Search

Khushi ki baat hai ya dukh ka manzar dekh sakti hoon,
Teri awaaz ka chehra main chuu kar dekh sakti hoon,
Abhi tere labon pe zikar fasl-e-gul nahin aya,
Magar ik phool khilte apne andar dekh sakti hoon,
Kinaara dhoondne ki chaah tak mujh mein nahin hogi,
Main apne gird aik aesa samandar dekh sakti hoon,
Vasaal-o-hijar apne yaksaa’n* hain, woh manzar hai chahat mein,
Main aankhain band kar ke tujh ko aksar dekh sakti hoon,
Abhi tere siwaa duniyaa bhi hai maujood is dil main,
Main khud ko kiss tarah tere baraabar dekh sakti hoon..

Main Ab Bhi Girte Howe Paniyo Ki Qaid Mai Hoon
Aik Aabshar Mere Char So aBhi Tak Hai
Koi Gumaan Mujhe Tum Se Door Kaise Kare
Ke Aitbar Mere Char So Abhi Tak Hai.

Jahan se chali thi waheen pe kharri hoon,
Mein teri mohabbat ki aesi gharri hoon,
Tere hath mein thi mohabbat ki gurriya,
Jahan pe rakha tha waheen pe parri hoon,
Tujhe bhool janey ka socha tha lekin,
Barri dair tak aaj khud se larri hoon,
Tere sang barish mein chhatri ke neechey,
Mujhe yoon laga jese mein bhi jharri hoon,
Teri zaat se mein bhi mansoob ho kar,
Atoot ang hoon zindagi ki karri hoon,
Mera bachpna-pan hai mohabbat mein shamil,
Mohabbat mein qadd se zeyada barri hoon..

Main hoon gardishon main ghira hua mujhe aap apni khabar nahi
Woh jo shukhss tha mera Rehnumaa usay raaton main ganwa diya
Woh jo teri nazar main Ajeeb tha woh hi shukhss tera Habib tha
Tere haath ki jo lakeer tha usay haath se hi mitaa diya
Mujhe Ishq hai Junoon hai abhii faisla nahi hosaka
Mera naam zeenat-e-dasht tha mujhe andhiyoon ne mita diya
Yeh udaasiyon ka Jamaal hai k humara Auj-e-kamaal hai
Kabhi raat se bhi chupa liya kabhi shehar bhar ko bata diya
Mere mausamo''onn, meri umar ka baagh abhi poora khila na tha
Woh jo phool thy teri chah kay usay Zard rut ne Giraa diya....

ek dafa ek admi ko wehem ho gia key wo insaan nahi bulkey chooha hey. sab log samjha samjha ker thak gay magar wo manta hee nahi tha. Akhir ek din jab ooskey dost ek hotel mein bethey huey thay wo waha bara Aakar ker aya or bola mujhey pata chal gia hey dosto.. key mein chooha nahi insaan hoon. sab barey khush huey or khushi ka izhar kia. itney mein kahi sey ek billi hotel mein ghus ayee wo admi ""billi.. billi"" cheekhta hua mez per charh gia. Dost barey heran huey or boley yeh kia tumhein pata to hey key tum choohey nahi ho phir ??? wo admi kamptey huey bola mujhey to pata hey magar billi ko to nahi pata na !!!!

Pehle likhti hoon mein kaghaz pe masaayel apne,
Aur phir sabbar ke daryaa mein bahaa deti hoon..

Apna samajh ke aap se karti hoon main gilaa,
Mere hain aap mujh ko shikaayet hai aap se.