Search

Mohabbat naam hai mera
Agar Chaho Gay Tum Mujh Ko
Tumahri sans se pehly
Tumhari jan ban jaon
Ager Dekho Gay Tum Mujh Ko
Tumhari ankh se pehly
Tumhary khuwab ban jaon
Agar Socho Gay Tum Mujh Ko
Tumhary Paon Se pehly
Tumhari rah ban jaon
Mohabbat Naam Hai Mera.
Mujhe TUM Soch k Dekho...!

boy- lagta hai hum dono ek sath nahi reh sakte
girl - kya mere papa se mile the
boy- nhi mai tumhari choti bhen se mila tha.

Chahat ki mehfil main bulaya hai kisi ne,
Khud bula ker phir sataya hai kisi ne,
Jab tak jali hai shama jalta raha parwana,
Kiya es tarhan saath nibhaya hai kisi ne
Armaan mere raiza raiza hogaye hain,
Yun khail k aangan say giraya hai kisi ne,
Aag lagi hai dasht main koi kiya bhujaye ga,
Dil es tarah say aaj jalaya hai kisi ne,
Dil rota hai raat bhar yaad kar k kisi ko,
es tarhan ulfat main zakham khaya hai kisi ne,
Sangdil jo tha aaj woh bhi ro parha
Us ko bhi tarpaya hai kisi ne...!

Kia Khabar Tum Ko Dosti Kia Hai

Ye Roshni Bhi Hai Andhera Bhi Hai

Khwahishon Say Bhara Jazeera Bhi Hai

Bohat Anmol Ik Heera Bhi Hai

Dosti Ik Haseen Khwab Bhi Hai

Pass Say Dekho Tou Sarab Bhi Hai

Dukh Milnay Pe Ye Azab Bhi Hai

Aur Ye Piyar Ka Jawaz Bhi Hai

Dosti Yoon Tou Maaya Jaal Bhi Hai

Ik Haqeeqat Bhi Hai Khayal Bhi Hai...!

Ruki hue hai abhi tak bahaar ankhon main
Shab-e-wisaal ka jese khumaar ankhon main

Mita sake gi isse gard-e-mah-o-saal kahan
Khinchi hue hai jo tasweer-e-yaar ankhon main

Bus ik shab ki musafat thi or ab tak hai
Mah-o-najoom ka saara ghubaar ankhon main

Hazaar sahib raksh saba mizaaj aaye
Basa hua hai wohi sehsawar ankhon main

Wo aik tha pe es ko jab tahe talwaar
To bat gaya wohi chehra hazaar ankhon main...!

Yun lagta hai usne mujhe kuch yun dua di hai
Jese kanton main Khuda ne pholon ko panah di hai

Yun aawaz di thi usne bichartay waqt mujhe
Sehra main jese kisi musafir ne sada di hai

Dekh kar qismat ko yun lagta hai ab mujhe
Muqadar ne jese kahin bewaja saza di hai

Ghalat hai agr dunya main kisi ko chahna yaron
To zindagi main hum ne bohat bari khata ki hai

Loutna mumkin nahi ab yahan se kabhi
K kisi ki khatir main ne apni hasti bhula di hai...!

chahe mujrim smjhe ya koi gunah gaar hme,

saaf kehte hain ik shaks se hai pyar hme,

dil dia hai kisi ko to muskrana kesa,

pyar kia hai to haalat se darna kesa,

apne es jurm ka iqrar hai sau baar hme,

saaf kehte hain k ik shakhs se hai pyar hme,

hum ne maana k hme jaan se jana hoga,

jaan de k bhi hme pyar nibhana hoga,

LO SUNO

tark-e-mohabbat se hai inkar hme,

saaf kehte hain k ik shakhs se hai pyar hme...!

wo dil nawaz hai nazar shanas nahi
mera ilaj mere charagar k paas nahi
tarap rahe hain zaban par kai sawal magar
mere liye koi shayan-e-iltamas nahi
tere ujalon main bhi dil kanp kanp uthta hai
mere mizaj ko aasoudgi bhi raas nahi
kabhi kabhi jo tere qurb main guzre the
ab un dinon ka tasawwur bhi mere paas nahi
guzar rahe hain ajab marhalon se dida o dil
sahar ki aas to hai zindagi ki aas nahi
mujhe ye dar hai k teri arzu na mit jaye
bahut dinon se tabiyat meri udas nahi...!

Nasir kya kahta phirta hai kuch na suno to behtar hai
diwana hai diwane k muh na lago to behtar hai
kal jo tha wo aj nahi jo aj hai kal mit jayega
rokhi sokhi jo mil jaye shukr karo to behtar hai
kal ye taab o tawan na rahegi thanda ho jayega lahu
naam-e-Khuda ho jawan abhi kuch kar guzro to behtar hai
kya jane kya rut badle halat k koi thik nahi
ab k safar main tum bhi hamare sath chalo to behtar hai
kapre badal kar baal bana kar kahan chale ho kis k liye
raat bahut kali hai Nasir ghar main raho to behtar hai....!