Search

MAOT KI AAGOSH ME JAB THAK KE SU JAATI HAI MAA
TAB KAHI JA KAR RAZA THODA SUKOON PAATI HAI MAA


FIKAR MEIN BACHOO KI KUCH IS TARAH GHUL JAATI HAI MAA
NUWJAWAN HUTE HUE BOODHI NAZAR AATI HAI MAA


RUH KE RISHTOO KI YE GAHRAYIAAN TO DEKHIYE
CHOT LAGTI HAI HUMARE AOUR CHILLATI HAI MAA


HADIYOON KA RAS PILA KAR APNE DIL KE CHAIN KO
KITNI HI RAATO ME KHALI PET SO JAATI HAI MAA


JANE KITNI BARF SI RAATOO ME AISA BHI HUA
BACHAH TU CHHATI PE HAI GEELE ME SO JAATI HAI MAA


JAB KHILONE KO MACHALTA HAI KOI GHURBAT KA PHOOL
AANSOON KE SAAZ PER BACHEY KO BAHLATI HAI MAA


FIKAR KE SHAMSHAN ME AAKHIR CHITAOON KI TARAH
JAISE SOOKHI LAKDIYAAN, IS TARAH JAL JAATI HAI MAA


APNE AANCHAL SE GULABI AANSUOO KO PUNCH KAR
DER TAK GURBAAT PE APNI ASHAK BARSATI HAI MAA


SAMNE BACHOO KE KHUSH RAHTI HAI HAR EK HAAL ME
RAAT KU CHHUP CHHUP KE LEKIN ASHAK BARSATI HAI MAA


KAB ZAROORAT HU MERI BACHE KO, ITNA SOCH KAR
JAGTI RAHTI HAIN AANKHEN AOR SO JAATI HAI MAA



MANGTI HI KUCH NAHI APNE LIYE ALLAH SE
APNE BACHON KE LIYE DAMAN KO PHAILATI HAI MAA


DE KE IK BIMAAR BACHE KO DUAYEEN AOUR DAWA
PAINTI PE RAKH KE SAR QADMOO PE SO JAATI HAI MAA


GAR JAWAN BAITI HO GHAR MEIN KOI RISHTA NA HO
IK NAYE IHSAAS KI SULI PE CHADH JAATI HAI MAA


HAR IBADAAT HAR MUHABAT MEIN NIHA HAI IK GARAZ
BE GARAZ BE LAOS HAR KHIDMAAT KO KAR JATI HAI MAA


ZINDAGI BHAR CHUNTI HAI KHAAR, RAH E ZEEST SE
JAATE JAATE NEMAT E FIRDAOUS DE JAATI HAI MAA


BAZOON ME KHEENCH KE AAJAYE GI JAISE KAINAAT
AISE BACHE KE LIYE BAAHON KO PHAILATI HAI MAA


ZINDAGANI KE SAFAR MEIN GARDISHOO KI DHOOP MEIN
JAB KOI SAYA NAHI MILTA TO YAAD AATI HAI MAA


PYAR KAHTE HAI KISEY AOR MAAMTA KYA CHEEZ HAI
KOI UN BACHOO SE PUCHEY JIN KI MAR JAATI HAI MAA


SAFHA E HASTI PE LIKHTI HAI USUL E ZINDAGI
IS LIYE IK MAKTAB E ISLAM KAHLATI HAI MAA


US NE DUNIYA KO DIYE MASOOM RAHBER IS LIYE
AZMATOO ME SANIYE QURAAN KAHLATI HAI MAA


GHAR SE JAB PARDES JAATA HAI KOI NOOR E NAZAR
HATH MEIN QURAAN LE KER DUR PE AAJATI HAI MAA


DE KE BACHE KO ZAMANT ME ALLAH PAAK KI
PICHEE PICHEE SAR JHUKAYE DUR TAK JATI HAI MAA


KANPTI AAWAZ SE KAHTI HAI BETA ALVIDA
SAMNE JAB TAK RAHE HATHOO KO LAHRATI HAI MAA


JAB PARISHANI ME GHAR JATE HAIN HUM PARDES ME
AANSUOO KO PONCHANEY KHWABOO MEIN AAJATI HAI MAA


DER HO JAATI HAI GHAR AANE ME AKSAR JAB HAMAIN
RET PER MACHILI HU JAISE AAISE GHABRATI HAI MAA


MARTE DUM BACHA NA AA PAYE AGAR PARDES SE
APNI DONO PUTLIYAAN CHAWKHAT PER RAKH JATI HAI MAA


BAB MAR JAANE KE PHIR BETE KI KHIDMAT KE LIYE
BHES BETI KA BADAL KAR GHAR ME AAJATI HAI MAA


HUM BALAOO ME KAHI GHIRTE HAI TO BEIKHTIYAAR
KAHIR HU BACHE KI, KAH KAR DAR PE AAJATI HAI MAA


CHAHE HUM KHUSHIYOO ME MAA KO BHOOL JAYEEN DOSTOO!

