Search

Barishon Kay Mousam Main

Waqt Kay Andheron Main

Main Nay Us Say Pucha Tha

Chorr Tu Na Jao Gaye

Haath Thaam Kar Us Nay

Kaan Main Ye Bola Tha

Kesay Chorr Sakta Hoon

Tum Tu Jaan Ho Meri

Or Aaj Aisa Hay

Waqt Ki Tamaazat Main

Wehshaton Kay Mousam Main

Main Nay Us Say Pucha

Chorr Kar Hi Jana Tha

Muskurati kaliyon ko

Aas Kyun Dilai Thi

Pyaas Kyun Jagai Thi

Meray In Sawalon Per

Chaltay Chaltay Wo Bola

Mousam Ki Tu Aadat Hay

Waqt Per Badal Jana

Kitabon Kay Panno Ko Palat Kay Sochti Hoon
Yon Palat Jaye Meri Zindagi Tu Kia Baat Hay


Khowabon Main Roz Miltay Hain Jo
Haqiqat Main Mil Jaye Tu Kia Baat Hay


Kuch Matlab Kay Liye Dhoondti Hay Mujh Ko
Bin Matlab Jo Aa Jaye Tu Kia Baat Hay


Qatal Kar Kay Tu Sab Lay Jay Ge DIL Mera
Koii Baaton Say Lay Jaye Tu Kia Baat Hay


Jo Sharifon Ki Sharafat Main Baat Na Ho
Ak Sharabi Keh Jaye Tu Kia Baat Hay


Apnay Rehnay Tak Tu Khushi Don Sab Ko
Ager Kesi Ko Meri Mout Pay Khushi Mil Jaye Tu Kia Baat Hay

Barson Kay Baad Dekha , Ak Shaks Dil Ruba Sa
Ab Zehan Main Nahi Hay, Par Naam Tha Bhala Sa

Khowabon Main Khowab Us Ka, Yaadon Main Yaad Us Ki
Nendoon Main Ghul Gaya Ho, Jesay Ke Rat Jaga Sa

Pehlay Bhi Log Aaye, Kitnay Hi Zindagi Main
Lekin Wo Har Tarah Say, Ouron Say Tha Juda Sa

Aglee Mohabaton Nay, Wo Na Muradain Deen Thin
Taza Rafaqaton Say, Kuch Dil Tha Dara Dara Sa

Kuch Ye Keh Muddaton Say, Hum Bhi Nahi Thay Roye
Kuch Zehar Main Bujha Tha Ehbaab Ka Dilasa

Ab Sach Kahain Tu Yaron, Hum Ko Khabar Nahi Thi
Ban Jaye Ga Kayamat, Ak Wakiya Zara Sa

Taivar Be-Rukhi Kay Andaaz Dosti Kay
Wo Ajnabi Tha Laikin, Lagta Tha Aashna Sa

Hum Dasht Thay Ke Dariya, Hum Zehar Thay Ke Amrit
Nahak Thi fikar Hum Ko, Jab Wo Nahi Tha Pyasa

Rakhay KHUDA Nay Do Raastay Mujay Aazmanay Kay Liye

Wo Chorr Day Mujhay

Ya Main Chorr Don Usay Zamanay Kay Liye

Kaisay Maang Lon RAB Say

Usay Bhool Janay Ki Dua

Haath Uthaye Nahi Hain Dua Main

Usay Bhool Janay Kay Liye

Nahi Ki Zindagi Main

Main Nay

Koii Bhi Naiki

Per Parhi Hay Chupp Kay Kuch Namazain

Usay Paanay Kay Liye

na wo sin hay fursat-e-ishq ka , na wo din hay kshf e jamal kay
magar ab bhi dill ko jawaaN rakhein wohi shobday khad o khal kay

yeh jo gard baad-e-hayat hay , koi iss ki zad say bacha nahi
magar aaj tak teri yaad ko men rakhon sanbhaal sanbhaal kay

mein ameen o qadr shanas thaa , mujhay sans sans ka pass tha
yeh jabeeN pay hein jo likhay hoey , yeh hisaab hein mah o sal kay

wo kabhi shafaq ka fasooN kahein , kabhi gull kahin kabhi khooN kahein
kay hein meri subh-e-urooj mein abhi rang sham-e-zawaal kay

meri hasratooN ko hara rakhay , meri kash-e-jaaN ko bhara rkhay
yeh yaqeeN , kuch pay khulein gay darr kisi roz bash-e-shumaal kay

shab-e-tar say na dara mujhay , ay khuda jamal dikha mujhay
kay teray saboot hein beshtar , teri shaan jah o jalal kay

koi kohkan ho k qais ho , Meer ho kay Nadeem ho
sabhi naam ek he shakhs kay , sabhi phool ek he daal kay

Guzray Huay Taweel Zamanay Kay Baad Bhi
Dil Main Raha Woh Choar Kay Janay Kay Baad Bhi

Pehlu Main Reh Kay Dil Nay Dia Hai Bohat Faraib
Rakha Hai Us Ko Yaad Bhulanay Kay Baad Bhi

Qurbat Kay Baad Aur Bhi Qurbat Ki Talash
Dil Mutmain Nahin Hai Teray Aanay Kay Baad Bhi

