Search

Muhabbat Ki Aseeri Se Rehayi Mangte Rehna

Buhat Aasaan Nahi Hota Judai Mangte Rehna

Wafaon K Tasalsul Se Muhabbat Rooth Jati Hai

Kahani Mein Zara Si Bewafai Mangte Rehna

Chalo Khuwabon Mein Milte Hain,

K Neendain Baant Laite Hain,

Zamane Ki Nazar Se Dour Ja Kar Ghoom Aate Hian,

Nayi Dunya Basate Hain,

JAHAN

Na Koi Rokne Wala Na Koi Tokne Wala Ho,

Na Koi Khoof Dunya Ka,

Na Koi Dar Zamane Ka,

JAHAN

Barish Muhabbat Ki Hamain Madhosh Kar Jaye

Tumhare Samne Main Hun,

Hamare Samne Tum Ho,

Chalo Iss Zindagani Mein,

Amar Kar Lain Kahani Ko,

To Phir Khuwabon Mein Milte Hain

Muhabbat Ourh Lete Hain.

Suno Janaa!

Kisi Ne Such Kaha Tha Yeh,

Mohabbat Mar Nahi Sakti

Magar Janaa

Asdhoora Such Suna Hum Ne

Mukammal Such To Yeh Hey K,

Mohabbat Khud Nahe Marti...

Mohabbat Maar Deti Hai

Jo Baatein Keh Nahee Sakta
Unhein Mein Farz Kerta Houn
Chalo Main Farz Kerta Houn..
Mujhe tum se mohabbat hai

Abhi Jo Tum Laut Ker Phir Tum
Humare Darr peh Aaye Ho
Ye Tum Se Keh Dia Kis Ne
K Tum Bin Reh Nahi Sakte
Ye Dukh Hum seh Nahi Sakte
Kaha Tum Se Kis Ne k
Hum Tum Bin Bohat Roye
Kai Raaton Ko Na Soye
Suno. . ! ! !
Tum Sun Lo Ghor Se
Agar
Beetay Huey Lamhon Ko
Tumne Wapis Lana Hai
Humari Zindagi main Humain
Wapis Bulana Hai
Mujhe Afsos Hai Janaa
K Tum Mayoos Loto Ge
Agar Tum Janna Chaho K Aisa
Kion Kia Hum Ne
Ye Gham Seh Lia Hum Ne

TOU SUNO GAUR SE JANaa

Puraani Ehad-e-Rafta Ki Riwayat
Tor Di Hum Ne

"MOHABBAT CHOR DI HUM NE" . . .

Mohabbat zindagi hai aur tum meri mohabbat ho
Tumhi ho bandagi meri tumhi meri ibadat ho

Tumhare pyar ne dil main umango ko jagaya hai
Tumhari muskurahat ne mujhe jeena sikhaya hai

Tumhi ho jeene ki wajah tumhi meri zaroorat ho
Tumhi ho bandagi meri tumhi meri ibadat ho

Nahin ab koi bhi armaan mere dil main tumhe paa kar
Main yeh ikraar karta hoon mohabbat ki kasam khakar

Mujhe jo waqt ne baksha woh lamha e khubsurat ho
Tumhi ho bandagi meri tumhi meri ibadat ho

Mohabbat zindagi hai aur tum meri mohabbat ho
Tumhi ho bandagi meri tumhi meri ibadat ho

koi jangle main ja thehray
koi basti main bas jayey
Mohabbat Sath hoti hay!

Mohabbat khusbowon ki lay
Mohabbat mousamoo ka dhun
Mohabbat Absharoon kay nikhertay paniyon ka munn
Mohabbat jangloon main raqs karti morni ka tann

Mohabbat barf parti sardiyoon main dhop banti hay
Mohabbat chilchilatey gram sehrawon main thandi chawon ki manind
Mohabbat ajnabi duniya main apney gawon ki manind

Mohabbat dil !
Mohabbat jaaan !
Mohabbat Rooh ka Darmaan !
Mohabbat Morti hay .
Aur kabhi jo dil kay mandir main kahin par toot Jayey tou
Mohabbat Kanch ki Guriya?
Fizaawon main kisi kay hath say Gar chhot jayey tou
Mohabbat Aabla hay karb ka
Aur phoot jayey tou ..
Mohabbat Rog hoti hay
Mohabbat Sog hoti hay
Mohabbat Shaam hoti hay

