Search

Woh shakhs mujh ko jeet kay hara hai aur bus
Itna hi zindagi ka khasara hai aur bus

Kesay kahoon keh us ka irada badal gaya
Such to yehi hai us nay pukara hai aur bus

Dunya ko is main dard ki shiddat kahan milay
Aankhon say toot’ta hua tara hai aur bus

Lafzon main dard e hijr ko mehsoos ker kay daikh
Kehnay ko main nay waqt guzara hai aur bus

Ab in main koi khwab sajanay nahi mujhay

Aankhon ko intazar tumhara hai aur bus

Main nay kaha keh khwab main dekhi hain barishain
Us nay kaha keh ik ishara hai aur bus.,

Aj Mujh Se Lipat K So Jao,
Aj Kro Kuch Aisa Mujh Me Kho Jao

Apne Nazuk Se Malmal Se Jism Ki Khushbu Se,
Mere Badan Ko Mehka K So Jao

Musalsal Sans Se Sans Jor Do Jana,
Aj Mere Tan Se Apna Tan Mila K So Jao

Chand Si Chandni Me Taaro Ka Dikhao Jalwa,

Aj Mjhe Pyar Do Ya Pyar Kr K So Jao,

main pa saka na kabhi is khalish se chhutkara
Woh mujh se jeet bhi sakta tha jane kyon hara

baras ke khul gaye aansoo nikhar gaee hai fiza
chamak raha hai sare-sham dard ka tara

kisi ki aankh se tapkaa tha ik amaanat hai
meri hatheli pe rakkha hua yeh angaara,

Yun na mil mujh se KHAFA ho jaise
Saath chal MAUJ-E-SABA ho jaise


Log yun dekh kar HANS dete hain
Tu mujhe BHOOL gaya ho jaise


Ishq ko SHIRKK ki had tak na barha
Yun na mil humse KHUDA ho jaise


Maut b ai to is NAAZ ke saath
Mujh pe EHSAAN kiya ho jaise


Aise ANJAAN bane baithay ho
Tum ko kuch b na PATA ho jaise


Hichkiyan RAAT ko aati hi rahein
Tu ne phir YAAD kiya ho jaise


Zindagi beet rahi hai "DANISH"
Koi be-jurm SAZA ho jaise!!!!...........,

Yeh Kaun Doob Gayaa Aur Ubher Gayaa Mujh Mein
Yeh Kaun Saaye Ki Soorat Guzer Gayaa Mujh Mein

Yeh Kis Ke Sog Mein Shoridaa-Haal Phirtaa Hon
Woh Kaun Shakhs Thaa Aisaa K Mar Gayaa Mujh Mein

Ajab Havaa-E-Bahaaraan Ne Charasaazi Ki
Woh Zakhm Jis Ko Na Bherna Thaa Bher Gaya Mujh Mein

Woh Aadmi K Jo Patthar Thaa Jee Raha Hai Abhi
Ju Aaina Tha Woh Bikher Gayaa Mujh Mein

Wo Saath Tha To Ajab Dhoop Chaaon Rehti Thi
Bas Ab To Ek Hi Mausam Thaher Gaya Mujh Mein

kabhi jo mujh ko talaash karna
tou chaand raton ki chandni mein
gul e chaman say sawal karna
udas kiyon ho?
kiyon oas qatron mein apnay ansoo
chupaa rahay ho
haseen mousam mein kis ki yaadion mein
apnay dil ko jala rahay ho
gul e chaman yeh sawal sun kar
tumhari aamad ka haal sun kar
kahe ga tum jis ko khojte ho
woh in baharon ki saari khushbu
chura kay ab ik naye chaman mein
mehak raha hai
udas kar kay yahan peh hum ko
kisi chaman mein chehak raha hai
gul e chaman ka yeh haal sun kar
tumhein lagey ga mein bay wafa hon
udas kaliyon ko chhor kar mein
nai baharon ko dhoondata hon
magar haqeeqat mein iss chaman kay
tamam phoolon ki khawahishon ka
aur in ki nakaam kawishon ka
haseen mousam ki baarisho ka
nah mairay dil par asar howa tha
nah mairay dil par asar howa hai
mein aaj bhi ik naye chaman mein
purane qsse suna raha hon
jo meri chahat ka dewta tha
mein aaj bhi uss ko poojta hon
yqin nahi tou palat kay daikho
wahin khara tha , wahin khara hon

Kabhi Mujh Ko Saath Lekar, Kabhi Mere Saath Chal Ke
Vo Badal Gaye Achaanak Meri Zindagi Badal Ke

Huye Jis Pe Meharbaan Tum Koi Khushnasib Hogaa
Meri Hasaraten To Nikalin Mere Aansuon Mein Dhal Ke

Teri Zulf-O-Rukh Ke Qurbaan Dil-E-Zaar Dhoondhata Hai
Vahi Champai Ujaale Vahi Suramai Dhundlake

Koi Phol Ban Gayaa Hai Koi Chaand Koi Taaraa
Jo Chiraag Bujh Gaye Hain Teri Anjuman Men Jal Ke

Mere Dosto Khudaara Mere Saath Tum Bhi Dhondo
Vo Yahin Kahin Chhupe Hain Mere Gham Ka Rukh Badal Ke

Teri Bey Jhijhak Hansi Se Na Kisi Ka Dil Ho Maila
Ye Nagar Hai Aainon Kaa Yahaan Saans Le Sambhal Ke