Search

mat pooch mujh se dost marey
ku sham dhale in aankhon main
benam see ik udasee ki
ghanghoor ghatain rehtee hain

ku be khood ho ker is lamhe
dhlta hua sooraj takta hoon
aankhon main kisi ka aks liey
ku band kitabain takta hoon

mat pooch waqt hi aisa hay
mujhe dil peh zor nahi rehta hay
main lakh chupata hoon lakin
ashkoon ko rok nahi sakta

ik qarz chukane ki khatir
ye kuch lamhoon ki choree hay
bus yun hi samjh le YAAR marey
YE SHAM MERI KAMZOREE HAY

Jala K Tu Bhi Agar Aasra Na De Mujh Ko
Ye Khauf He K Hawa Phir Bujha Na De Mujh Ko

Mein Is Khayal Se Mur Mur K Dekhta Hun Usay
Bichar K Bhi Wo Kahin Phir Sada Na De Mujh Ko

Isi Khayal Se Shab Bhar Mein So Nahi Sakta
K Khof-E-Khuwab-E-Guzashta Jaga Na De Mujh Ko

Tere Baghair Bhi Teri Tarah Mein Zinda Rahoon
Ye Hosla Bhi Dua Ker, Khuda Na De Mujh Ko

Mein Is Liey Bhi Usay Khud Phir Bolon Ga MOHSIN
K Mujh Se Roothnay Wala Kahin Bhula Na De Mujh Ko

Phir Kisi Yad Nay Shab Bhar Hay Jagaya Mujh Ko
Kiya Saza Di Hay Mohabat Nay Khudaya Mujh Ko

Din Ko Aaram Hay Na Rat Ko Hay Chain Kabhi
Janay Kis Khaak Say Qudrat Nay Banaya Mujh Ko

Dukh To Yeh Hay Keh Zamanay Main Milay Ghair Sabhi
Jo Mila Hay Woh Mila Ban Kay Paraya Mujh Ko

Jab Koi Bhi Na Raha Kandha Meray Ronay Ko
Ghar Ki Deewaron Nay Seenay Say Lagaya Mujh Ko

Uoon To Umeed-E-Wafa Tum Say Nahein Hay Koi
Phir Charaghon Ki Tarah Kis Nay Jalaya Mujh Ko

Bewafa Zindagi Nay Jab Chorh Diya Hay Tanha
Maot Nay Piyar Say Pehloo Main Bithaya Mujh Ko

Woh Diya Hoon Jo Mohabat Nay Jalaya Tha Kabhi
Gham Ki Andhi Nay Sar-E-Sham Bujhaya Mujh Ko

Kaisay Bhoolon Ga Wohi Wasl Kay Lamhay
Yad Aata Raha Zulfon Ka Hi Saya Mujh Ko..

Aa Kay Lay Jaain Meri Aankh Ka Pani Mujh Say
Kiun Hasad Karti Hay Darya Ki Rawani Mujh Say

Gosht Nakhun Say Alag Kar Kay Dikhaya Main Nay
Us Nay Poochay Thay Judaai K maani Mujh Say

Teri Khushbu KI Lehad Par Main Bara Tanha Tha
Ro Pari Mil K Galay Raat Ki Raani Mujh Say

Khatam Honay Laga Jab Khoon Bhi Ashkon Ki Tarah
Kar Gaay Khawab Meray Naqal Makani Mujh Say

Sirf ik Shakhs K Gham Main Mujhay Barbaad Na kar
Roz Rotay Huay Kehti Hai Jawani Mujh Say...

Ab Teri Yaad Say Wehshat Naheen Hoti Mujh Ko
Zakham Khulney Se Aziyat Naheen Hoti Mujh Ko

Ab Koi Aaye Chala Jaye Main Khush Rehta Hoon
Ab Kisi Shakhs Ki Aadat Naheen Hoti Mujh Ko

Aesa Badla Hoon Teray Sheher Ka Paani Pi Kar
Jhoot Boloon To Nidaamat Naheen Hoti Mujh Ko

Main Ne Bhi Ki Hey Mohabbat, So Kisi Ki Khatir
Koi Marta Hai To Hairat Naheen Hoti Mujh Ko

Itna Masroof Hoon Jeenay Ki Hawas Main Yaaro
Saans Leney Ki Bhi Fursat Naheen Hoti Mujh Ko

