Search

masoom mohabbat ka bus itna fasana hai,
kagaz ki haveli hai barish ka zamana hai.

kya shart-e-mahobbat hai kya shart-e-zamana hai,
awaz bhi zakhmi hai or geet bhi gana hai.

us par utarne ki ummeed kam hai,
kashti bhi poorani hai, tufan ko bhi aana hai.

samjhe ya na samjhe wo andaz mohabbat k,
ek shakhs ko ankhon se haal-e-dil sunana hai.

bholi si 'ana' phir koi ishq ki zad par hai,
phir aag ka dariya hai or doob k jana hai.......

Bay Laos Mohabbat Nahi Ki Thi
So Nafrat Bhi Nahi Ker Sakta

Bin Teray Jeena Mushkil Tha
Bin Teray Main Nahi Mar Sakta

Mohabbat Kis Ko Kehtay Hain
Humien Tum Ne Sikhaya Tha

Ibadat Kis Ko Kehtay Hain
Yeah Bhi Tum Ne Bataya Tha

Mager Jab Hum Mohabat Ki Kisi Wadi Main Khoye Thay

Suhanay Khawab Mairy Jagti Aankhoon Main Soye Thay

Humien Tanha Kiya Tum Ne Koi Awaz Tak Na Di

Tumhain Dhoondha Bohat Sapnay Sajati Mairi Aankhoon Ne

Bohat Khush-Fehmian Palay
Bohat Hi Door Ja Niklay

Jahan Se Lout Anay Main
Humien Ik Umer Lagni Thi

To Us Dam Ik Pal Socha!
Ke Kion Na Hum Kuch Door Aur Ja Batkien

Kisi Nayee Oor Ja Niklien
Kisi Ke Sath Phir Hum Bhi

Khail Mohabbat Ka Phir Khailien
Kisi Ka Torr Dain Dil Hum

Kisi Ko Sozz Main Dhakelien
Mager Mushkil Padi Hum Ko

Ke Hum Pather Nahi Balkay
Dharakta Dil Hi Rakhtay Hain

Bohat ho chuki mohabbat mein meri ruswai
Ae Khuda main wafa kar ke bhi bewafa kehlayi

Ya tu anjam dede meri mohabbat ko tu
Ya hata de hum diwanoo par se apni khudai

Kiya Mila Mohabbat Say

Wasal Ki Tamazet Say

Khawab Ki Musafet Say

Roz-O-Shab Ki Riyazet Say

Eik Hijer Ka Sehra

Eik Thakka Howa Ansoo

Eik Sham Yadooo Ki

Kiya Mila Muhabbat Say

Kiya Mila Mohabbat Say

Wasal Ki Tamazet Say

Khawab Ki Musafet Say

Roz-O-Shab Ki Riyazet Say

Eik Hijer Ka Sehra

Eik Thakka Howa Ansoo

Eik Sham Yadooo Ki

Kiya Mila Muhabbat Say

Jisko Leene Tajiron Ka Dastta Nikla
Bikne Aya To Tawqu Se Bhi Sasta Nikla

Apne Sene Me Chopaye Hoye Teri Yadain
Muj Pe Har Shakhs Awazain Kasta Hoa Nikla

Me Ne Har Bat Bohat Soch Samjh K Ki Hai
Bas Ik Lafaz Mohabbat Jo Barjesta Nikla

Wo Jisne Paon Taley Kitne Dil Masl Dale
Kal Wohi Shakhs Mohabbt Ko Trasta Nikla

Teri Muskan Se Mansoob Rahi Rahat Meri
Mera Har Gham Tere Gham Se Pewasta Nikla.

Abhi to dil main halki si

Khalish mahsos hoti hay

Bohot mumkin hay kal is ka

Mohabbat naam ho jaye



Khayalon main yeh koun aya

Sitaroon ki chamak le kar

Mere shanoon pe bikhere hain

Yeh kis ki zulf k saye

Bohot mumkin hay kal is ka

Mohabbat naam ho jaye



Yeh kasi beykhudi hay

Dil main kaisa kaif chaya hay

Yeh meri jaagti aankhon main

Kaise khuwaab lahraye

Bohot mumkin hay kal is ka

Mohabbat naam ho jaye



Ruki hay zindagi ek

Muskarate morr pe a kar

Kaheen yeh muskarahat

Zindagi ka gham na ban jaye

Bohot mumkin hay kal is ka

Mohabbat naam ho jaye