Search

Hawa Thami Thi Zaroor Lekin
Wo Shaam Jesy Sisak Rahi Thi
K Zard Patton Ko Aandhiyun Ne Ajeeb Qissa Suna Dia Tha
K Jis Ko Sun Kar Tamam Pattay
Sisak Rahe The
Bilak Rahe The
Jane Kis Sanihay K Ghum Main
Shajar Jaron Se Ukhar Chuke The……
Bohat talash kia tha Hum Ne Tumko
Har Aik Rasta, Har Aik Waadi
Har Aik Parbat, Har Aik Ghaati
Kahin Se Teri Khabar Na Ayi
To Ye Keh K Hum Ne Dil Ko Tala
Hawa Thamay Gi To Dekh Lain Ge
Hum Us K Raston Ko Dhoond Lain Ge
Magar Hamari Ye Khush Khayali
Jo Hum Ko Barbaad Kar Gae Thi…
Hawa Thami Thi Zaroor Lekin
Bari Hi Muddat Guzar Chuki Thi
Hamare Balon K Jungalon Main
Safaid Chaandi Utar Chuki Thi
Falak Pe Taray Nahi Rahe The
Gulaab Pyare Nahi Rahe The
Wo Jin Se Basti Thi Dil Ki Basti
Wo Loog Saare Nahi Rahe The
Ye Almiya Sab Se Baalatar Tha
K Hum Tumhare Nahi Rahe The
K Tum Hamare Nahi Rahy the
Hawa Thami Thi Zaroor Lekin
Bari Hi Muddat Guzar Chuki Thi...!

Tum se Meri Baat Hoti Thi
Tum ne Mujh Ko Samjhaya Tha Apni Zaat Se Bahir Niklo
Ghar Ko Louto Ghar Ko Dekho
Aur Bhi Log Tumhare Dum Se Zinda Hain
Tum Main Apni Saari Khushiyan Dekh Rahe Hain
Soch Lia Hai Laut Aya Hoon Lekin
Mere Andar Koi Toot Gaya Hai...!

ye jo tum lafz likhte ho
ye jo tum harf buntay ho
youn he benaam jazboon ko
haseen ik rang dete ho
teh-e-hai dil main chupi batein
jisse tum youn sunate ho
yeh kiss k naam karte ho?
bhala woh koun hai janaa?
jo youn neendain churati hai?
rug o jan main utarti hai
tumhare dil main basti hai
bhala wo husn ka paikar
zara humko bhi dikhao
bhala wo koun hai humdam...?
bhala wo koun hai humdam...?


MAIN SUN KAR SABHI YE BATEIN
bohat dhere se hansta tha
ussay bechain karta tha
main usko youn satata tha
main kehta tha.......

main bataoon ga
jab uska waqt aaye ga
abhi kuch dair baki hai


WO KEHTI THI
mujhe ye khauf hai janaa...
kahin tum dair na kardo!

MUJHE YE MAAN THA KHUD PER
k behte waqt ka dhara
main uss muthi main bhar loon ga

MAGAR SHAYAD!
ussay janay ki jaldi thi
k iqrar-e-wafa k din
wo chanchal shokh si larki
aur uske jhilmilate nain
manno matti main ja soye.......


MAIN USKO DHOONDHTA HOON AB
main khud ko rulata hoon ab
assay kaisay bataoon sab
k main jo lafz likhta tha
k main jo harf bunta tha
ussi k naam karta tha

MAIN KAISE KAHON YE AB

k haan janaa..!
tumhain jo khauf lahaq tha
wo to ho giya mujhse
meri khali hai muthi ab
haan maine dair kar di hai
bohat he dair kar di hai...!

