Ae mere hamnasheen chal kaheen aur chal,

Ae mere hamnasheen chal kaheen aur chal,
iss chaman mein ab apna guzara nahin.

baat hoti gulon tak tou sehlete hum,
ab tou kaanton pe bhi haq hamara nahin.

jab gulistan ko khoon ki zarorat padi
sab se pehle hamari hee gardan kati,
phir bhi kehte hain humse ye ahle chaman
ye hamara chaman hai tumhara nahin.

aaj aaye ho aur kal chale jaoge
yeh muhabbat ko meri gawara nahin,

umr bhar kaa sahara bano tou bano
chaar din kaa sahara sahara nahin...