Search

Terey baghair Sard mosmon ke khushgawar Din Udaas hen,
Fiza me Dukh Racha hoa hai,
Hawa koi udaas geet gunguna rahi hai,
Phool ke Labon pe Peyas hai,
Aisa Lagta hai,
Hawa ki Aankhen Rotey Rotey khushk ho gai hon,
Saba ke dono hath khali hon
kh... shehr mein Tera koi pata nahen,
saans lena kitna mahaal hai
udasiyan udasiyan Ajab haal hai
Tamam sabz saaya-dar pairron ney,
Tery baghair wehshaton me apney perhan ko taar taar kar dia
Ab kisi shajr key Jism per Quba nahen
Sookhey Zard pattey
Koo ba Koo teri talaash me Bhatak rahey hen
Meray Darichon me Gulabi dhoop roz jhaankti hai
Mgr uss ki Aankhon me
Wo Jag-magahaten nahen
Jo teray Waqt me Zameen key sabeeeh maathey per
Soorajon ki kehkashaan sajaaney aati thin
Zameen bhe meri Trah hi
Teray baghair es ki Kokh se bhe ab
Koi Gulaab ugg na paye ga
Zameen Banjer ho gai hai
Aur
Meri Rooh ki Bahaar Aafreen kokh bhi
Meri soch key sadaf mein
Fun key sachey moti kis trah Janam lia kren
kh main sarapa-e-tashnagi hon
Aur door door tak, Visaal-e-abr ki khabr nahen
Meray aur Teray darmian
Paanch Paanion key Des mein
Kachey gharrey bhe to meri dastars se door hen
Mai kis trah SHER kahoon
Meri Soch key Badan ko, to Namoo to dey
kh...
Main Teray baghair Ek Sehra hon!!

Bas Ek Lamhay Ka Jaghra Tha
Dar-O-Deewar Pe Easay Chanaakay Say Gehri Awaaz
Jesay Kaanch Girta Hay
Har Ek Shay Mein Gaein
Urti Hui, Jalti Hui Kirchein
Nazar Mein, Baat Mein, Lehjay Mein
Soach Or Saans Kay Andar
Lahoo Hona Tha Aik Rishtay Ka
So Wo Ho Gya Us Din
Usi Awaaz Kay Tukray Utha Kar Farsh Say Us Shab
Kisi Nay Kaat Lein Nabzain
Na Ki Awaaz Tak Kuch Bhi
Kh Koi Jaag Na Jaye
Bas Aik Lamhay Ka Jaghra Tha..!

Bas Ek Lamhay Ka Jaghra Tha
Dar-O-Deewar Pe Easay Chanaakay Say Gehri Awaaz
Jesay Kaanch Girta Hay
Har Ek Shay Mein Gaein
Urti Hui, Jalti Hui Kirchein
Nazar Mein, Baat Mein, Lehjay Mein
Soach Or Saans Kay Andar
Lahoo Hona Tha Aik Rishtay Ka
So Wo Ho Gya Us Din
Usi Awaaz Kay Tukray Utha Kar Farsh Say Us Shab
Kisi Nay Kaat Lein Nabzain
Na Ki Awaaz Tak Kuch Bhi
Kh Koi Jaag Na Jaye
Bas Aik Lamhay Ka Jaghra Tha..!

Jab Bhi Chahain Ek Nayi Soorat Bana Lete Hain Log,
Ek Chehre Peh Kayi Chehre Saja Lete Hain Log,

Mil Bhi Lete Hain Woh Gale Apne Matlab K Liye,
Aa Pade Mushkil To Nazren Bhi Chura Lete Hain Log,

Khud-farebi Ki Unhe Aadat Si Shayad Pad Gayi,
Har Naye Rahzan Ko Seene Se Laga Lete Hain Log,

Hai Baja Unki Shikayat Par Iska Kya Ilaaj,
Bijliyaan Khud Apne Gulshan Peh Gira Lete Hain Log,

Ho Khushi Unko Bhi Haasil Ye Zaroori To Nahi,
Ghum Chupane K Liye Bhi Muskura Lete Hain Log....

Chalo Ek Ghar Banaye Hum..
Saja Den Uss Ko Phoolon Se..
Na Deewaren
Na Darwaze..
Na Koi Uss Me Rozan Ho..
Hamare Apney Sapno Ki Chahten Sar Par Rahey Har Dam..
Wahin Taron Ka Jhurmat Ho..
Wahin Par Chaand Bhi Nikley..
Koi Aisa Banaye Ghar..
Jahan Jharney Ka Pani Ho..
Jahan Par Har Subha Ek Nit Naye Andaaz Me Kuch Gungunati Hon..
Bhaley Sadiyan Guzer Jayein..
Qayamat Aa Ke Mil Jaye..
Ye Sapney Na Kabhi Tootein..
Mere Iss Haath Se Ye Haath Tera Na Kabhi Chhootey..
Chalo Ek Ghar Banaye Hum..