Love

Musalsal Sooch Main Rehna
Kisi Say Kuch Nahi Kahna
Kisi Gooshay Main Chup Kay
Khud Say Mehw-E-Guftgu Rehna

Achanak Dil Main Koe Metha Metha Dard Uthna
Bay Sabab Bay Cheen Ho Jana
Akelay Beth Kay Roona
Kaee Raatain Nahi Soona
Wo Pehron Bethay Bethay
Janay Kis Manzer Main Kho Jana
Kisi Aahat Kisi Bhi Chaap Say
Phir Choonk Si Perna
Meray Saaey Ay Bachana
Samnay Aanay Say Katrana

Suno Pagal Si Ae Larki
Kahi Or Ankahi Kay Dermiyan
Sooli Pay Latki Ho
Tumhain Maloom Hay Tum Jaan Kar
Manzil Say Bhatki Ho?
Yea Mana Tum Bohat Khuddar Ho
Per Yea Haqeeqat Hay
Ana Ik Had Tak Achi Hay
Magar Is Had Kay Aagay
Yea Mehaz Ik Khud Farebi Hay
Azeeyat Sah Rahi Ho Or Chup Ho
Kia Qiyamat Hay
Tum Akhir Kyun Nahi Kehtin
Tumhain Mujh Say Muhabbat Hay.

Subuk Subuk Say Naksh Thay
Saraapa Nazneen Thi
Tamam Lafz Bay Hunar
Wo Is Qadar Haseen Thi
Bohat Hi Dil Nasheen Thi
Wo Kon Mah Jabeen Thi

Wo Us Ki Chashm-E-Neem Wa
K Jab Kabhi Uthi Zara
Yea Kaeenat Tham Gaee
Main Deekhta Hi Rah Gea
Hayaat Ka Yaqeen Thi
Wo Kon Mah Jabeen Thi

Wo Aasma Ka Chand Thi
Zameen Pay Mera Rasta
Wo Kahkashan Ki Hamsafar
Hamara Kesa Wastaa
Mai Khaak, Wo Nageena Thi
Wo Kon Mah Jabeen Thi

Wo Kon Khush Naseeb Hay
Jo Lay Gea Hay Ghar Usay
Yea Zindagi Ka Kheel Hay
Koee Lutte, Koee Basay
Suna Khushi K Seaj Par
Wo Gham Ki Hum Nasheen Thi
Wo Kon Mah Jabeen Thi

Kaho To Loot Jatay
Abhi To Baat Lamhoun Tak Hay, Saalon Tak Nahi Aaee
Abhi Muskaanon Ki Nobat Bhi, Naalon Tak Nahi Aaee
Abi To Koi Majboori, Khyaalon Tak Nahi Aaee
Abhi To Gard Pairon Tak Hay, Baalon Tak Nahi Aaee
Kaho To Loot Jatay
Chalo Ik Faisla Karnay Shajar Ki Orh Jatay

Abhi Kaajal Ki Dorie, Surkh Gaalon Tak Nahi Aaee
Zabaan Daanton Talak Hay, Zehar Peyaalon Tak Nahi Aaee
Abhi To Mushk-E-Kastoori Ghazaalon Tak Nai Aaee
Abhi Roodaad-E-Bey Unwaan, Hamaray Dermeyan Hay
Dunyaa Waalon Tak Nahi Aaee, Kaho To Loot Jatay

Abhi Nazdeek Hain Ghar Or Manzel Door Hay Apni
Wo Baada Naar Ho Jaee Yea Hasti Noor Hay Apni
Kaho To Loot Jatay

Yea Rasta Peyaar Ka Rasta Rasam Ka Daar Ka Rasta
Bohat Dushwaar Hay Jaana
K Is Rastay Ka Har Zarra Bhi, Ik Kohsaar Hay Jana
Kaho To Loot Jatay
Maray Baaray Na Kuch Soocho, Mujhay Tay Karma Aata Hay
Rasam Ka Daar Ka Rasta ,
Yea Aasaibon Bhra Rasta,
Yea Andhi Ghaar Ka Rasta,
Tumhara Narm-O-Nazuk, Haath Ho Ger Meray Hathon Main
To Main Samjhon K Jasay Do Jahan Hain, Meri Muthi Main
Tumhara Qurb Ho To, Mushkilain Kafoor Ho Jaee
Yea Andhay Or Kaalay Raastay, Pur Noor Ho Jaee
Tumhaaray Gesoun Ki Chaaoun Mil Jaey,
To Suraj Say Ulajhna Baat Hi Kia Hay
Utha Lo Apna Saya Tum, Meri Ooqaat Hi Kia Hay
Maray Baaray Na Kuch Soocho, Tum Apni Baat Batlaoo
Kaho To Chaltay Rehtay Hain, Kaho To Loot Jatay Hain