JAB MUSIBAAT SAR PE AATI HAI TU YAAD AATI HAI MAA


DOOR HO JAATI HAI SAARI UMAR KI IS DAM THAKAN
BYAAH KAR BETE KO JAB GHAR ME BAHOO LAATI HAI MAA


CHEEN LETI HAI WAHI AKSAR SUKOON E ZINDAGI
PYAAR SE DULHAN BANAKAR JIS KO GHAR LAATI HAI MAA



PHEIR LETE HAI NAAR JIS WAQAT BETE AOR BAHOO
AJNABI APNE HI GHAR ME HAI BANJATI HAI MAA


HUM NE YE BHI TO NAHI SOCHA ALAG HONE KE BAAD
JAB DIYA HI KUCH NAHI HUM NE TO KYA KHATI HAI MAA


ZABT TO DEKHOO KI ITNII BE RUKHI KE BAOWAJOOD
BUD DUAA DETI HAI HARGIZ AOR NA PACHTATI HAI MAA


ALLAH ALLAH BHOOL KAR HAR IK SITAM KO RAAT DIN
POTI POTE SE SHIKASTA DIL KO BAHLATI HAI MAA


BETA KITNA HI BURA HU, PAR PADOSAAN KE HUZOOR
ROOK KAR JAZBAAT KO BETE KE GUN GAATI HAI MAA


SHADIYAA KAR KE BACHE JA BASE PARDES ME
DIL KHATOO SE AOR TASWEERO SE BAHLATI HAI MAA


APNE SEENE PAR RAKHE HAIKAINAT E ZINDAGI
YE ZAMEEN IS WASTEY AYE DOST KAHLATI HAI MAA.

Written by MOHSIN CHISHTI

Ek baar hi jee bhar k saza Q nahi detay?
Gar harf e ghalat hoon to mita Q nahi detay?

Saya hoon to phir sath na rakhnay ka sabab kya?
Pathar hoon to rstay say hata Q nahi detay?

Raahzan ho to phir shoq se looto meri dunya,
Rehbar ho to phir ghar ka pata Q nahi detay?

Ab shiddat e armaan say mera dam ghutnay laga ha,
Tum reshmi zulfon ki hawa Q nahi detay?

Chhup Chhup ke shigafon say mujhay yoon to na jhaanko,
Tum raah ke deewar gira Q nahi detay?

Kaise kehdoon ke mulaqaat nahi hoti hai
Roz milte hain magar baat nahi hoti hai


Aap lillah na dekha karen aaina kabhi
Dil ka aa jana barri baat nahi hoti hai

Chhup ke rota hoon teri yaad mein duniya bhar se
Kab meri aankh se barsaat nahi hoti hai

Haal-e-dil poochne waale teri duniya mein kabhi
Din hota hai magar raath nahi hoti hai

Jab bhi milte hain toh kehte hain kaise ho 'Shakeel'
Is se aagay toh koi baat nahi hoti hai

Khuwaab saath rehne ke nit naye dekhata hai
Ye jo asal mausam hai ye guzarta jaata hai

Khud ko sabz hi rakha aansoun ki baarish mein
Warna hijar ka mausam kis ko raas aata hai

To hawaon ka mausam tujh ko kiya khabar janaa
Gard-e-badgumaani se dil toot bhi jaata hai

Aik tum hi thay warna aadmi muhabbat mein
Laakh aayein deewarein raastey banata hai

Hum to khair nadaan thay muntazir rahe warna
Kaun apni beenayi is tarah ganwata hai

Kitne khuwaab aankhon mein zakham banne lagte hain
Jab hawa ke honton pe tera naam aata hai

Senkron dukaanein hain wasl ke charaghon mein
Kaun hijar mein apna ab lahoo jalata hai

Bin us ke zindaghi dard hai tanhayi hai,
Meri ankhoon mein kiyon moot simat ayi hai.

Kehtey hain loogh ishq ko ibadat yaro,
Ibadat mein phir kiyoun ruswayi hai.

Wo na aye to dil ko lubhaney ko merey,
Shab- e -hijar mein us ki yaad chali ayi hai.

Mehfil mein reh kar bhi tanha rehna,
Yeh ada us ki muhabat ne Sikhlayi hai.

Yeh bhi us ki mohabbat ki ainayat hai yaro,
Main tamasha bana or dunia tamashayi hai.

Us se taluk hi kuch aisa raha hai dosto,
Jab bhi socha usey aankh bhar ayi hai .