Search

Saath chalne main jo maza hota
Woh humain bhi kabhi mila hota

Yeh hi hasrat rahi hamari faqat
Saath apne koi chala hota

Hum bhatakte rahe the raahon mein
koi rasta pata chala hota

Thaam leta humain bhi barh ke koi
Haath hum ko koi mila hota

Hum ulajhtay nahi zamane se
Ek jo Humsafar mera hota

Hum na thakte safar mein gar
Saath apne koi chala hota...!

Kab kaun kisi ka hota hai
Sub jhootey rishtey naate hain…

Sub dil rakhney ki batein hain
Sub asal roop chhupate hain…

Ikhlaq se khali log yahan
Lafzon ke teer chalate hain…

bahaar nigahon ko dikha kar
Phir saari umar rulate hain…

Who jis NE diye hain ashk humein
AB us ko bhool hi jaate hain...!

Ham kyu ye kahen koi hamara nahi hota
moujon k liye koi kinara nahi hota

dil toot bhi jaye to mohabbat nahi mitti
es raah me lut kar b khasara nahi hota

sarmaya e shab hote hen you to sabhi taray
har tara magar subho ka tara nahi hota

sonay ki tarazoo me mera dard na tolo
imdad se gherat ka guzara nahi hota

kuch log saja lete hen aankhon pe aur aankhen
jo pyar se dekhey wahi pyara nahi hota

tum b to Muzaffar ki kisi baat pe bolo
shayar ka hi lafzon pe ijara nahi hota...!

Wo janti thi ke wafa ka ajar nahi hota
Muhabbaton main sabar ka samar nahi hota
Wo janti thi
Muhabbat dukhon ka sehra hai
Jahan saraab si khushiyan hain
Aur azaab se gham
Jahan hai pyaas judaii ki be'tahasha magar
Milan ki barishein hoti hain jis dayar main kam
Wo janti thi
Muhabbat khiraaj mangti hai
Wo jis ko dil ka lahoo de ke jagmagaya ho
Andheri raah ke liye wo cheragh mangti hai
Wo janti thi
Muhabbat wo reh'guzar hai jahan
Bichay hain kanch judaii ke be'shumar magar
Burhana pa hi inhein paar karna paRta hai
Ghamon ki dhoop main ab sayebaan koi na ho
Kisi yaad ki chaadar ko taan kar khud par
Tammam aahein daba kar guzarna paRta hai
Wo janti thi ke wafa ka ajar nahi hota
Mohabbat main sabar ka samar nahi hota
Hij'r ki raah main hoti hai be'tahasha ghutan
Wahan kabhi bhi hawa ka guzar nahi hota
Wo janti thi phir bhi rog le bethi
Kisi ke pyaar main na jaane kyun jog le bethi

Zamany ko agr MUHAMMAD (S.A.W) se Pyaar hota

To kyun sajde main ALI pe waar hota

Mil jaati HASSAN ko NANA ke pehlo main jaga

Zamana agr MUHAMMAD ka wafadar hota

Na looti jati ZAINAB o KULSOOM ki rida

Na Zanjiroon main jakra ABID BIMAR hota

Na Barchhi lagti AKBAR ke Seeny main

Na QASIM ka SEHRA taar taar hota

Na Cheani jaati SAKINA ke kanoo se baliyaan

Na teer ASGHAR ke galay se paar hota

Zamane ko agar MUHAMMAD(S.A.W) Se pyar hota.

woh kehta hai mohabbat sada milna nhi hota
main kehti hoon, mere hotay bicharnay ki na socho
woh kehta hai jo mango mein apni jaan day doon ga
mein kehti hon mujay fil hal apna naam he day do
woh kehta hai sar par aysay he anchal dakha rakho
mein kehti hon keh tum apni nazron ko jhuka rakho
woh kehta hai haray aur peelay rang ki churiyaan pehno
mein kehti hoon pehno gi agar kismat mein likha ho ga
woh kehta hai mere naam ki mehndi lagao tum
mein kehti hoon lagaoon gi agar tum lay kar aoo gaay

ek vada hai kisi ka jo vafaa hota nahi
marmari taron bhari raaton men kya hota nahi

ji men ata hai ulaT den un ke chehare se naqab
hausala karte hain lekin hausala hota nahi

shama jis ki aabaroo par jaan de de jhuum kar
vo patanga jal to jata hai fana hota nahi

Tabhi Toh Main Muhabbat Ka Hawalati Nahi Hota
Yahan Apnay Siwa Koi Mulaqati Nahi Hota

Aur Ab es Bat Par Bhi Mujhse Mere Yaar ulajhtay Hain
K Main Har Baat Sun Leta Hoon Jazbati Nahi Hota

Girftar-e-Wafa, Ronay Ka Koi Aik Mousam Rakh
Jo Nala Roz Beeh nikalay Woh Barsati Nahi Hota

Tujhay Dil Mein Jaga Di Hai Nazar Se Door Kya Kartay
Jo markaz Mein Theher Jaye Woh Mazafati Nahi Hota

Bicharnay Ka Irada Ho Toh Mujhse Mashwara Karna
Muhabbat Mein Koi Bhi Faisla Zaati Nahi Hota

Udas dil ki udas batain
samjhnay wala koi to hota
K jis ki baton se dil sambhalta
k jis ki sangat me dil behalta
Jis ki hlki si ik jhalak bhi
hmare dukh ko smait leti
Falak se khushiyan undail deti
YA
uski nazuk si muskurahat
Hmare dil ki sabhi thakawat ko door krti
Ya phir chamkti wo aankhain uski
Hmari hasti ka raaz hotin
Hmare dukh ki ktab hoti
Jo humko chahta, hum ko parhta
Guzarte lamhon ki sakhtiyon me
Koi to nazuk mizaj hota

KOI TO HOTA