Kaho To Loot Jatay Hain
Kaho To Chalte Rehte Hain

Kisay Khaber Hay Kahan Milain Gay
Damaktay Chehray Chamakti Aankhin
Samaatain Dhoondti Rahain Gee
Shugufta Lahjay Zaheen Aankhin

Yeahi Hay Rasm-E-Jahan Azeezo
K Chand Lamhoun Ko Hum Safar Ho
Na Phir Tumhari Hamain Khaber Ho
Na Phir Hamari Hamain Khaber Ho

Jo Youn Basar Ho To Koun Baser Ho
K Sar Pe Yaadoun Ka Ik Shajar Ho
Yeahi Shajar Go Ya Apna Ghar Ho
Yaheen Pe Shab Ho Yaheen Sahar Ho

Wo Shookh Zinda Diloun Ki Basti
Shareer Larkoon Ki Aik Toli
Wo Larkiyoun Ka Haseen Jumghat
Or Un Main Sab Say Numaya Larki

Jo Dil Main Yaksar Uter Gai Thi
Hiyaat Jasay Sawar Gai Thi
Kaha Tassavur Main Jis Ko Dulhan
Wo Khwab Main Rang Bhar Gai Thi

Bas Ik Tassadum Kay Baad Baahum
Qareeb Aatay Ga Ey Thay Hum Tum
Humain Khaber Hi Nahi Thi Humdum
Hamara Qissa Hay Qissa-E- Ghum

Jisay Muhabat Samajh Rahay Thay
Jisay Haqeeqat Samajh Rahay Thay
Wo Aik Waqti Si Doosti Thi
Jisay Rafaqat Samajh Rahay Thay



Magar Ye Sari Khyaali Baatain
Udass Batain Wabali Batain
Jahan Bhi Jaaoo Gi Khush Rahoo Ge
Hamara Kia Hay Banali Baatain

Hamari Baatoun Ki Baat Hi Kia
Jo Naarsa Ho Wo Haath Hi Kia
Hamara Sanjog Lamhay Bhar Ka
Jo Chott Jaaey Wo Saath Hi Kia

Chaloo K Sab Loog Muntazir Hain
Tumharay Maathay Sajaaen Teeka
Zara Hatheli Pe Ik Nazar Ho
Chamak Rahi Hay Aroos Rekha

Kabhi Hamara Khyaal Aaey
To Zair-E-Lab Naam Gungunana
Ajeeb Tha Wo Yea Dil Main Kahna
Or Aap Hi Aap Muskurana

MAIN ASI MUHABAT KARTA HOUN
NAKAM NAHI NASHAD NAHI
MAIN QAIS NAHI FARHAD NAHI
PUNNU BHI NAHI RANJHA BHI NAHI
WAMIQ BHI NAHI MIRZA BHI NAHI
WHO LOOG TO BAS AFSANA THAY
IS SHIDAT SAY BEGANA THAY
MAIN ZINDA AIK HAQEEQAT HOUN
SAR-TA-PAA JAZBA-E-ULFAT HOUN
MAIN TUM KO DEEKH KAY JEETA HOUN
HAR LAMHA TUM PE MERTA HOUN
MAIN ASI MUHABAT KARTA HOUN
TUM KASI MUHABAT KARTI HO?

TUM JAHAN PAY BEETH KAY JATAY HO
JIS CHEEZ KO HAATH LAGATAY HO
MAIN WAHI PE BETHA REHTA HOUN
US CHEEZ KO CHOOTA REHTA HOUN
MAIN ASI MUHABAT KARTA HOUN
TUM KASI MUHABAT KARTI HO?

TUM JIS SAY HAS KAR MILTAY HO
MAIN US KO DOOST BANATA HOUN
TUM JIS RASTAY PER CHALTAY HO
MAIN US SAY ATA JATA HOUN
MAIN ASI MUHABAT KARTA HOUN
TUM KASI MUHABAT KARTI HO?

TUM JIN KO DEEKH TAY RAHTAY HU
WO KHWAAB SIRHANAY RAKHTA HOUN
MAIN TUM SAY MILANAY JULNAY KAY
KITNAY HI BAHANAY RAKHTA HOUN
MAIN ASI MUHABAT KARTA HOUN

TUM KASI MUHABAT KARTI HO?

KUCH KHWAAB SAJA KAR AANKHON MAIN
PALKOUN SAY MOTI CHUNTA HOUN
KOI LAMS AGAR CHOO JAY TO
MAIN PEHRON TUM KO SOOCHTA HOUN
MAIN ASI MUHABAT KARTA HOUN
TUM KASI MUHABAT KARTI HO?