Mohabbat Raat hoti hay
Mohabbat jhilmilati Aankh main barsaat hoti hay!
Mohabbat Neend ki Rut main Haseen Khaboon kay rustoon par
Sulagtey , Jaan ko Aatey, Ratjagoon ki Ghaat hoti hay
Mohabbat Jeet hoti hay
Mohabbat Maat hoti hay
Mohabbat Zaaat hoti hay

" Mohabbat Zaat ki Takmeel hoti hay"

Usey Mujh Sey Mohabbat Hai

Woh Mujh Sey Yeh Nahin Kehti
Usey Mujh Sey Mohabbat Hai
Mager woh Aaj Kal Aik Janoon ki Zad Main Rehti Hai
Ajab Aik Bekhudi Hai, jo Usey Bechain Rakhti Hai
Woh Mujh Sey Baat Karti Hai....
Samjhti Hai Main Us Ki Aam Si Baton Ko
Buss "Yunhi" Samjhta Hoon
Woh Milti Hai Mujhay Aksar Bahano Sey
K Main Guzri Yahan Se,
Socha Baat Hi Kar Loon
Samjhti Hai Main Us K In Bahano Ko Na Jaano Ga
Kabhi Jo Phone Karti Hai
To Uski Mohabbat Us K Lehjay Say Jhalkti Hai
Mujhay Bechain Karti Hai
Woh Mera Dhiyan Rakhti Hai
Meri Her Baat Ko Hi Bin Kahay Woh Jaan Layti Hai
Samjhti Hai Woh Yeh Phir Bhi...
Us Nay Khud Ko Chupa Rakha Hai Khud Hi Se
Mager Aksar...!!!
Woh Khud Anjanay Main Apna Yeh Parda Chaak Karti Hai
K Jab Meri Bohat Pehlay Kahi Hoi
Her Baat Ko Woh Yaad Rakhti Hai
Aur Unhi Lafzoon Ko Meray Samnay Duhra Bhi Deti Hai
Yun Lagta Hai K...!!!
Us Ne Meri Kahi Her Baat Ko Yaad Rakha Hai
Woh Mujh Se Yeh Nahin Kehti
K Us Ki Khuahish Usko Bohat Bechain Rakhti Hai
Ya Shaid In Dinon Woh Khud Say Bhi Chupati Hai
Mager...!!!
Uski Nighain Aksar Usay Nakaam Kartin Hain
K Sarey Jaam Ulfat K Woh Bher Bher Ker Lutati Hain
Woh Darti Hai K Kahin Kah Na Dey Mujh Ko
K Koi Baat Uski Mujh Ko Us Sey Dour Na Ker Dey
Woh Mujh Ko Sochti Hai
Jagti Hai Raat Bher Woh Bhi
Mager Shaid Abhi Usko Mohabbat Main
Khamoshi Say Hi Jalna Hai
K Woh Jab Tak Perh Nahin Leti
Yeh Aankhin Jis Main K Uska Naam Likha Hai
K Meray Laho Ki Gardishon Main Raqs Karti Chahtain Uski
Woh Jab Tak Paa Nahin Leti
Samjh Nahin Leti,
Jab Tak...!!!
K Main Bhi Gamzan Hoon
Khamoshi Se Us K Raastey Per
Main Bhi Jagta Hoon...
Sochta Hoon Raat Bher Us Ko
Mager Us sey Nahin Kehta...!!!
"Mujhey Us Se Mohabbat Hai

Muhabbat Hum Se Karni Hai Tu Phir Wada Nahi Karna

Yeh Waday Hum Ne Daikhe Hain K Aksar Toot Jaate Hain

Muhabbat Hum Se Karni Hai Tu Phir Zid Bhi Nahi Karni

Yeh Zid Bhi Hum Ne Daikhi Hai K Saathi Ch’hout Jaate Hain

Muhabbat Hum Se Karni Hai Tu Phir Tohfa Nahi Daina

Yeh Tohfay Hum Ne Daikhe Hian Buaht Majboor Karte Hain

Muhabbat Hum Se Karni Hai Tu Phir Shikwa Nahi Karna

Yeh Shikway Hum Ne Daikhe Hain Dilon Ko Door Karte Hain