Search

USTAD STUDENT SEY:- ANDAY AUR DANDAY MAIN FARAQ HAI

STUDENT:- ANDA UNDER SEY GARAM KARTA HAI AUR DANDA BAHIR SEY

Tum say bichar kar kya huun main

Ek adhoori nazam ka misra !!

Ya koi beemar parinda !!

kita men ek zinda titli !!

Ya ek murda peela patta !!

Aankh hoon koi khowab zada si !!

Ya aankhon mai toota sapna !

Palkon ki deewar k peechay !

Pagal qaidi....ya ek aansu !

Dhoop men lipta lamba sehraa !

Tooti hui chorri ka tukra !

Ya koi bhoola hoa waada !

Tum hi batao

Tum say bichar kar aya huun main

Ek purani qabar ka katba

ya

Ek matrook dua...!

Main uske chehre ko dil se utaar deti hoon,
Main kabhi kabhi to khud ko bhi maar deti hoon,
Ye mera haq hai ke main usko thora dukh bhi doon,
Main chahat bhi to us ko beshumar deti hoon.
Khafaa woh reh nahin sakta lamha bhar bhi,
Mein bohat pehle hi us ko pukaar leti hoon.
Mujhe siwa uske koi bhi kaam nahin soajhta,
Woh jo bhi karta hai, mein sab hisaab leti hoon.
Woh sabhi naaz uthaata hai mein jo bhi kehti hoon,
Woh jo bhi kehta hai, Mein chupke se maan leti hoon...!

ratjagon ke sehra main khwaab jab ujaR jaain tum udaas mat hona
zindagii ke maile main hum agar bichaR jaain tum udaas mat hona

jin pe naam likhe hoon un ujaR shakhon per kab bahar aati hai
aarzuu ki tehni se jab gulaab jhaR jaain tum udaas mat hona

jaan kya zaroori hai dasht-e-narasai main ik dua bhi poori ho?
hum agar riwaajon ki souliyoun pe gaR jaain tum udaas mat hona

waqt ik darinda hai aur hum sabhi es dehshat ki zad main hain
jab ye besukoon lamhe apni zid pe arR jaain tum udaas mat hona

jabr ki fizaaon main muskura ke ji laina ye bhi ik ibaadat hai
chahe karb ke saye mere qad se baRh jaain tum udaas mat hona

kuch bhi ho mager apne dilnasheen tabassum se zabt ka bharam rakhna
chaahe hum bichaR jaain kyun na hum ujaR jaain tum udaas mat hona

Mere Aangan Main Sometimes Flower Khila Karte Thay
Meri Eye Main Bhi Dreams Basa Karte Thay

Mujhko Circumstances ki Andhi Ne Giraya Otherwise
Mere Shadow Main Bhi Kuch People Raha Karte Thay

Hai Remember Hamain Rafaqat ki Wo Watches Ab Bhi
Dil Ki Beat Bhi Tere Sath Hear Karte Thay

Aaj Wo Function Main Stranger Banay Bethay Hain
Jo Sometimes Mujhe Apni Life Kaha Karte Thay

Ab Tarasti Hai Teri Deed Ko Eyes
Ek Period Tha Hum Everyday Mila Karte Thay...!

Musafaton Main Kabhi Yuon Bhi Moatbar Thehro
Ke Do Qadam He Sahi Us Ka Humsafar Thehro

Tumhi Batao Bhala Kis Tarhan Ye Mumkin Hay
Wo Mere Shehar Main Aye Or Main Be-Khabar Thehro

Teri Talaash Main Ab Kuch es Tarhan Niklon
Ke Dasht Dasht Phiron Or Darbadar Thehro

Najane Kab Wo Dar-e-Jaan Pe Aakar Dastak De
Isi Umeed Pe Har Waqt Apne Ghar Thehro...!

behar-e-ishq main doob k daikh kabhi
jaam-e-mohabbat pee k daikh kabhi

her taraf tera hi aks nazar aye ga
meri aankhon mein pyar say daikh kabhi

ghuror hay tujhey apni zulfon ki chaaon ka
meri palkon ki chaon mein baith k daikh kabhi

kaisi hoti hay tapish zamanay ki nigahon mein
meray dil k angan say bahar aa k daikh kabhi

kitni hoti hay mithas jazba-e-dar guzar main,
kisi rothay hoe ko mana k tu daikh kabhi

kerti hay kaisay khushboo gul say parwaz
ik baar mujh say door ja k daikh kabhi...!

Ik Diya Hoon

Taiz Hawaon Key Jhonkon Sey,

Bus Bujh Gaya Hoon

Main Jal raha Tha Barsoon Sey,

Roshan Raha Tha sadion Sey

Ab Bujh Gaya Hoon

Haan Main Ik Diya Hoon

Jalta Tha To Roshni Thi,

Andhairoon Mai Ghir Gaya Hoon

Main Bujh Gaya Hoon

Main Ik Diya Hoon

Mujh Sey Wabasta lamhoon Ney,

Moo Mujhsey Morr Liya Hey

Merey Andhairoon Ko

Merey Sang Akaila ChoAr Diya Hey

Bus Abb Aandhiyoun Ka Intizar Hey,

Mera Abb Rahna Bekaar Hey

Main ab Bujh Gaya Hoon

Haan Main Ik Diya Hoon...!

Uss nay Khat main
Ishq ka Matlab Pooch liya hai
Mein nay Likha hai
Jab Koi Chehra
Dhiyaan Mein Akar
Man Angan mein Phool Khila de
Jab Koi Naam Labon ko Choo kar
Dharkano ki Tarteeb Bhula de
Jab koi Jazba Kar-e-Junoon se
Atish ko Gulzar bana de
Laikin Itna Dhiyaan mein Rakhna
Koi Siraat-e-Ishq se Guzry Tab Khulta hai
ISHQ se Pehle ISHQ ka Matlab kab Khulta hai...!