JIN LOGOUN MAIN TUM RAHTI HO
TUM JIS SAY BATIAN KARTI HO
JO TUM SAY HANS KAR MILTAY HAIN
JO TUM KO ACHAY LAGTAY HAIN
WOHI MUJH KO ACHAY LAGTAY HAIN
MAIN ASI MUHABAT KARTA HOUN
TUM KASI MUHABAT KARTI HO?

JIS BAGH MAIN SUBHA KO JATI HO
JIS SABZAY PER TUM CHALTI HO
JO SHAAKH TUMHAIN CHOO JATI HAY
JO KHUSHBOO TUM KO BHATI HAY
WO OOS TUMHARAY CHARAY PER
JO QATRA QATRA GIRTI HAY
WO TITLI CHOOR KAY PHOOLOUN KO
JO TUM SAY MILNAY AATI HAY
JO TUM KO CHOONAY AATI HAY
UN SAB KAY NAZUK JAZBOO MAIN
MERAY DIL KIA DHARKAN BASTI HAY
MERI ROOH BHI SHAMIL RAHTI HAY
TUM PASS RAHO YA DOOR RAHO
NAZROON MAIN SAMAI REHTI HO
MAIN TUM KO TAK TA REHTA HOUN
MAIN TUM KO SOOCH TA REHTA HOUN
MAIN ASI MUHABAT KARTA HOUN

TUM KASI MUHABAT KARTI HO?
JIS COLLEGE MAIN TUM PERHTI HO
MAIN US MAIN LECTURE DETA HOUN

WO CLASS JAHAN TUM HOTI HO
MAIN US KO TAKTA REHTA HOUN
JIS KURSI PER TUM BETHTI HO
MAIN US KO CHOTA REHTA HOUN
JO COPY TUM NAY GUM KI THI
MAIN APNAY BAG MAIN RAKHTA HOUN
GADLA SA AIK TISSUE PAPER
JO TUM NAY CLASS MAIN CHOORA THA
WO MERAY PARS MAIN REHTA HAY
WO MERAY LAMS MAIN REHTA HAY
WO CHANDI HAY Wo SONA HAY
WO UMBER HAY WO SANDAL HAY
WO KHUSHBOO KA AIK JUNGLE HAY

HAR MANZAR MAIN HAR RASTAY PER
MAIN SAATH TUMHARAY REHTA HOUN
MAIN CHASHM-E-TASSAVUR SAY AKSAR
BUS TUM KO DEEKHTA REHTA HOUN
BUS TUM KO SOOCHTA REHTA HOUN
MAIN ASI MUHABAT KARTA HOUN
TUM KASI MUHABAT KARTI HO?

BARISH KI YEA PEHLI BOONDAIN
KESA JADO KARTI HAIN
DIL SAY KHOON KAY QATRAY LAY KAR
MERI AANKHIN BHARTI HAIN
BARISH KAY IS DEEBACHAY SAY
KITNAY MANZER KHILTAY HAIN
KHWAAB SA AALAM, LAHJA MADHAM,
AANKHIN NUM NUM,BHEEGA MOUSAM,
PEHLI BARISH ,PEHLI KHWAHISH,
PEHLA JAZBA,PEHLA WAADA,
PEHLI KUSHBOO, PEHLA AANSOO
CHUP CHUP REHNA
SOOCH MAIN PERNA
JO BHI KAHNA TISHNA KAHNA
TOTA FIQRA , AADHA JUMLA
JALTI SANSAIN, THANDI AAHAIN
BOJHAL PULKAIN, SAAHIR AANKHIN
DHANI JORA,SABZ DOPATTA
LAMBE GAISU , QATIL KHUSHBOO
AIK PEHER MAIN ٫
AIK JUG BEETA
DONOO KAY DIL ZOOR SAY DHARKAY
BIJLI CHAMKI ,BADAL GARJA
DER KAY MUJH SAY LIPAT GAYEE TUM
MAIN NAY TUM KO ZOOR SAY THAMA
WASL KI IS PEHLI BARISH MAIN
KIA KUCH KHOYA, KIA KUCH PA YA
BARISH KI YEA PEHLI BOONDAIN
KESA JADU KARTI HAIN
DIL SAY KHOON SAY QATRAY LAY KAR
MERI AANKHIN BHARTI HAIN
BARISH KAY IS DEEBACHAY SAY
KITNAY MANZAR KHILTAY HAIN

MUHABAT KAY TASSAVUR KO AGAR TASVEER KARNA HAY
DHANAK SAY RaNG LAY LENA
SITAROUN SAY DaMAK LENA
SEHeR SAY ROOSHNI LENA
GULOUN SAY DILKASHI LENA
MUGHANNI BULBULON SAY NAGHMAGI LENA
ALA-S-SUBHA JAAG JANA
OOS KAY QATROUN SAY TUM
PAKIZGEE OR TAAZGEE LENA
SABAHAT HOOR SAY LENA
MALAHAT TUM MERAY MEHBOOB SAY LENA