Wo khayal tha koi dhanak numa ya koi aks tha merey rubaru
jo mujhey har taraf sey tu laga, woh tu hi tha ya koi hu bahu

bayaan mein thi wo chaashni ke mehak raha tha harf harf
jesey khushbuon ki zubaan meiN koi kar raha ho guftagu

nahi kuch khabar ke kis gharri terey raastoN ka sira miley
terey naqsh-e-pa ki talaash meiN lagi to hey meri justuju

bas deikhna hey kis terha wo ji raha hey merey baghair
yun to dil mein hey wo aaj bhi jisey dhoondta hoon ko ba ko

yeh yaad tha ke duwa karoon par uthay rahey merey haath yun
jese khowishon ke hajoom mein kaheen kho gayi teri aarzu...!

woh humsafar tha magar us say ham nawahi na thi
ke dhoop chaoun ka aalam raha,judaai na thi

na apna ranj na auroN ka dukh,na tera malal
sHab-e-firaq kabhi hum nay youn ganwayi na thi

mohabbatoN ka safar es tarha bhi guzra tha
sHikasta dil thay musaafir sHikasta paayi na thi

adawataiN thiN,tagHaful tha,ranjisHeiN thiN
bicHaRnay walay maiN sab kucH tha,bewafaayi na thi

bichartay waqt un aankhoN maiN thi humari gHazal
gHazal bhi woh jo kisi ko abhi sunayi na thi

kabhi yeh haal k donoN maiN yakdili thi bohat
kabhi yeh marhala jaisay k ashanie na thi

ajeeb hoti hay rah-e-sukHan bhi dekh Naseer
wahaN bhi aa gaye akHir jahaN rasayi na thi....!

Baat thi Mohabbat ki,
Umer Bhar ki Chahat ki,

Bheer main zamane ki,
Sath Sath Chalna Tha,

Imtehan Bhi Aney Thy,
Zindagi k Sab He Pal,

Sath Hi Bitane Thy,
Jane Us Ne Kia Socha,

Aik Pal Main Hi Us Ne Baat Khatam kar Dali,
Zindagi Jo Puri Thi,

Wo Adhuri Kar Dali,
Kon Us ko Samjhaye,

Mohabatoon k Mausam Bhi,
Roz To Nahi Atey,

Zindagi Main Apnon ko,
Choar To Nahi Jatey...!

Baat thi Mohabbat ki,
Umer Bhar ki Chahat ki,

Bheer main zamane ki,
Sath Sath Chalna Tha,

Imtehan Bhi Aney Thy,
Zindagi k Sab He Pal,

Sath Hi Bitane Thy,
Jane Us Ne Kia Socha,

Aik Pal Main Hi Us Ne Baat Khatam kar Dali,
Zindagi Jo Puri Thi,

Wo Adhuri Kar Dali,
Kon Us ko Samjhaye,

Mohabatoon k Mausam Bhi,
Roz To Nahi Atey,

Zindagi Main Apnon ko,
Choar To Nahi Jatey...!

Kaise Neend Thi Apni
Kesay Khowab Thay Apnay
Or Ab Gulabon Per
Neend Wali Aankhoon Per
Naram Say Khowaboo Per
Kyun Azaab Totay Hain
Tum Say Kuch Nahi Kehna

Ghir Gaye Hain Ratoon Main
Be Lebaas Batoon Main
es Tarah Ki Ratoon main
Kab Charag Jaltay Hain
Kab Azaab Taltay Hain
Ab Tu In Azabon Say
Bach K Bhi Nikalnay Ka
Rasta Nahi Jana !
Jis Tarah Tum Ko Bhi
La Zawaal Lamhoo Say
Wasta Nahi Jana !
Ham Nay Soch Rakha Hai
Tum Say Kuch Nahi Kehna...!

Leke Maazi Ko Jo Haal Aaya To Dil Kaanp Gaya
Jab Kabhi Unaka Khayal Aaya To Dil Kaanp Gaya

Aisa Tora Tha Mohabbat Main Kisi Ne Dil Ko
Jab Kisi Shishe Main Baal Aaya To Dil Kaanp Gaya

Sar Bulandi Pe To Maghroor The Ham Bhi Lekin
Charhtay Suraj Pe Zawaal Aaya To Dil Kaanp Gaya

Nazar Uthne Hi Waali Thi Kisi Ki Jaanib
Apni Beti Ka Khayaal Aaya To Dil Kaanp Gaya...!