Search

sauchta hoon aagahi k es safar ne kya dya
khoon jalanay k siwa meray hunar ne kya dya

meri shakhon se lipat kar aasmaan tak chhoo liya
aur ab bailain ye kehti hain shajar ne kya dya

jiss ne apni har khushi ghar ki khushi par waar di
aik wehshat k ilawa uss ko ghar ne kya dia

kab wo shamil ho saka meray kisi ahsaas mai
sath chalnay k siwa ik ham safar ne kya dia

umr k andhay safar mai kaun rakhta hai hisaab
manzilon say kia mila hai, rehguzar ne kya dya

aarzooain kiss qadar karti hain dil par aitebaar
aarzuon ko dil e naa moatabar ne kya dya

SHAAD dil mai har taraf ab khwahishon ka shor hai
mainay apni ik tamanna ko ubharnay kya dya

Main kisi aur ka hoon itna bata kar roya
Woh mujhe mehndi lagay hath dikha kar roya

Mujhe anjaam-e- mohabbat nahi maloom hargiz
Yeh kaha aur mujhe seenay se laga kar roya

Jo mujhe zabt ki talqeen kiya karta tha
Woh zamanay ko mera haal suna kar roya

Aansu ban kar nikl na jaun kahin, is Deer se
Apne ashkoon ko wo aankhoon mein chhupa kar roya

Wasl ka aakhri lamha jo muyassar tha humain
Usi lamhay mein wo sadiyoon ko sama kar roya

Sarapa Ashk Hoon Main Ab Bikhar Jao Tu Behter Hay
Jidhar Jatay Hain Ye Baadal Udhar Jao Tu Behter Hay

Ye Dil Kehta Hay Teray Shaher Main Kuch Din Thehar Jao
Mager Halaat Kehtay Hain Keh Ghar Jao Tu Behter Hay

Dilon Main Faraq Aayen Gay Taluq Toot Jayen Gay
Jo Dekha, Jo Suna, Us Say Mukar Jao Tu Behter Hay

Yaha Hay Koun Mera Jo Mujhay Samjhaye Ga Faraz
Main Koshish Kar Kay Ab Khud Hi Sudhar Jao Tu Behter Hay

Main Kachi Neend Main Hoon

Or Apnay Neem Khowabeda Tanaffus Main Utarti

Chaandni Ki Chaap Sunti Hoon

Gumaan Hay

Aaj Bhi Shayed

Meray Mathay Pay Teray Lab, Sitaray Sabt Kartay Hain

Sochta Hoon Ke usay Neend Bhi Aati Hogi,
Ya Meri Tarah Faqt Ashq Bahati Hogi,

Wo Meri Shakal Mera NaaM Bhulane Wali,
Apni Tasveer Se Kya Aankh Milati Hogi,

Is ZaMeen Par Bhi Hai Sailab Mere Ashqon Ka,
Mere MataM Ki Sada Arsh Hilati Hogi,

ShaaM Hote Hi Wo Chaukhat Pe Jala Ke ShaMa,
Apni Palkon Pe Kayi Khwaab Sulati Hogi,

Mere Tareek ZaMane Se Nikalne Wale,
Roshni Tujhko Meri Yaad Dilati Hogi,

Dilki MasooM Ragein Khud Hi Sulagti Hogi,
Joonhi Tasveer Ka Kona Wo Jalati Hogi

Main tera ajj hoon kal par nah dekh taal mujhe
main tera roop hoon joban main hi sanbhaal mujhe

mere hi dum se hain teri yeh dharknain zinda
main tera qalab hoon siney se mat nikal mujhe

main tere bakhat ka sika hoon yeh khayal rahe
yunhi faqeer ki jholi main tu nah daal mujhe

milain mujh main mohabat ke goher tujh ko
main teri chah ka sagar hoon kuch khangal mujhe

tu dharkanoon ko chone ke fun se waqif hai
tu dil ka chor hai itna nah tha khayal mujhe

usse khabar hai mere ghum hi maal hain mera
naye ghum se woh rakhta hai mala maal mujhe

main jin ko ley gaya bam-e-arooj par
woh muntazir hain ke kab aaye ga zawal mujhe

Main Hoon Ya Tu Hai ,Khud Se Gurezaan Jaise,
Mere Aage Koi Saya Hai,Kharaman Jaise..

Tujhse Pehle Toh Baharon Ka ,Yeh Andaaz Na Tha,
Phool Yun Khilte Hain,Jalta Ho Gulistaan Jaise…

Yun Teri Yaad Se Hota Hai ,Ujala Dil Mein,
Chandni Mein Chamak Uthta Hai,Bayaabaan Jaise..

Dil Mein Roshan Hai,Abhi Tak Tere Wadon Ke Chiraag,
Toot-Ti Raat Ke Taare Ho, Farozan Jaise..

Waqt Badla Per,Na Badla Mere Mayar-E-Wafa,
Aandhiyon Mein ,Sar-E-Kohsaar Charaghan Jaise..

Zakhm Bharta Hai Zamana,Magar Is Tarah,
Si Raha Ho Koi ,Phoolon Ke Girebaan Jaise…….

Chalo Mai Maan Laiti Hoon
Ye Kehna B Tumhara Ab
K Ye Dunia Buhat Pyari Hai
Is Ko Jee Ker Zara Daikho
Suno..!!
Aik Baat Kehti Hoon
Mujhay Ruswa Na Kerna Tum
Jo Mai Na Lout Ker Aon
Kisi Din Na Mil Paon
Meri Khusbo Na Lehraye
In Urti Hawaon Mai
Ya Barish Buhat Hi Ziadaa Ho
Aur Sb Phr B Murjaye
To Bus Itna Samjh Laina
K Tumhri Is Pyari Dunia Nay
Mujhy Koi Zakhm Phr Day Dia..!!

Aaina Hoon Merey Samney Aa Kar Dekho
Khud Nazar Aaogay Jo Aankh Mila Kar Dekho !

Merey Gham Mein Meri Taqdir Nazar Aati Hai
Dagmagao Gay Merey Dard Utha Kar Dekho !

Youn Tu Aasan Nazar Aata Hai Manzil Ka Safar
Kitna Mushkil Hai, Meri Raah Se Ja kar Dekho !

Bazm Ka Meri Charaghaan Hai Nazar Ka Dhoka
Kin Andheron Mein Bhatakta Hoon Mein Aa Kar Dekho