Search

Nazar Main Zulmat, Badan Main Thandak, Jamaal Kitna Ajeeb Sa Tha
Main Us Ki Chahat Main Ghar Say Nikla, Tu Haal Kitna Ajeeb Sa Tha

Na Main Nay Us Ko Khatoot Likhay, Na Us Nay Meri Panah Chahi
Dono Ko Apni Be Khudi Pay, Malaal Kitna Ajeeb Sa Tha

Wo Meri Raaton Main Chand Dekhay, Main Apni Raaton Main Us Ko Socho
Badaltay Lamhon Main Soch Ka Ye Wisaal Kitna Ajeeb Sa Tha

Ye Zeest Tanha Hi Kaat Lo Gay, Jo Main Nay Pucha To Ro Dia Wo
Jawab Kitna Ajeeb Sa Tha, Sawal Kitna Ajeeb Sa Tha

ye jo bikhra bikhra sa shaks hai
Wo gumaan gumaan sa Qayaas sa
kbhi door sa … kbhi paas sa
kbhi chandni main chupa hua
kbhi khushbuon main basa hua
kbhi sirf uski shabahatein
kbhi sirf uski hikayatein
kbhi sirf milne k silsile
kbhi sirf us se hain faasle
kbhi door chalti hawaon main
kbhi minha barasti ghataon main
kbhi bad-gumaan … kbhi meherbaan
kbhi dhoop hai … kbhi sayebaan

kbhi band dil ki kitaab main
kbhi lab kushan wo khwab main
kbhi yun k jaise sawal ho
kbhi yun k jaise jawab ho
kbhi dekhne k hain silsile
kbhi sochne k hain marhalay
kbhi sirf rang-e-bahaar sa
kbhi sirf ek ghubaar sa

kbhi dastaras k qareeb qareeb

kbhi door … paas … kahin nahi

ye jo ukhra ukhra sa shaks hai

ye jo bikhra bikhra sa shaks hai

Zamanay Bhar Ke Nigahon Main Jo Khuda Sa Lagay
Wo Ajnabi Hay Mager Mujh Ko Aashna Sa Lagay

Na Janay Kab Meri Dunya Main Muskuraye Ga
Wo Ak Shaks Kh Khuwabon Main Bhi Khafa Sa Lagay

Ajeeb Cheez Hay Yaaron Yeh Manzilon Ki Hawas
Keh Rehzan Bhi Musafir Ko Reh-Numa Sa Lagay

Dil Tabah ! Tera Mashwara Kia Kh Mujhay
Wo Phool Rang Sitara Bhi Be Wafa Sa Lagay

Hoti Hay Jis Say Munawar Har Ak Aankh Ki Jheel
Wo Chaand Aaj Bhi Mohsin Ko Kam-numa Sa Lagay

Aik larka pagal pagal sa
or thora sa dewana bhi

Kuch logon say woh door bhi tha
or thora sa majboor bhi tha

woh jazbon ka shehzor bhi tha
per dil uska kamzor bhi tha

or dil bhi jaisay sheesha ho
bus sheesha chakna choor hoa

woh larka bohot ranjoor hoa
woh gham say thak kar choor hoa

phir woh bohat hi toot gaya
woh apnay aap say rooth gaya

ab woh chup chup rehta hay
kuch sunta hay na kehta hay

bus kamray mein band rehta hay
or nazmain likhta rehta hay

liye aas kay jugnoo daman mein
woh dekhay taaray aangan mein


ab ro ro duayen karta hay
har roz yeh rab say kehta hay


bus lambi hoi tamheed bohat
hay usko rab say umeed bohat

ke jald gham uskay dhull jaayn gay
yeh din buray bhi tull Jayen gay....

Aik Chota Sa Larka Tha Main Jin Dinon
Aik Mailay Main Puhncha Humakta Hoa
Jee Machalta Tha Aik Aik Shay Per Magar,
Jaib Khali Thi Kuch Mol Lay Na Saka
Laut Aya Liye Hasratain Sainkron
Aik Chota Sa Larka Tha Main Jin Dinon

Khair Mehroomion K Wo Din Tu Gaey,
Aaj Maila Laga Hay Ussi Shaan Say
Aaj Chahon Tu Ik Ik Dukaan Mol Lon
Aaj Chahon Tu Sara Jahan Mol Lon
Naa Rasai Ka Ab Jee Main Dharka Kahan?
Per Wo Chota Sa Nanha Sa Larka Kahan??

Mujh Se Khafa Ho Ke Chup Chaap Sa Beth Jata Hai
Khud Bhi Jalta Hai Mujhey Bhi Saath Jalata Hai

Us Ko Manatey Hoye Mein Khud Hi Rooth Jaon To
Phir Merey Paas Aa Ke Raat Bhar Mujhey Manata Hai

Khud Hi Sawal Kar Ke Khud Hi Jawab Deta Hai
Phir Merey Seeney Se Lag Ke Khud Hi Gungunata Hai

Us Ek Pal Ke Sadqe Mein Meri To Her Khushi Qurbaan
Jab Wo Sher Kehtey Hoye Dheerey Se Muskurata Hai

Meri Yaad Ke Mausam Ko Palkon Pe Sajaye Rakhta Hai
Beetey Hoye Her Pal Ki Khabar Mil Kar Mujhey Batata Hai

Merey Bagher Kesey Guzri Us Ki Kal Ki Raat
Us Ki Aankh Ka Phela Kajal Saari Kahani Sunata Hai

Is Shehar Ke Sawan Mein Barish Ki Raat Jab Aati Hai
Be Ikhtiyaar Hi Ek Shakhs Yaad Bohut Aa Jata Hai

Mein Us Ke Naam Ki Nisbat Se Mooatbar Hun Apni Zaat Mein
Merey Khayal Ka Her Ek Saaz Geet Usi Ke Gata Ha