Search

Ab To Kisi Bhi Baat Pay Aitbaar Nahi Hota
Hote Hain Bass Samjhote Dilon K, Koi Pyar Nahi Hota

Kitna Bhi Samjha Lain Hum, es Dil-e-Nadaan Ko
Ek Qatra Kabhi, Koi Saagar Nahi Hota

Dil Mein Liye Hasrat Kisi Ki Ye Umar Guzar Jaati Hai
Ke Taqdeer Pay Kisi Ki Apni, Ikhtiyaar Nahi Hota

Lagte Hain Jo Pal Suhane, Wo Hain Mere Bas Khowabon Ke
Haqeeqat Mein Kabhi Khushi Ka, Deedar Nahi Hota

Dhal Jaate Hain Ye Ashk, Ek Aur Gham Ki Raah Liye
Inn Honthon Ko Ab Kisi Hansi Ka, Intezaar Nahi Hota...!

Dareecha-e-khayal jab bhi khulay
teri yaad tera tasawar bunay

khmoshi ke ghooar sanatay main
mairy samait teri nida sunay

wasal-e-umeed main doob ker yeah dil
lamas ke jazeeray se chahat ke moti chunnay

mairy ghazal main tera husan-e-bayan jana
jaisay ankh ki jheel main chahat ka rung ghulay...!

Teacher: Bachon wada kro kabhi sharab,
cigrette nahi piyo ge
Bachey: Nahi piyenge
Teacher: Girls ka peecha nahi karoge
Bachey: Nahi karenge
Teacher: Unn par awaaze nai kaso ge
Bachey: nahi kasenge
Teacher: Watan par zindigi qurbaan karo ge
Bachey: Kardenge, Aesi zindigi ka karna bhi kya hai..

Mein Jab Bhi Akeli Hoti Hoon,
Tum Chupkey Se Aa Jatey Ho
Aur Jhaank Kay Meri Aankhon Mein,
Beetay Din Yaad Dilatey Ho
Mastana Hawa Kay Jhonkon Se,
Har Baar Woh Pardey Ka Hilna
Pardey Ko Pakrnay Ki Dhun Mein,
Do Ajnabi Hathoon Ka Milna.
Aankhon Me Dhunwa Cha Jana,
Sansoon Mein Sitarey Se Khilna
Raasty Me Tumhara Mur Mur Kar
Takna Wo Mujhe Jatey Jatey
Aur Mera Thitak Kar Ruk Jaana,
Chilman Kay Qareeb Aatey Aatey
Nazroon Ka Taras Kar Reh Jaana,
Ek Aur Jhalak Paatey Paatey
Baalon Ko Sukhanay Ki Khatir,
Kothey Pe Woh Mera Aa Jaana
Aur Tum Ko Muqabil Patey Hi
Kuch Sharmana, Kuch Bal Khana
Ro Ro Kay Tumhein Khat Likhti Hoon,
Aur Khud Parh Kar Ro Leti Hoon
Halaat Kay Taptey Toufaan Me,
Jazbaat Ki Kashti Kehti Hoon
Kaisey Ho, Kahaan Ho, Kuch To Kaho,
Mein Tum Ko Sadayen Deti Hoon
Mein Jab Bhi Akeli Hoti Hoon,
Tum Chupkey Se Aa Jatey Ho
Aur Jhaank Kay Meri Aankhoun Me,
Beetay Dinn Yaad Dilatey ho...!

Mujhe ab bhi muhabbat hai

tere qadmon ki ahat se,

teri har muskurahat se,

teri baton ki khushbu se,

teri ankhon k jadu se,

teri dilkash adaon se,

teri qatil jafaon se,

mujhe ab bhi muhabbat hai

teri raahon mein rukney se,

teri palkon k jhukne se,

sehar o shaam hathon pe,

tera he naam likhne se,

teri be ja shikayat se,

yahan tak k sanam mere,

teri har aik adat se,
mjhe ab bhi muhabbat hai....!

