Search

neelay libas main janne wo kia lag rahi thi
Chand ne kaha apsara lag rahi thi

badal ne kaha ghata lag rahi thi
Dhanak ne kaha qos-e-qaza lag rahi thi

Sitaroon ne kaha roshni lag rahi thi
pholoon ne kaha kali lag rahi thi

Falak ne kaha Asman lag rahi thi
raat ne kaha kehkashan lag rahi thi

sagir ne kaha bhanwar lag rahi thi
suraj ne kaha saher lag rahi thi

shabnam ne kaha ghulab lag rahi thi
chandni ne kaha mahtab lag rahi thi

hawa ne kaha ehsas lag rahi thi
sham ne kaha khush libas lag rahi thi

subha ne kaha bad-e-saba lag rahi thi
neelay libas main janne wo kia lag rahi thi....

tasawar hi tasawar main jab sochta hoon
main jaa ke wahan pohanchta hoon

hathoon pe hina bhi sajaye hoi hai
lagta hai koi pari ayi hoi hai

wo sitaroon main mahtab lag rahi hai
pholoon main jaisay ghulab lag rahi hai

wo sab se juda aur haseen lag rahi hai
khayaloon main mairay mah jabeen lag rahi hai

janne kab tasawar ke angan se lout ata hoon
Aur neend ki wadi main puhanch jata hoon....!

Seeny se laga k kaha kerti thi maa mujh ko
to laal hai na sata mujh ko
pachtaye ga ik din jab main chali jaun gi
na chahty hue bhi akela choar jaun gi
zamana dikhaye ga garmi ki shiddat tujh ko
yaad kerke roye ga tu phir mujh ko
mudat se meri maa ne seeny se nahin lagaya
ab so gayi khaak main jab kuch kehny ka waqt aya...!

Kal halki halki barish thi
Kal sard hawa ka raqs bhi tha

Kal phool bhi nikhray nikhray thay
Kal un pe aap ka aks bhi tha

Kal baadal kaalay gehray thay
Kal chand pay lakhon pahray thay

Kuch tukray aap ki yaad kay
Bari dair say dil main thehray thay

Kal yaadain uljhi uljhi thin
Aur kal tak yeh na suljhi thin

Kal yaad bohut tum aye thay
Kal yaad bohut tum aye thay...!

Mujhe aksr ye kehti thi.
K itni baar kehte ho.
Mujhe tum se mohabbat hay.
K ab dil par.
Ye sunnay se.
Asar koi nhi hota.
Magr.
Jab aaj danista.
Nhi bola usay mene.
Mujhe tum se mohabbat hay.
To us ki aankh bhar ayi...!

Na koi khawab na koi saheli thi
us mohabbat mein main akeli thi
ishq main tum kahaan kay sachay the
jo aziyat thi woh hum ne jhaili thi
yaad ab kuch nahiin raha laiken
ik dariya tha ya haveli thi
jis nay uljha kay rakh diya dil ko
woh mohabbat thi ya paheli thi
mein zara si bhi kam wafa karti
tum ne tu meri jan le li thi
waqt kay sanp kha gay usko
meray aangan main ik chanbeli thi
us shab-e-ghum main kis ko batlaon
kitni roshan meri hatheli thi...!

Dil Lagi Thi Usy Hum Se Mohabbat Kab Thi
Mehfil-e-Gair Se Sitamgar Ko Fursat Kab Thi

Hum Thy Mohabbat Mein Lut Jane Ke Qaayil
Hamari Khatir Kisi Ko Chornay Ki Us Mein Himmat Kab Thi

Wo Tu Waqt Guzarnay Ke Liye Karta Tha Pyar Ki Baatain
Warna Meri Khatir Us Ke Dil Mein Chahat Kab Thi

Bohut Roka Phir Bhi Nikl Aaye Kambakht Aansu
Warna Bazm-e-Yaar Mein Ansu Bahanay Ki Ijazat Kab Thi...!

Khuwaab Me Aa ker Wo Meri Neend Uraati Thi Bahut,
Her Ghari Wo Dekh kar Muskurati Thi Bahut,

Choar Hi Dena Pada Ghabra kar Us k Shaher Ko,
Yaad Uski Raat Din Mujh ko Rulati Thi Bahut,

Apni Baahon Me Jab Jakar Leti The Ranj o Alam,
Aa k Ek Andaaz Me Mujh ko Hansati Thi Bahut,

Apne Dil Ki Baat Wo Mujhse Kabhi Kehti Na Thi,
Dusron K Pyaar Ke Qissey Sunati Thi Bahut,

Chahti Thi Sirf Meri Hi Nazar Us per Parey,
Ghair Ki Nazron Se Wo Khud Ko Bachati Thi Bahut,

Din To Kat Jata Tha Mera Doston Ke Saath Mein,
Raat Me Lekin Wo Mujh ko Yaad Aati Thi Bahut...!

Main aiyna tha, woh mera khayal rakhti thi,
Main toot-ta tha to chun kar sambhaal rakhti thi..

Har aik maslay ka hal nikal rakhti thi,
Zaheen thi, mujhay hairat main daal rakhti thi..

Main jab bhi tark-e-taluq ki baat karta tha
Woh rokti thi mujhay, kal pay taal rakhti thi..

Woh mere dard ko chunti thi apni pooron say,
Woh mere wastay khud ko nidhal rakhti thi..

Woh dobnay nahi daiti thi dukh kay darya main,
Mairay wajood ki naow uchaal rakhti thi..

Duain us ki balaoon ko rook laiti thin,
Woh mere chaar so hathon ki dhaal rakhti thi.

Ik aisi dhun kay nahi phir kabhi main nay suni,
Woh munfarid sa hansi main kamal rakhti thi..

Usay nadamatain mairi kahan gawara thin
Woh mairay wastay asaan sawal rakhti thi
.
Bichar kay uss say main dunya ki thokaron mein hon Mohsin,
Woh pass thi tau mujhay lazawaal rakhti thi...!