Search

Sang-dil hai wo to kyun us ka gila main ne kiya
Jab k khud pathar ko but,but ko khuda main ne kiya

Kaise na-maanoos lafzoN ki kahaani tha wo shakhs
Uss ko kitni mushkiloN se tarjuma main ne kiya

Wo meri pehli mohabbat,wo meri pehli shikast
Phir to paiman-e-wafa sau martaba main ne kiya

Hun saza-vaar-e-saza kyun jab muqaddar mein mere
Jo bhi uss jaan-e-jahaaN ne likh diya,main ne kiya

Wo THeherta kya k guzra tak nahiN jis k liye
Ghar to ghar har raasta aaraasta main ne kiya

Mujh pe apna jurm saabit ho na ho lekin FARAZ
Loag kehte hain k uss ko bewafa main ne kiya

Ho Ghazal Or Dil Aashiqana Ho,
Dil Sambhlne Ka Kuch Bahana Ho,

Or Kiya Chahiye Zamaney Ko,
Kehney Sunney Ko Ik Fasana Ho,

Zindagi Nazar Karna Parti Hai,
Ik Lamha Agar Churana Ho,

Ham Jo Kehtey Hain Kar Guzrte Hain,
Soch Lena Agar Aazmana Ho,

Dushmani Bhi Hamain Gawara Hai,
Shart Yeh Hai Ke Mukhlisana Ho...

Un K Andaz-E-Kram Un Peh Wo Aana Dil Ka
Haye Wo Waqt Wo Batein Wo Zamana Dil Ka,

Na Suna Us Ney Tawajo Sey Fasana Dil Ka
Umr Guzri Pr Dard Na Jana Dil Ka,

Dil Lagi Dil Ki Lagi Ban K Mita Deti Hai
Rog Dushman Ko Bhi Ya Rub Na Lgana Dil Ka,

Wo Bhi Apney Na Huey Dil Bhi Gya Hathon Sey
Aisey Aaney Sey To Behtar Hai Na Aana Dil Ka,

Unki Mehfil Main Un K Tabbasum Ki Qasam
Hum Dekhtey Reh Gaye Hath Sey Jana Dil Ka.

Dil Ki Baat Labon Per Laakar Ab Tak Ham Dukh Sehtay Hain
Ham Ne Suna Tha Is Basti Mein Dil Waale Bii Rahte Hain

Beet Gaya Saawan Ka Mahina Mausam Ne Nazren Budlin
Lekin In Pyaasi Aankhon Mein Ab Tak Aansuu Bahte Hain

Aik Humain Aawaara Kahna Koi Bara Ilzaam Nahin
Duniya Waale Dil Waalon Ko Aur Bahut Kuchh Kahte Hain

Jis Kii Khaatir Shahar Bhi Chhora Jis Ke Liye Badnaam Hue
Aaj Wohi Ham Se Begaane Begaane Se Rahte Hain

Woh Jo Abhi Is Raahguzar Se Chaak E Garebaan Guzra Tha
Us Aawaara Diwaane Ko Jalib Jalib Kahte Hain.

Dil-E-Nadan Ajb Justuju May Hai,
Tum Se Shoq-E-Guftugu May Hai.

May Ny Socha Hai Bara Tujh Ko,
Tu Meri Hr Ek Aarzoo May Hai.

Tu Mere Sath Hai To Lagta Hai,
Ek Ujala Sa Meri Rooh May Hai.

Juda Khud Se Karun To Kese Karun,
Teri Chahat Gardish-E-Lahoo May Hai

Sune Wo Dil Ki Sadaa Aisa Silsilaa Bhi Nahi
Mai Uss Se Baat Karon Itnaa Hoslaa Bhi Nahi

Qaid Se Azaad Huwa Panchi To Phir Ur Na Saka
Sazaa Uss Jurm Ki Kaati Ke Jo Kiya Bhi Nahi

Lahoo Lahoo Hai Dastaan, Ashk Ashk Apni Katha
Sunaein Kya! Ke Ab Kehne Ko Kuch Raha Bhi Nahi

Zindagi Ham Ne Tujhe Har Rang Mai Azmaya Hai
Bas, Ke Ab Aur Jeene Ki Dil Mai Tamanna Bhi Nahi

Dil Lahoo, Chaak-E-Jigar , Sookhte Hue Lob-O-Jaan
Maut Kya Maare Gi, Ke Jeeney Ka Gumaan Bhi Nahi

Wo Mangta Hai KASH, Chand Sitaron Ki Chamak
Aur Merey Hath Mai Mitti Ka Ek Diyaa Bhi Nahi..

Jo Ranjishein Thiin Jo Dil Mein Gubaar Tha Na Gaya
K Ab Ki Baar Gale Mil K Bhi Gila Na Gaya

Ab Us K Wada-E-Fardaan Ko Bhi Taraste Hain
Kal Uski Baat Pe Kyun Aitbaar Kia Na Gaya

Ab Us K Hijr Mein Royain Na Wasl Main Khush Hon
Wo Dost Ho Bhi To Samjho K Dostaana Gaya

Nigaah-E-Yaar Ka Kya Hai Huii Huii Na Huii
Ye Dil Ka Dard Hai Pyaare Gaya Gaya Na Gaya

Sabhi Ko Jaan Thii Pyaari Sabhii The Lab Basta
Bas Ik Faraz Tha, Zaalim Se Chup Raha Na Gaya

Dil Apne Aap Dharakta Hai, Dharkaya Nahi Jata
Ye Raaz-E-Mohabbat Har Ek Ko Bataya Nahi Jata

Agar Ehsaas Ho To, Mohabat Ko Kar Lo Mehsoos
Ye Wo Jazba Hai Jo Lafzon Mein Samjhaya Nahi Jata

Dosti Key Liye Mohabat Or Khuloos Hai Lazim
Har Haath Milane Walay Ko Dost Banaya Nahi Jata

Bohat Kam Hain Log Jo Dil Mein Utar Jaate Hain
Har Rah Chaltey Ko Apna Banaya Nahi Jata

Koshish Se Badal Jaati Hai Taqdeeren
De Kar Ilzaam Qismat Ko Or Dil Ko Behlaya Nahi Jata...