Poetry

na tum mere na dil mera na jan-e-natavan meri
tasavur main bhi a sakti nahin majaburiyan meri
na tum aye na chain aya na maut ai shab-e-vada
dil-e-muztar tha main tha aur thi betabiyan meri
abas nadaniyon par aap apni naaz karte hain
abhi dekhi kahan hain aap ne nadaniyan meri
ye manzil ye haseen manzil jawani naam hai jis ka
yahan se aur aage barhna ae umr-e-rawaan meri..!

Afsaanon ki duniya mein sab jhoot nahin hota,
Dil aur bhi uljhay ga parrhiye na kitaabon ko..

Mene samandar se seekha hai jeeney ka saleeqa,
Chup chaap se behna, apni mauj mein rehnaa..

Itna hi yaad rakh mujhe
Jaise beetay dinon ki kisi kitab mai
Koi phool rakha ho
Rang urra urra sa ho
Par wo ajnabi na ho

Lena parrega ishq mein tark-e-wafaa se kaam,
Parhezz is marz main hai behter ilaaj se.

Aik ajeeb fikar kha rahi hai mujhe,
Apni hi awaaz aa rahi hai mujhe.