Search

Raat chup hai magar chand khamosh nahi,
Kaise kahoon aaj phir hosh nahin,
Is tarah dooba hoon teri mohabbat ki gahrai mein,
Hath mein jaam hai aur peena ka hosh nahin.

Uss Shakhs sy Jab tak Koi bat nahin Hoti

Din nahin nikalta aur Raat nahin Hoti

Na Khafa hua karey Woh,Ussey Kehna

Bina Uss k mukamal Meri Zaat nahin Hoti !

Masrof hain wo din raat unhain waqt kahan hai.

Wo hm se krain bat unhain waqt kahan hai.

Betabi-e-dil ka unhain andaza kahan.

Wo samjhain mera jazbat unhain waqt kahan hai.

Bholay se he wo pochne a jaein mera haal.

Aaa gardish-e-halaat unhain waqt kahan hai.

Es dil main sulagty howa sholon ko wo dakhain.

Aaa waqt-e-mulaqat unhain waqt kahan.

Moujoon main tarapta hwa main doob raha houn

Thaamen wo mera hath unhein waqt kahan hai.

Andheri raat men shama jalana bhul jate ho
Hamari yaad aati hai bhulana bhul jate ho

hamen maloom hota hai hamaray qurb men aa kar
jo tanhai men beeti hai batana bhul jate ho

tumhari ik yehi aadat pareshan hum ko rakhti hai
nazar men aa tou jatey ho samana bhul jate ho

tumhare hath men aksar gulaabi phool dekhy han
hamri rah men aksar bichana bhul jate ho

tumhen to loat janey ki hi aksar fiker rahti hai
Mgr jab loat jatey ho to aana bhul jate ho

suna hai tum hatheli per hamara naam likhte ho
mgr jab hum se milty ho dikhana bhul jate ho

Aaj Ki Raat B Guzri Hai Meri Kal Ki Tarah
Hath Aye Na Sitare Tere Aanchal Ki Tarah

Raat Jalti Hoi Ik Aisi Chita Hai Jis Par
Teri Yadein Hain Sulagte Huwe Sandal Ki Tarah


Tu B Dariya Hai Magar Meri Tarah Pyasa Hai
Mei Tere Paas Chala Aonga Badal Ki Tarah


Mei Hon Ik Khuwab Magar Jagti Aankhon Ka "Ameer"
Aaj B Log Gava'n De Na Mujhe Kal Ki Tarah.......

,

Raat Din Hijar Ki Wehshat Bhi Nahi Rakhni Hai,
Kisi Se Ab Itni Muhabbat Bhi Nahi Rakhni Hai,

Jis Ka Ji Chahay Humein Torr K Tukray Karday,
Is Qadar Narm Tabiyaat Bhi Nahi Rakhni Hai,

Ek Do Saal K Rishton Se Humein Kya Haasil,
Ek Do Pal Ki Rafaqat Bhi Nahi Rakhni Hai,

Jinse Bicharen To Sambhalny Me Zamany Lag Jaen,
Aise Logon Se Muraw’wat Bhi Nahi Rakhni Hai,

Kiya Ajab Haal Hai Chahat K Talabgaron Ka,
Shoq Biknay Ka Hai Qeemat Bhi Nahi Rakhni Hai,

Kal Raat Jane Kiya Hua
Kuch Der Pehle Neend se

Kuch Ashk Milne Agaye
Kuch Khuwab Bhi Toote Hue
Kuch Log bhi Bhoole Hue

Kuch Rasta Bhatakti Huin
Kuch Gard mein Lipti Huin
Kuch Khoul mein Simti Huin

Be Rabt si Sochain Kayee
Bhooli hoi Baatain Kayee
Ik Shakhs ki Yadain Kayee

Phir Der tak Jagti Rahi
Socho Mein Gum Bethi Rahi
Ungli se Thande Farsh Per
Ik Naam Hi Likhti Rahi

Kal Raat Bhi wo Raat Thi
Kuch Der Pehle Neend se
Mein Der Tak Roti Rahi

Lipti Rahi Wajood Se Khushbu Tmam Raat
Aata Raha Hai Yaad Mujhe Tu Tmam Raat..

Us Ne Bary Khuloos Se Mangi Thi Roshni
Girtay Rahy Mkaan Pe Jugnu Tmam Raat..

Rota Rha Wo Aap He Apne Naseeb Per
Apne Galay Mein Daal K Baazu Tmam Raat..

Fursat Na Thi Tabeeb Ko Apne Hi Kaam Se
Peetay Rahy Mreez Bhi Aansu Tmam Raat..!

Baat Din Ki Nahi, Ab Raat Se Darr Lagta Hai
Ghar Hai Kacha Mera, Barsaat Se Dar Lagta Hai

Tere Tohfay Ne To Bas Khoon Ke Aansoo Hi Diye
Zindagi Ab Teri Saughaat Se Dar Lagta Hai

Pyaar Ko Chor Ker Tum Aur Koi Baat Karo
Ab Mujhay Pyaar Ki Har Baat Se Dar Lagta Hai

Meri Khaatir Na Wo Bandnaam Kahein Ho Jaein
Iss Liye Unn Ki Mulaqaat Se Dar Lagta Hai