Musalsal Sooch Main Rehna
Kisi Say Kuch Nahi Kahna
Kisi Gooshay Main Chup Kay
Khud Say Mehw-E-Guftgu Rehna

Achanak Dil Main Koe Metha Metha Dard Uthna
Bay Sabab Bay Cheen Ho Jana
Akelay Beth Kay Roona
Kaee Raatain Nahi Soona
Wo Pehron Bethay Bethay
Janay Kis Manzer Main Kho Jana
Kisi Aahat Kisi Bhi Chaap Say
Phir Choonk Si Perna
Meray Saaey Ay Bachana
Samnay Aanay Say Katrana

Suno Pagal Si Ae Larki
Kahi Or Ankahi Kay Dermiyan
Sooli Pay Latki Ho
Tumhain Maloom Hay Tum Jaan Kar
Manzil Say Bhatki Ho?
Yea Mana Tum Bohat Khuddar Ho
Per Yea Haqeeqat Hay
Ana Ik Had Tak Achi Hay
Magar Is Had Kay Aagay
Yea Mehaz Ik Khud Farebi Hay
Azeeyat Sah Rahi Ho Or Chup Ho
Kia Qiyamat Hay
Tum Akhir Kyun Nahi Kehtin
Tumhain Mujh Say Muhabbat Hay.

Mujh Se Khafa Ho Ke Chup Chaap Sa Beth Jata Hai
Khud Bhi Jalta Hai Mujhey Bhi Saath Jalata Hai

Us Ko Manatey Hoye Mein Khud Hi Rooth Jaon To
Phir Merey Paas Aa Ke Raat Bhar Mujhey Manata Hai

Khud Hi Sawal Kar Ke Khud Hi Jawab Deta Hai
Phir Merey Seeney Se Lag Ke Khud Hi Gungunata Hai

Us Ek Pal Ke Sadqe Mein Meri To Her Khushi Qurbaan
Jab Wo Sher Kehtey Hoye Dheerey Se Muskurata Hai

Meri Yaad Ke Mausam Ko Palkon Pe Sajaye Rakhta Hai
Beetey Hoye Her Pal Ki Khabar Mil Kar Mujhey Batata Hai

Merey Bagher Kesey Guzri Us Ki Kal Ki Raat
Us Ki Aankh Ka Phela Kajal Saari Kahani Sunata Hai

Is Shehar Ke Sawan Mein Barish Ki Raat Jab Aati Hai
Be Ikhtiyaar Hi Ek Shakhs Yaad Bohut Aa Jata Hai

Mein Us Ke Naam Ki Nisbat Se Mooatbar Hun Apni Zaat Mein
Merey Khayal Ka Her Ek Saaz Geet Usi Ke Gata Ha

Mujh Se Kehta Hay Kabhi Dil Me Malal Aate Hain
Kaise Kaise Meray Dushman Ko Sawal Aate Hain

Yeh Jo Hum Rote Hain Chup Ker Kabhi Tanhai Me
Rufta Rufta Tujhay Aankhon Se Nikaal Aate Hain

Hum Mohabbat Pe Bhi Ahsan Koe Rakhte Nahi
Nekian Kerte Hain Daryaon Me Daal Aate Hain

Buss Isi Khauf Se Soye Nahi Ik Muddat Se

Hijr Milta Hay Agar Khawab-e-Wisal Aate Hain

Phool Khil Jayein Tou Is Shakhs Se Kum Kum Milna
Aisay Mausam Me Mohabbat Pe Zawal Aate Hain

Mujh Se Kehta Hay Kabhi Dil Me Malal Aate Hain
Kaise Kaise Meray Dushman Ko Sawal Aate Hain

Yeh Jo Hum Rote Hain Chup Ker Kabhi Tanhai Me
Rufta Rufta Tujhay Aankhon Se Nikaal Aate Hain

Hum Mohabbat Pe Bhi Ahsan Koe Rakhte Nahi
Nekian Kerte Hain Daryaon Me Daal Aate Hain

Buss Isi Khauf Se Soye Nahi Ik Muddat Se

Hijr Milta Hay Agar Khawab-e-Wisal Aate Hain

Phool Khil Jayein Tou Is Shakhs Se Kum Kum Milna
Aisay Mausam Me Mohabbat Pe Zawal Aate Hain