein Is Khayal Se Mur Mur K Dekhta Hun Usay
Bichar K Bhi Wo Kahin Phir Sada Na De Mujh Ko

Isi Khayal Se Shab Bhar Mein So Nahi Sakta
K Khof-E-Khuwab-E-Guzashta Jaga Na De Mujh Ko

Tere Baghair Bhi Teri Tarah Mein Zinda Rahoon
Ye Hosla Bhi Dua Ker, Khuda Na De Mujh Ko

Mein Is Liey Bhi Usay Khud Phir Bolon Ga MOHSIN
K Mujh Se Roothnay Wala Kahin Bhula Na De Mujh Ko

Phir Kisi Yad Nay Shab Bhar Hay Jagaya Mujh Ko
Kiya Saza Di Hay Mohabat Nay Khudaya Mujh Ko

Din Ko Aaram Hay Na Rat Ko Hay Chain Kabhi
Janay Kis Khaak Say Qudrat Nay Banaya Mujh Ko

Dukh To Yeh Hay Keh Zamanay Main Milay Ghair Sabhi
Jo Mila Hay Woh Mila Ban Kay Paraya Mujh Ko

Jab Koi Bhi Na Raha Kandha Meray Ronay Ko
Ghar Ki Deewaron Nay Seenay Say Lagaya Mujh Ko

Uoon To Umeed-E-Wafa Tum Say Nahein Hay Koi
Phir Charaghon Ki Tarah Kis Nay Jalaya Mujh Ko

Bewafa Zindagi Nay Jab Chorh Diya Hay Tanha
Maot Nay Piyar Say Pehloo Main Bithaya Mujh Ko

Woh Diya Hoon Jo Mohabat Nay Jalaya Tha Kabhi
Gham Ki Andhi Nay Sar-E-Sham Bujhaya Mujh Ko

Kaisay Bhoolon Ga Wohi Wasl Kay Lamhay
Yad Aata Raha Zulfon Ka Hi Saya Mujh Ko..