Kitab-E-Dil Ka Koi Bhi Waraq Saada Nahi Hota

Nigah Usko Bhi Padh Leti Hai Jo Likha Nahi Hota,

Usay Main Dekhti Rehti Hoon Yaadon Ke kinaron Se,

Nigahon Ki Tapish Se Wo Kabhi Shola Nahi Hota,

Hawa Ko Chouna Chahti Hoon Ke Ye Usko Bhi Chouti Hai,

Magar Mera Junoon Mujhse Kabhi Pura Nahi Hota,

Sunana Chahti Hoon Haal-E-Dil Jis Ek Jumle Mein,

Bikhar Jata Hai Wo Jumla Kabhi Yakja Nahi Hota,

Tapish es Dilki Aa Pohanchi Meri Namnaak Aankhon Tak,

Kaash Jo Jal Gaya Kandha Wohi Tera Nahi Hota,

Mujhe es Haal Tak Pohncha Diya Teri Mohabbat Ne,

Sitam Kaisa Bhi Ho Tujhse Koi Shikwa Nahi Hota...!

Kuch bhi to nahi waisa
jaisa tujhay socha tha
jitna tujhay chaha tha
socha tha teray lab per
kuch harf duaoon k
kuch phool wafaoon k
mehkain gay meri khatir
kuch bhi to nahi waisa
jaisa tujhay socha tha
mehsoos yeh hota hai
dukh jheelay thay jo ab tak
bay naam musafat main
likhnay ki mohabbat main
perhnay ki zaroorat main

bay sood riyazat thi
bay faiz ibadat thi
jo khawab bhi thay dekhay
in jaagti aankhon ne

sab khaam khayali thi
phir bhi tujhay panay ki
dil k kissi goshay main
khawahish to bachaa li thi

laikin tujhay pa ker bhi
aur khud ko gawa ker bhi

is habs k mausam ki khirki se hawa aai
na phool se khushboo ki koi bhi sada aai

ab neend hai aankhon main
na dil main woh pehli si taza sukhan aarai
na lafaz meray niklay
na harf o mani ki danish meray kaam aai
nadeeda rafaqat main
jitni bhi aziyyat thi
sab meray hi naam aai
kuch bhi to nahi waisa
jaisa tujhay socha tha
jaisa tujhay chaha tha....!

Mere saath tum bhi dua karo
yun kisi ke haq me bura na ho
kahin aur ho na ye haadsa
koi raaste me juda na ho
Sare shaam thehri hui zamen
jahan aasma hai jhuka hua
usi mod pe mere waaste
woh chiragh leke khada na ho

Meri chhat se raat ki sej tak
koi ansuon ki lakeer hai
zara badh ke chand se puchhna
woh isi taraf se gaya na ho

Woh farishte aap talash karen
kahaniyon ki kitaab me
jo bura kahen na bura sune
koi shakhs unse khafa na ho

Woh firaq ho ke wisaal ho
teri aag meheke gi ek din
woh gulaab ban ke khilega kya
jo chiragh ban ke jala na ho...!

Dost ban kar bhi nahi sath nibhanay wala
Wohi andaz hay zalim ka zamanay wala

Ab usay logg samjhtay hay giraftar mera
Sakhat nadim hay mujhay damm may lanay wala

Subha e dam chore gaya nighat e gull ki sorat
Raat ko guncha-e-dill mey simat anay wala

Kia kahain kitnay marasam thay hamaray us say
Wo jo ik shaks hay moh phair kay janay wala

Teray hotay huway a jati thi sari dunia
Ajj tanha hoon to koi nahi anay wala

Muntazir kiss ki hoon tooti hoi dehliz par mein
Kon aye ga yahan , kon hay anay wala

Kia khabar thi jo meri jaan me ghulla hay itna
Hay wohi mujh ko sar-e-dar bhi lanay wala

Maine dekha hay baharoon mein chaman ko jaltay
Hay koi khuwab ki tabeer batanay wala

Tum takluf ko bhi ikhlas samjhte ho Faraz
Dost hota nahi har hath milanay wala...!