MUHABAT KAY TASSAVUR KO AGAR TASVEER KARNA HAY
HAZAROUN BHEED WALAY
BAR-E-AAZEM KAY TAHAYUR KHAIZ KHITUN MAIN CHLAY JANA
BOHAT MAKHSOOS JUNGLE MAIN
QALANCHAY MARTAY AAHOUN KA RAM TASKHEER KAR LENA
OR US KAY NAAFA-E-MaGHZAN SIFT SAY
KUSHBOO-E-JADU ASAR LENA


MUHABAT KAY TASSAVUR KO AGAR TASVEER KARNA HAY
LAGAY JAB JUNGLON MAIN AAG
US AATISH KAY SHOLOUN SAY
GHAZAB KI TUM LAPAK LENA
SAMANDER SAY TAHHAAMUL, ZABT OR GEHRAEE LAY LENA
BAHAROUN SAY YEA KAHNA
APNI SHADABI TUMHAIN DAY DAIN

MUHABAT KAY TASSAVUR KO AGAR TASVEER KARNA HAY

KISI SAR-SABZ WADI MAIN
CHAMAKTI JHEEL PER JAB KALAY BAADAL JHOOM KAR CHAAEEN
HAWA RUK JAEEY
BARISH KI BOHAT NANNHI SI BAY HAD DILNASHEEN SHEHZAADIYAN
BOONDOUN KI NAZUK PAALKI MAIN JAB UTER AAEEN
TO YEA MANZER CHURA LENA

YEA SARAY RANG OR MANZAR TUM HARAY HAATH AAA JAAEEN
MAGER PHIR BHI ADHOORI SI TUMHAIN TASVEER LAGTI HO
MUHABAT KI AGAR YEA MOONA LIZA BAN NAHI PAA EE
TO PHIR IK KAAM TUM KARNA
MERAY TUTAY HUAY DIL KI
HAR IK KIRCHI UTHA LENA
YEA HI JOHAR TO US TASVEER MAIN
IK ROOH PHOONKAY GA
MUHABAT KAY TASSAVUR KO AGAR TASVEER KARNA HAY

MUHABAT KHUSH GUMAAN HAY

TUMAHARI ANGISHTERI KAY NUG MAIN
MERI MUHABAT CHAMAK RAHI HAY
AGAR KABHI YEA GUMAAN BHI GUZRAY
KAY MAIN TUMHAIN BHOOLNAY LAGA HOUN
TO IS NAGEENAY KO DEEKH LENA
MERI NIGAHOUN KI JAGMAGAHAT
TUMHARI AANKHOUN SAY YEA KAHAY GI
" SUNU MUHABAT TO KHUSH GUMAAN HAY "

AGAR KOI BUGhZ-E-DIL KA MARA
NAZAR SAY TOTA HUA SITARA
TUMHARAY SEENY MAIN WASWASOON KAY
KASEELAY KHANJAR UTAARTA HO
KEY WO' JO DIL PHAINK-O-BAYWAFA HO
KAY WO' JO PERDAIS JA BASA HAY
TUMHAIN BHANWAR BEECH CHOOR DAY GA
WAFA KAY SAB QOOL TOOR DAY GA

TO IS SAY PEHLAY KAY RO PERO TUM
TO IS SAY PEHLAY KAY JAL BUJHO TUM
TO IS SAY PEHLAY KAY YEA KAHO TUM
WO EHD-O-PEMAAN SAB GELAT THAY
WAFA KAY UNWAAN SAB GLAT THAY
SEHAR KAY IMKAAN SAB GELAT THAY
TUM APNI ANGISHT-E-DILRUBA PER
GULAAB CHEHRA JHUKA KAY KAHNA


" SUNO WO SUCH MUCH HI BAY WAFA HAY "

TUMHARA ROOTA SAWAL SUN KAR
YEA SHOOKH NAG MUSKARA PERAY GA
MUHABBATON KAY SAFEER BAN KAY
YEA SURKH NAG OR HASEEN ANGOOTHI
MERI NUMAENDAGI KARAIN GAY
TUMHARAY CHAHRAY SAY CHHER KAR KAY
TUMAHARI AANKHOUN KAY RANG PARHTY
TUMARAY BAALON PE HAATH RAKH KAY
TUMHARAY GAALON KO THAPTHAPA KAY
HASEEN ANGISHTERI KAHAY GE
" SUNO MUHABAT TO KHUSH GUMAAN HAY "

Ishq Tujhse Karta Hun,
Main Zindagi Se Zyada
Main Darta Nahi Maut Se
Teri Judai Se Zyada,
Chahe Tu Aazma le Mujhe,
Kisi Aur Se Zyada,
Meri Zindagi Me Kuch Nahi Teri Muhabbat Se Zyada