Search

TU NAY DEKHA HAI KABHI EK NAZAR SHAAM KAY BAD
KITNAY CHUP CHAAP SAY LAGTAY HAIN SHAJAR SHAAM KAY BAD

ITNAY CHUP CHAAP KAY RASTAY BHI RAHAIN GAY LA ILM
CHOR JAIN GAY KISI ROZ NAGAR SHAAM KAY BAD

MAI NAY AISAY HI GUNAAH TERI JUDAAI MAI KIYE
JAISE TOOFAAN MAI KOI CHOR DE GHAR SHAAM KAY BAD

SHAAM SAY PEHLAY WO MAST APNI URANOON MAI RAHA
JIS KAY HAATH MAI THAY TOOTAY HUWAY PAR SHAAM KAY BAD

RAAT BEETI TAU GINNAY AABLAY AUR SOCHA
KAUN THA BAES AGHAAZ-E-SAFAR SHAAM KAY BAD

TU HAI SOORAJ,TUJHAY MALOUM KAHAN RAAT KA DUKH
TU KISI ROZ MERAY GHAR MAI UTTAR SHAAM KAY BAD....!

hazoor-e-yaar men harf iltija kay rakhay thay
chiragh saamnay jesay hawa kay rakhay thay

bus ik ashk-e-nadaamat nay saaf kar daalay
woh sab hisaab jo hum nay utha rakhay thay

tumhi nay paaon na rakha wagarna wasl ki shab
zameen pay hum nay sitaray bichha kay rakhay thay

bikhar rahay thay so hum nay utha liay khud he
gulab jo teri khatir saja kay rakhay thay

hawa kay pehlay hi jhonkay say haar maan gaey
wohi chiragh jo hum nay bachaa kay rakhay thay

mita saki na unhain roz o shab ki barish bhi
dilon men naqsh jo rang-e-hina kay rakhay thay

hasool-e-manzil-e-duniya kuch aisa kaam na tha
magar jo raah men pathar ana kay rakhay thay...!

andheri raat thikanay laga kay aatay hain
chalo ke apni subha ko jaga kay aatay hain

sabhi jo maan rahay hain,bohat andhera hai
chiragh jorr ke suraj bana ke aatay hain

yeh raat rooz jo hum say khiraaj mangay hai
hazaar sir ka charhawa,charha kay aatay hain

nhi hai kuch bhi bachaa ab juz yeh zanjerain
utho yeh maal o mata bhi,luta kay aatay hain...!

Jeewan kay un sab barsoN men
Jo ke
Tum bin beet chukay hain !
Kya khoya or kya paya hay ?
Jab yeh sochoon jan-e-jana!
To ehsaas yeh hota hay
Tum ko paa kar
Mein nay sari duniya pa lee

Jeevan kay sab barson mein
Jo ke
Tum bin beet chukay hein !
Un men saansain baar theen mujh par
Un mein ishq khazeena kab tha ?
Un mein jeena?
Jeena kab thaa !!!!!

KAB TAK KISI KAY SOG ME ROYE Ge BAITH KAR
HUM KHUD KO KITNI BAR YE SAMJHA KAY RO PAREY
KHUSHIAN HAMARAY PAAS KAHAN MUSTAQIL RAHIN
BAHER KABHI HANSAY BHI TAU GHAR AA KAY RO PAREY
BAY AITBAAR WAQT PE JHUNGULA KAY RO PAREY
KHO KAR KABHI USSAY TAU KABHI PAA KAY RO PAREY....!

gumsum hua aawaz ka darya tha jo ik shakhs
pather bhi nahi ab wo sitara tha jo ik shakhs

shayed woh koi harf-e-wafa dhoond raha tha
chehron ko barey ghor say perhta tha jo ik shakhs

sehra ki tarah dair say piyasa tha woh shayed
baadal ki tarah toot k barsa tha jo ik shakhs

aey taiz hawa koi khabar us kay junoon ki!!
tanha safar-e-shoq peh nikla tha jo ik shakhs

ab aakhri satroon main kaheen naam hai us ka
ahbaab ki fehrist main pehla tha jo ik shakhs

haathon main chupaye huye phirta hai kai zakham
sheeshay kay khilonon say behalta tha jo ik shakhs

mur mur kay usay dekhna chahain meri aankhain
kuch door mujhay chornay aaya tha jo ik shakhs

ab us nay bhi apna liye dunya kay qareenay
saaye ki rafaqat say bhi darta tha jo ik shakhs

her zehan main kuch naqsh-e-wafa choar gaya hai
kehnay ko bharay shehar main tanha tha jo ik shakhs

munkir hai wohi ab meri pehchan ka mohsin
aksar mujhay khat khoon say likhta tha jo ik shakhs....!

Faseel-e-jaan kay qaidee hain magar yeh dhayan rakha hai
Hawa kay waastay hum nay Dar-e-imkaan rakha hai

Saja saktay thay yadoon kay kai chehray kai pekar
Magar kuch soch kar hum ne yeh ghar veeraan rakha hai

Humen shoq-e-azziyat hai wagarna es zamanay main
Teri yaden bhulanay ko bohat saamaan rakha hai

Teri jholi main laa dalen gay qarzay es muhabat kay
Kay hum shoreda sar hain, kab koi ehsaan rakha hai

Tumhen ye maanna hoga kay hum ne apnay lab see kar
sakoot-e-shab ki muthi main koi toofaan rakha hai

Jo ho yaaro behar surat charaghon ko jalana hai
Hawaen kitni barham hain, ye hum ne jaan rakha hai....!

aaj barson kay bad dekha hai,

ab bhi aankhon ka rang gehra hai,

aur mathay ki sanwali si lakeer,

dil main kitnay diye jalati hai,

teri qaamat kay saaye ki khushboo,

guftgo main bahaar ka mausam,

be sabab aitbaar ka mausam,

kyun mujhay saaray dhang yaad rahay,

kitni hairaan ho gayi khud per,

main tujhay aaj tak nahiin bhooli,

pichlay mousam ki yaad baaqi hai.....

Aab Kay Yoon Dil Ko Saza Di Hum Nay
Us Ki Her Baat Bhula Di Hum Nay
Eik , Eik Phool Bohat Yaad Aaya
Shakh-E-Gul Jab Woh Jala Di Hum Nay
Aaj Tak Jis Pay Woh Sharmatay Hain
Baat Woh Kab Ki Bhula Di Hum Nay
Sheher-E-Jahan Raakh Say Abad Hua
Aag Jab Dil Ki Bujha Di Hum Nay
Aaj Phir Yaad Bohat Aaya Woh
Aaj Phir Us Ko Dua Di Hum Nay
Koi To Baat He Us Main Faiz
Her Khushi Jis Pay Luta Di Hum Nay