Love

pahale pahal to Khvaabon kaa dam bharney lagatii hain
phir aankhen palakon mein chhup kar rone lagatii hain

jaane tab kyon suuraj kii Khvaahish karte hain log
jab baarish mein sab diivaaren girney lagatii hain

tasviiron kaa rog bhii aakhir kaisaa hotaa hai
tanhaaii mein baat karo to bolane lagatii hain

saahil se takaraane vaalii vahashii maujen bhii
zindaa rehney kii khvaahish mein marne lagatii hain

tum kyaa jaano lafzon ke aazaar kii shiddat ko
yaaden tak sochon kii aag mein jalane lagtii hain

zaalim thaa vo aur zulm kii aadat bhii bahut thii
majabuur the ham us se muhabbat bhii bahut thii

us butt ke sitam sah ke dikhaa hii diyaa ham ne
go apanii tabiyat mein bagavat bhii bahut thii

vaaqif hii na thaa ramz-e-muhabbat se vo varnaa
dil ke liye thorii sii inaayat bhii bahut thii

yun hii nahiin mashhuur-e-zamaanaa meraa qaatil
us shaKhs ko is fun mein mahaarat bhii bahut thii

kyaa daur-e-Gazal thaa ke lahuu dil mein bahut thaa
aur dil ko lahuu karane kii fursat bhii bahut thii

har shaam sunaate the hasiinon ko Gazal ham
jab maal bahut thaa to saKhaavat bhii bahut thii

bulavaa ke ham 'Ajiz' ko pasheman bhii bahut hain
kyaa kiijiye kambaKht kii shoharat bhii bahut thii

khushhal say tum bhi lagtay ho, yon afsurda to ham bhi nahin
par janenay walay jantay hain , khush ham bhi nahin khush tum bhi nahin

tum apni khudi kay pehray main, or dam-e-ghoror main jakray hoaye
ham apnay zaam kay narghay main , ana hath hamaray pakray hoaye

ik muddat say ghaltan paychan, tum rabt-o-guraiz kay dharon main
ham apnay aap say uljhay hoaye, pachtaway kay angaron main

mahsor-e-talatum aaj bhi ho, go tum nay kinaray dhoond liaye
tofan say sanbhlay ham bhi nahin, kahnay ko saharay dhoond liaye

khamosh say tum ham mohar ba-lab, jug beet gaye tuk baat kiye
suno khail adhora chortay hain, bina chal chalay bina maat kiye

jo bhagtay bhagtay thak jain, wo saaye ruk bhi saktay hain
chalo torro qasam iqrar karain, ham donon jhuk bhi saktay hain..

Khulay panion main ghiree larkian
Naram lehroon ke chentay urati hoin
Bat be bat hansti hoin
Apnay khuabon k shehzaday ka tazkara karti hoin..
Jo khamosh thin un ki ankhon main bhe
muskurahat ki thehar thi
Humari hansi aur mojon ke ahang se bekhabar
door sahil per baithy hoe ik nanhi si bachi
Rait se ik nanha gharonda bananay main masroof
aur main sochti thi
Ya KHUDA yeh hum larkian
Kachi umer se khuab kion daikhna chahti hain?

Mohabbaton Ki Sazaa Dee Bay Misaal Usnay
Udaas Rehnay Ki Aadat Daal Dee Usnay

ose yaad kar ke na dil dukha, jo guzar gaya wo guzar gaya
kahan laut kar koi aye ga, jo guzar gaya wo guzar gaya
nayii subh hai naii sham hai naya shahar hai naya naam hai
woh chala gaya ose bhool jaa, jo guzar gaya wo guzar gaya
koii aye ga koii jaye ga koii jaye ga koii aye ga
suno raston ki sada suno, jo guzar gaya wo guzar gaya
tere pass tera habib hai, jo nahen mila wo naseeb hai
koii phool kehta hai muskura, jo guzar gaya wo guzar gaya
mujhe patt jharron ki kahaniyan na suna suna ke udas kar
naye mosamon ka pata bata, jo guzar gaya wo guzar gaya
yahan aitibar o yaqeen hai ye haqeeqaton ki zameen hai
zara dair ka koii khwab tha, jo guzar gaya wo guzar gaya

dard apanata hai paraae kaun
kaun sunataa hai aur sunaae kaun

kaun doharaae vo puraanii baat
Gam abhii soyaa hai jagaae kaun

vo jo apne hain kyaa vo apne hain
kaun dukh jhele aazamaae kaun

ab sukun hai to bhuulane mein hai
lekin us shakhs ko bhulaae kaun

aaj phir dil hai kuchh udaas udaas
dekhiye aaj yaad aae kaun

Khizan kay mousam sey gulaab maang raha hai
phir apney liye koi azab maang raha hai

Jaan mangta to mein zara taghaful na karta
magar woh mujh se mere khawab maang raha hai

Ataa kar k mere zeest ko hijr ki aziyatien
aur mujh se visaal-e-rut k hisaab maang raha hai

Khataien karna hi raha mashghala uss ka
mein kiya doon sila ussey woh sawab maang raha hai

Apni samjh mein uss ki guftagu bhi nahi aati
aur woh ankahey sawaloon kay jawab maang raha hai

Mujh ko apney wajood pe bhi dastaras nahi hasil
aur dil-e-nadan hai mehtaab maang raha hai

Koi zindagi se ghabra gaya iss qadar
kashti ka musafir hai aur gardaab maang raha hai

Tumhain Dil Say Bhulatay Hain Tu Aankhain Khoob Rooti Hain,
Dard Dil Main Jagatay Hain Tu Aankhain Khoob Rooti Hain..

Tumharay baad Chahat K Sabhi Punchi Uray Janaa,
Kahin Bhi Dil Lagatay Hain Tou Aankhain Khoob Rooti Hain..

Teri Tasweer, Adhooray Khat Tu Jala Diyey Hum Nay,
Ab Paani Pay Naqsh Banatay Hain Tu Aankhain Khoob Rooti Hain..

Ghata Aawargi Main Jab Siyah Choola Pehanti Hai,
Parinday Jab Satatay Hain Tou Aankhain Khoob Rooti Hain..

K Jab Bhi Shaam Dhalti Hai Meri Qismat K Sab Taray,
Falaq Par Jagmagatay Hain Tu Aankhain Khoob Rooti Hain..

Sard Tareek Raaton Main Siyah Sawan Ki Barish Main,
Dard Jab Muskuratay Hain Tu Aankhain Khoob Rooti Hain..

Sahil Ki Woh Mitti K Jis Pay Khud Hathoon Say,
Wafa Likh Kar Mitatay Hain Tou Aankhain Khoob Rooti hian..