Search

Kuchi Bhi Kar Guzarnay Mein Dair Kitni Lagti Hai ?

Barf Ke Pighalnay Mein Dair Kitni Lagti Hai ?


Os Ne Hans Kar Dekha Tou Muskura Dye Ham Bhee

Zaat Se Nikalnay Mein Dair Kitni Lagti Hai ?


Hijr Ki Tamaazat Se Wasl Ke Alao Tak

Larkion Ke Jalnay Mein Dair Kitni Lagti Hai ?


Baat Jaisi Be-Maainay Baat Aur Kia Hogi ?

Baat Ke Mukarnay Mein Dair Kitni Lagti Hai ?


Zaim Kitna Kartay Ho Ik Charaagh Per Apnay ?

Aur Hawa Ke Chalnay Mein Dair Kitni Lagti Hai ?


Jab Yaqeen Ki Baanhon Per Shak Ke Paaon Par Jaayein

Choorian Bikharnay Mein Dair Kitni Lagti Hai ?

Lutf Wo Ishq Mein Paaye Hain Ke Jee Jaanta Hai

Ranj Bhee Aisay Uthaaye Hain Ke Jee Jaanta Hai


Jo Zamaanay Ke Sitam Hain Wo Zamaana Jaanay

TU Ne Dil Itnay Sataaye Hain Ke Jee Jaanta Hai


Muskuraatay Howay Wo Majmaa-e-Agyaar Ke Saath

Aaj Yun Bazm Mein Aaye Hain Ke Jee Jaanta Hai


Kaaba-o-Dair Mein Pathra Gayeen Dono Aankhain

Aisay Jalway Nazar Aaye Hain Ke Jee Jaanta Hai


Dosti Mein Teri Dar-Pardah Hamaaray Dushman

Is Qadar Apne Paraaye Hain Ke Jee Jaanta Hai


Daagh-e-Waarafta Ko Ham Aaj Tere Koochay Se

Is Tarah Khainch Ke Laaye Hain Ke Jee Jaanta Hai

Ajeeb Waqiya Hai Ek Azeez Dost
Apnay Mufaad Per Mujhay Qurban Kar Gaya
Kitni Sudhar Gayi Thi Judayi Mein Zindagi
Haan Woh Jafa Se Mujh Pe ehsan Kar Gaya
Main Baat Baat Per Kehti Thi Jis Ko Jaan
Aakhir Wohi Shakhs Mujh Ko Be Jaan Kar Gaya...!

khwab ki tarah bikhar jane ko jee chahata hai
aisi tanhai k mar jane ko jee chahata hai

ghar ki vehshat se larazata hun magar jane kyon
sham hoti hai to ghar jane ko jee chahata hai

dub jaun to koi mauj nishan tak na bataye
aisi nadi mein utar jane ko jee chahata hai...!

sans lena bhi kaisi aadat hai
jiye jana bhi kya ravayat hai
koi aahat nahi badan mein kaheen
koi saya nahi hai aankhon mein
behis hain, chalte jate hain
ik safar hai jo bahata rehta hai
kitne barason se, kitni sadiyon se
jiye jate hain, jiye jate hain
aadaten bhi ajeeb hoti hain...!

Nah woh inkaar karti hai,

Nah woh ikraar karti hai,

Kambakht mere hee sapnon mein aakar,

Mere dost se pyaar karti hai...

Nah woh inkaar karti hai,

Nah woh ikraar karti hai,

Kambakht mere hee sapnon mein aakar,

Mere dost se pyaar karti hai...