Search

kisi ko yu toot k chahen ge socha na tha,
apne bhi gulshan mein faqat yaadon k gul reh jayengen socha na tha,
maana wafa ka wafa se milan hy kathin bahut,
koi humse bhi yun ruth jayega socha na tha,
jaante hain rah-e-ishq ki manzil hy door bahut,
pr beech raah mein tum saath choar jaoge socha na tha,
muhabbat mein milti ruswayi hy amooman jaante hain sbhi,
koi humko bhi yun bhool jayega socha na tha,
apna hi dil khud hi ko lgne laga hy paraya,
kisi k ishq mein yu fana ho jayenge socha na tha,
faqt dil hi toh tha paas apne apna kehne k liye
woh bhi yu kisi ka ho jayega socha na tha,
kisi ki chah mein yun sb bhula bethenge hum
koi humko humse bhi zyada aziz ho jayega socha na tha,
hamari hi bhool thi jo humne usay chaha, usay apna mana,
itni si khatta pe BADNAAMI KA TAAJ sir sajega socha na tha

kachi divaar hun Thokar na lagana mujh ko
apni nazaron men basa kar na girana mujh ko

tum ko aankhon men tasavvur ki tarah rakhata hun
dil men dhaDakan kii tarah tum bhi basana mujh ko

baat karne men jo mushkil ho tumhen mahafil men
main samajh jaaunga nazaron se batana mujh ko

vada utna hi karo jitna nibha sakate ho
Khowab pura jo na ho vo na dikhana mujh ko

apne rishte kii nazakat ka bharam rakh lena
main to ashiq huun divana na banana mujh ko

na jane shakhs tha kaisa
Meri ankhon pe merta tha
Meri baton pe hansta tha
Najaney shakhs tha kaisa
Muje khoney se darta tha
Muje jab be wo milta tha
Yahe hr baar kehta tha

Suno

Agar mein bhol jaon to
Agar mein rooth jaon tho
Kabi Wapis na aon to
Bhula pao gy ye sab kuch
Yonhi hansty rho gy kia
Yehi batein hen bas us ki
Yehi yadein han bas us ki
Muje Bas pata hai itna
Muje wo pyar kerta tha

Muje khone se darta tha

JO KHAYAL THAY NA QAYAS THAY WAHEE LOG HUMSAY BICHAR GAYAY
MERI ZINDAGI KEE JO AAS THAY WAHEE LOG HUMSAY BICHAR GAYAY

JINHAIN MAANTA HEE NAHEEN YEH DIL, WAHEE LOG HAIN MAIRAY HUMSAFAR
MUJHAY HAR TARAH SAY JO RAAS THAY WAHEE LOG MUJH SAY BICHAR GAYAY

MUJHAY LAMHA BHAR KEE RAFAQATON KAY AZAB AUR SATAYNGAY
MERI UMR BHAR KEE JO PIYAS THAY WAHEE LOG HUMSAY BICHAR GAYAY

YEH KHAYAL SAARAY HAIN EARZI YEH GULAB SAARAY HAIN KAAGHZI
GUL-E-AARZO KEE JO BAAS THAY WAHEE LOG HUMSAY BICHAR GAYAY

JINHAIN KAR SAKA NAAA QABOOL MAIN, WOH SHAREEQ-E-RAAH SAFAR HUWAY
JO MERI TALAB MERI AAS THAY WAHEE LOG HUMSAY BICHAR GAYAY

YEH JO RAAT DIN JO MAIRAY SAATH HAIN WAHEE AJNABI KAY HAIN AJNABEE
WOH JO DHARKANON KEE ASAS THAY WAHEE LOG HUMSAY BICHAR GAYAY

Na fikr e farda
na yaad e maazi
na chain dil ko
na bay qarari
na had say guzra hua junoon woh
na bay kali wo pehlay jesi
bas ik udasi hai

dheemi dheemi

bas ik khamoshi hay bay karan SI
bas ik bay naam si jalan haI
bas ik bay dard si thakan haI

jo zindagi ke ADHOORAY PAN KO HADOON SAY AGAY BARHA RAHI HAi

ye din bahaar ke ab ke bhii raas na aa sake
kay Ghunche khil to sake khil ke muskuraa na sake

merii tabaahii dil par to raham khaa na sakii
jo raushanii men rahi raushanii ko paa na sake

rahein Khulus-e-muhabat ki hadsat jahan
mujhe to kya mere naqsh-e-qadam mita na sake

karenge mar ke baqa-e-dawaam kya hasil
jo zinda rah ke muqam-e-hayat pa na sake

naya zamaana banane chale the diwaane
nai zamin, naya asaman bana na sake

Tu Mere Sath Chal Na Payegi
Jab Meri Raah Teri Raah Se Milti Hi Nahi
Phir Mera Saath Nibhane Ki Zaroorat Kya Hai
Apni MasooM TaMannaon Ko Rehbar Na Bana
Khwab Phir Khwab Hai Labon Ki Haqeeqat Kya Hai
Ye Nayi Raah Tujhe Raas Nahi Ayegi

Maine Maana Ke Tujhe Mujhse Mohabbat Hai Magar
Meri Gurbat Teri Chahat Ka Sila Kya Degi
Apni MehruMi-E-QisMat Se Pareshan Hoon Main
Bebasi Ashq-E-NadaMat Ke Siwa Kya Degi
Waqt Ki Dhoop Mein Har Chiz Jhulas Jayegi

suu-e-maikadaa na jaate to kuchh aur baat hotii
wo nigah se pilatay to kuchh aur baat hoti

go hava-e-gulisitaN ne mere dil kii laaj rakh li
wo naqab Khud uThate to kuchh aur baat hoti

ye baja ke kali ne khil kar kiya gulasitaaN muattar
magar aap muskurate to kuch aur baat hoti

ye khule khule se gesuu, inhen laakh tu saNware
mere haath se saNwartay to kuchh aur baat hoti

go haram ke raaste se vo pahuNch gaye Khudaa tak
teri raahaguzar se jate to kuch aur baat hoti

Ho dard or dard ka darmaan bhi na ho
to samnay rahay teri pehchan bhi na ho

maana k umer bhar tu mera ho nahin saka
aisa bhi kia k tu mera mehman bhi na ho

aaghaz is safar ka karain aao mil kay ham
jis main kahin bicharnay ka imkaan bhi na ho

ho jay jo bhi hona hai aisa na ho kabhi
is dil main tery milnay ka arman bhi na ho

han or qadam pay khoof hai yahan har qadam pay gham
dil kay nagar ka rasta sunsaan bhi na ho

har baar pochta hai kay akhir hai baat kia
hamdam kisi ka itna to anjaan bhi na ho

ye qufal dil kaleed e muhabbat say khol do
aisa na ho kay phir kahin Imran bhi na ho