Search

Muhabat bhi teri thi
wo nafrat bhe teri thi
wo apnanay or thukranay ki ada bhi teri thi
main apni wafa ka insaf kis sy mangta
wo shehr bhe tera tha wo adalat bhe teri thi....!

tum say pehlay bhi muhabbat to mujhay thi lekin
aisi muunh zor na thi
jo meri rooh men tehleel hui jati hai
daurti hai jo meray jism men lahu bun kar
din ba din chheen rahi hai jo mujhay khud mujh say
din ba din sonp rahi hai jo mujhay bus tum ko
dekhnay deti nhi aur kisi simt mujhay
sochnay deti nhi aur koi baat mujhay
dharkanen aik he tasbeeh kiay jati hain
dil ki haalat yeh meri jaan kisi taur na thi
tum say pehlay bhi muhabbat to mujhay thi lekin
aisi muunh zor na thi

Jab ban gaya aasman, samander
Saahil pay buss aik shab guzari

Es baar na bach sakay gi shayad
Chahat ko laga hai zakham kaari

Wo janti thi ke wafa ka ajar nahi hota
Muhabbaton main sabar ka samar nahi hota
Wo janti thi
Muhabbat dukhon ka sehra hai
Jahan saraab si khushiyan hain
Aur azaab se gham
Jahan hai pyaas judaii ki be'tahasha magar
Milan ki barishein hoti hain jis dayar main kam
Wo janti thi
Muhabbat khiraaj mangti hai
Wo jis ko dil ka lahoo de ke jagmagaya ho
Andheri raah ke liye wo cheragh mangti hai
Wo janti thi
Muhabbat wo reh'guzar hai jahan
Bichay hain kanch judaii ke be'shumar magar
Burhana pa hi inhein paar karna paRta hai
Ghamon ki dhoop main ab sayebaan koi na ho
Kisi yaad ki chaadar ko taan kar khud par
Tammam aahein daba kar guzarna paRta hai
Wo janti thi ke wafa ka ajar nahi hota
Mohabbat main sabar ka samar nahi hota
Hij'r ki raah main hoti hai be'tahasha ghutan
Wahan kabhi bhi hawa ka guzar nahi hota
Wo janti thi phir bhi rog le bethi
Kisi ke pyaar main na jaane kyun jog le bethi

ZaKhm-E-Tanhai mein khushbu-e-Hina kis ki thi
Saya Deewar pr mera tha sada kis ki thi

Uss ki raftar sy lipti rahien Aankhein meri
Uss ny murr kr bhi na dekha wafa kis ki thi

Ansoon sy hi bhar gaya daaman mera
Hath to main ny uthaye thy Dua kis ki thi

Meri aankhon ki zuban koi samjhta kesy
Zindagi itni dukhi mery siwa kis ki thi

Aag sy dosti uss ki thi jala ghar mera
Dey gaya kis ko saza aur khataa kis ki thi.

Kal chodween ki raat thi, shab bhar raha charcha tera
Kuch ne kaha yeh chand hai, kuch ne kaha chehra tera

Hum bhi wahin mojood the, hum se bhi sub ne poocha
Hum huns diye hum chup rahe, manzoor tha parda tera

es sheher mein kis se milein? Hum se to choote mehfilein
Her shakhs tera naam le, her shakhs deewana tera

Kooche ko tere chor ker jogi hi ban jaein magar
Jungal tere, parbat tere, basti teri, sehra tera

Hum or rasm-e-bandagi? aashuftagi? uftadgi?
Ehsan hai kia kia tera? Ay husn-e-be parwah tera

Wo ashk jane kis liye, palkon pe aa ker tik gaye
Altaaf ki barish teri, ikraam ka darya tera

Hum per yeh sakhti ki nazar? Hum hain faqeer-e-rahguzar
Rasta kabhi roka tera? Daman kabhi thama tera?

Be dard sunani ho to chal, kia achi kehta hai ghazal
Aashiq tera, ruswa tera, shair tera, Insha tera

Ajeeb hijar parasti thi us ki fitrat mai
Shajar k tutay pattay talash karta tha

tamam raat wo parday hata k chand k sath
Jo kho gaye wo lamhe talash karta tha

Duaen karta tha ujray hue mazaron per
Barray ajeeb saharay talash karta tha

Mujhay to aj btaya hai badlon ne faraz
Wo lot aanay k rastay talash karta tha.

Jo Kuch Din Baat Ho Jaati


Manany … Rooth Janay Ka
Agar Ye Silsila Rehta !!!!


To Phir Jana !!
Muhabbat Ho Bhi Sakti Thi ….!!!

mujhay aksar woh kehti thi mohabbat kuch nahi hoti
hijr ka khauf be matlab vasl k khawab be maani
koi soorat nigahon main kahan din raat rehti hay
usay kyun khamoshi kahiye k jis main baat rehti hay
yeh aansoo be zuban aansoo bhala kia bol saktay hain
kahan dil main kisi ki yaad se toofaan uthtay hain
kahan palkon k saaye main nami din raat rehti hay
kahan hoti hain woh aankhain jahan barsaat rehti hay
mujhay aksar woh kehti thi mohabbat kuch nahi hoti
magar jab aaj barson baad main ne us ko dekha hay
k us ki jheel aankhon main hijr ka khauf rehta hay
vasl k khawab rehte hain wahan barsaat rehti hay
yun lagta hay kayee raaton se woh soyee nahi shayad
yun lagta hay kisi ki yaad ab din raat rehti hay
or us ki narm palkon k haseen saye bhi geelay hain
or us ki khamoshi aisi k jis main baat rehti hay
mujhay ab woh nahi kehti mohabbat kuch nahi hoti
keh ab shayad mohabbat ki woh sab ramzain samajhti hay

mujhay aksar woh kehti thi mohabbat kuch nahi hoti
hijr ka khauf be matlab vasl k khawab be maani
koi soorat nigahon main kahan din raat rehti hay
usay kyun khamoshi kahiye k jis main baat rehti hay
yeh aansoo be zuban aansoo bhala kia bol saktay hain
kahan dil main kisi ki yaad se toofaan uthtay hain
kahan palkon k saaye main nami din raat rehti hay
kahan hoti hain woh aankhain jahan barsaat rehti hay
mujhay aksar woh kehti thi mohabbat kuch nahi hoti
magar jab aaj barson baad main ne us ko dekha hay
k us ki jheel aankhon main hijr ka khauf rehta hay
vasl k khawab rehte hain wahan barsaat rehti hay
yun lagta hay kayee raaton se woh soyee nahi shayad
yun lagta hay kisi ki yaad ab din raat rehti hay
or us ki narm palkon k haseen saye bhi geelay hain
or us ki khamoshi aisi k jis main baat rehti hay
mujhay ab woh nahi kehti mohabbat kuch nahi hoti
keh ab shayad mohabbat ki woh sab ramzain samajhti hay