Go Tu Yahan Nahin Hai Mager Tu Yahen Pe Hai
Tera Hi Zikar Hai Teray Janay Kay Baad Bhi

Lagta Hai Kuch Kaha Hi Nahin Hai Ussay Adeem
Dil Ka Tamam Haal Sunanay Kay Baad Bhi

Zindagi Talkh Haqeeqat Kay Siwa Kuch Bhi Nahi
Merey Daaman Mein Salwatoon Kay Siwa Kuch Bhi Nahi

Aik Omar Lagi Taraashney Mein Khud Ko Magar
Mila Haathoon Ko Zakhmoon Kay Siwa Kuch Bhi Nahi

Bazahir Dil To Har Aik Baat Par Dharakta Hai
Warna Is Mein Teri Murat Kay Siwa Kuch Bhi Nahi

Raas Aaya Hi Nahi Haqeeqat Kay Ujaloon Ka Safar
Aur Takhayul Mein Bhi Andheroon Kay Siwa Kuch Bhi Nahi

Main Ney Sehra-E-Zeest Mein Barsoon Khaak Chaani Hai
Reh Gaya Jholi Mein Wehshatoon Kay Siwa Kuch Bhi Nahi

Silsiley Teri Mulaqatoon Kay, Terey Khayaal Kay
Aur Aankhoon Mein Ratjagoon Kay Siwa Kuch Bhi Nahi

Kabhi Jo Dekhta Hoon Deevar-O-Dar Apney Makaan Kay
Nazar Aata Hai Mujhey Patharoon Kay Siwa Kuch Bhi Nahi

Kia Dhoondtey Ho Waris~, Khizaan Ki Manind Wujood Mein Tum
Is Shajar Mein Sookhey Pattoon Kay Siwa Kuch Bhi Nahi

Aa Kay Lay Jaain Meri Aankh Ka Pani Mujh Say
Kiun Hasad Karti Hay Darya Ki Rawani Mujh Say

Gosht Nakhun Say Alag Kar Kay Dikhaya Main Nay
Us Nay Poochay Thay Judaai K maani Mujh Say

Teri Khushbu KI Lehad Par Main Bara Tanha Tha
Ro Pari Mil K Galay Raat Ki Raani Mujh Say

Khatam Honay Laga Jab Khoon Bhi Ashkon Ki Tarah
Kar Gaay Khawab Meray Naqal Makani Mujh Say

Sirf ik Shakhs K Gham Main Mujhay Barbaad Na kar
Roz Rotay Huay Kehti Hai Jawani Mujh Say...

MUHABAT KAY TASSAVUR KO AGAR TASVEER KARNA HAY
DHANAK SAY RaNG LAY LENA
SITAROUN SAY DaMAK LENA
SEHeR SAY ROOSHNI LENA
GULOUN SAY DILKASHI LENA
MUGHANNI BULBULON SAY NAGHMAGI LENA
ALA-S-SUBHA JAAG JANA
OOS KAY QATROUN SAY TUM
PAKIZGEE OR TAAZGEE LENA
SABAHAT HOOR SAY LENA
MALAHAT TUM MERAY MEHBOOB SAY LENA

MUHABAT KAY TASSAVUR KO AGAR TASVEER KARNA HAY
HAZAROUN BHEED WALAY
BAR-E-AAZEM KAY TAHAYUR KHAIZ KHITUN MAIN CHLAY JANA
BOHAT MAKHSOOS JUNGLE MAIN
QALANCHAY MARTAY AAHOUN KA RAM TASKHEER KAR LENA
OR US KAY NAAFA-E-MaGHZAN SIFT SAY
KUSHBOO-E-JADU ASAR LENA


MUHABAT KAY TASSAVUR KO AGAR TASVEER KARNA HAY
LAGAY JAB JUNGLON MAIN AAG
US AATISH KAY SHOLOUN SAY
GHAZAB KI TUM LAPAK LENA
SAMANDER SAY TAHHAAMUL, ZABT OR GEHRAEE LAY LENA
BAHAROUN SAY YEA KAHNA
APNI SHADABI TUMHAIN DAY DAIN

MUHABAT KAY TASSAVUR KO AGAR TASVEER KARNA HAY

KISI SAR-SABZ WADI MAIN
CHAMAKTI JHEEL PER JAB KALAY BAADAL JHOOM KAR CHAAEEN
HAWA RUK JAEEY
BARISH KI BOHAT NANNHI SI BAY HAD DILNASHEEN SHEHZAADIYAN
BOONDOUN KI NAZUK PAALKI MAIN JAB UTER AAEEN
TO YEA MANZER CHURA LENA

YEA SARAY RANG OR MANZAR TUM HARAY HAATH AAA JAAEEN
MAGER PHIR BHI ADHOORI SI TUMHAIN TASVEER LAGTI HO
MUHABAT KI AGAR YEA MOONA LIZA BAN NAHI PAA EE
TO PHIR IK KAAM TUM KARNA
MERAY TUTAY HUAY DIL KI
HAR IK KIRCHI UTHA LENA
YEA HI JOHAR TO US TASVEER MAIN
IK ROOH PHOONKAY GA
MUHABAT KAY TASSAVUR KO AGAR TASVEER KARNA HAY