Search

mohabbat say anayaat say wafa say choot lagti hai
bikharta phool hoon mujh ko hawa say choot lagti hai

mairi ankhoon mein ansoo ki tarhaan aik raat aa jaoo
takaluf say banawat say adaa say choot lagti hai

mein shapnam ki zubaan say pholoon ki awaz sunta hoon
ajab ehsaas hai apni sadda say choot lagti hai

tujhay khud apni majboori ka andaza nahi shaid
na kar ehad e wafa, ehad e wafa say choot lagti hai..

Muskurati hoi dhanak hai wohi
uss badan mein chamak damak hai wohi

phool murjhaa gaye ujaloon kay
sanwali shaam mein namak hai wohi

abhi bhi chehra charaagh lagta hai
bujh gaya hai magar chamak hai wohi

woh saraba diyeah ki lo jaisa
mein hawa hoon idhar lapak hai wohi

koi sheesha zaroor toota hai
gungunai hoi khanak hai wohi

payaar kis ka mila hai mitti mein
iss chanbaili tallay mehak hai wohi

sab kuch khak howa hai laikin chehra kya noorani hai
pathar neechay baith gaya hai, oopar pani behta hai

bachpan say mairi adaat hai, phool chupa kar rakhta hoon
hathoon pay jalta souraj hai, dil mein raat ke raani hai

dafan howay ratoon kay qissay ik chat ki khamooshi hai
sanatoon ki chadar oorhay yeah divaar purani hai

ussko paa kar itraoo gi, kho kar jaan ganwa do gi
baadal ka saya hai duniya har she aani jaani hai

dil apna aik chand nagar hai, achee sorat waloo ka
shehar mein aa kar shaid hum ko yeah jageer ganwani hai

tairay badan par mein pholoon say uss lamhay ka naam likhoon
jis lamhay ka mein afsana tu bhi ik kahaani hai