Search

Jo chala gaya mujhe chor ker

main kabhi na usko bhula saka

wohi duriyaan wohi faslay

main kabhi na unko mita saka

kiya usay bhi mujh say payar tha

ya’n shayad use shaoor tha

wo koi ajeeb sawal tha

jo mere samjh main na a saka

meri zindagi ka sakoon tha wo

mairay dil ka aik junoon tha wo

yahi sochta tha main rat bhar

yahi baat na main us ko bata saka

jo kabhi milay ga bahir to

karoon ga main us se shikaytien

wo mila to main lab na hila saka

main kabhi na usko bhula saka ♥

Chaleen phir khaak urane
Unhi galiyon main chaleen
They jahan apne thikane
Unhi galiyon main chaleen
Phool girte they darakhton se
Uthatey hi na they
Aik aik phool uthane
Unhi galiyon main chaleen
Na sada deen gey
Na darwazoon pey dastak deen gey
Bas guzarne k bahane
Unhi galiyon main chaleen
Yunhi sadeyoon se
Darakhton ki jaroon se peves
Jahan rahtey they zamane
Unhi galiyon main chaleen
Waheen rahtey they jahan ham
Usi darwaze par
Yunhi zanzeer hilane
Unhi galiyon main chaleen

Main ne roka bhi naheen
Aur woh thaira bhi naheen
Haadsa kia tha jise dil ne bhulaya bhi naheen
Jane walon ko kahan rook saka hai koi
Tum chale ho toh koi roknay wala bhi naheen
Door o nazdeek se uthata hi naheen shoor e zanzeer
Aur sehraa main koi naksh kaf e pa bhi naheen
Beniazi se sabhi kura e jaan se guzre
Dekhta koi naheen hai k tamasha bhi naheen
Woh toh sadeyoon ka safar kar k yahan pouncha tha
Tuh ne moun phir k jis shakh ko dekha bhi naheen
Kis ko nerngi,ayam ki surat dekhlaeen
Rang urta bhi naheen naksh thairta bhi naheen

December Jab bhi ata hai
wo pagli...
phir se beety mosumo'n ki
talkhion ko
yad karti ha
purana card perhti hai
k jis main os ne
likha tha
Main Lauton ga December main


Nai Kapry bnati hai
wo sara ghar sjati hai
December k her ik din ko
wo gin gin ker bit'tati hai
junhi 15 guzarti hai
wo kuch kuch toot jati hai
magar phir bi
purani albumo'n ko khol ker
mazi bulati hai !!!
nahi maloom ye osko
k beety waqt ki khushian
Bohat takleef deti hain
mehaz dil ko jalati hain...
yunhi din beet jaty hain
December laut jata hai
magar wo Khush feham larki...
dobara se calendar main
December k maheeny k safhy ko
mord ker, phir se
Phir se
December ke sahar main
Doob jati hai
k akhir os ne likha tha....

Main Lauton ga December main

Main diya hon toote Mazaar ka sar-e-shaam kis ne jala diya

Teri be-rukh adaon ne mujhe zarra zarra bana diya



Nayi manzilon pe pohanch ker bhi yehi sochti hon ke kis tarha

Kin raaston pe mile the hum kin raaston ne bichaar diya



Ye to apna apna naseeb hai koi mil sake ya na mil sake

Na ho gham zada dil-e-meherban phir kya howa jo bhula diya



Mere hum safar zara soch le zara thehar ja qadam do qadam

Teeri raaton ka khaloos hon tere saamne jo bicha diya



Meri hasraton ke mazaar per tere sankron se sawaal hain

Mujhe rok ker itna bataye ja yahan kis ne kis ko bhula diya?

Badnam Zamane main Mohabbat Nahen Karte,

Dil Waly Tu Dushman Se Bhi Nafrat Nahen Karte,



Ek Bar Jisy Chaha Sada Uss K Rahe Phir,

Ham Log Amanat Main Khianat Nahen Karte,



Tanhai Main Karlete Hain Yaad Aansoo Baha Kar,

Zahir Kabhi Ham Apni Ebadat Nahen Karte,



Waqt Aane Par Maaloom Yeh Ho Jaiy Ga Tum Ko,

Ham Sirf Dekhawe Ki Mohabbat Nahen Karte,



Lekhte Hain FAQAT Ek Tumhare Liy Ghazlain,

Har Shakhs Pe ham Aise Enayat Nahen Karte..

Main umr ke rastay mein chup-chap bikhar jata
Ek din bhi agar apni tanhai se darr jata

Main tark e taalluq pe zinda huN so mujrim huN
Kash uske liye jeeta!! apne liye mar jata

Kal saamne manzil thi peechay meri aawaziaN
Chalta to bichhaR jata, rukta to safar jata

Main shehr ki rounaq mein gum ho k bahut khush tha
Ek shaam bacha leta, ek roz to ghar jata

Uss jaan e takalum ko tum mujhse to millwatay
TasKheer na kar paata, hairaan to kar jata...!

Ho gaee mulaqaat aankhon aankhon main,,

Sadiyoun say piyaasi thi mohabbat,,

Ho gaee bersaat aankhon aankhon main,,

Mil na saka tha dil kabhi dil say,,

Ho gaee mulaqaat aankhon aankhon main,,

Ahad-e-wafa or qasmoon ki bhi,,

Ho gaee shuruaat aankhon aankhon main,,

Day diya dil aik doojay ko,,

Ho gaee soghaat aankhon aankhon,,

meray Sab rasmoon riwajoon ko,,

,,Saqi

Ho gaee maut aankhon aankhon main,,

MaiN logoN sey mulaqatoN k lamhey yaad rakhta hooN
MaiN baateN bhool bhi jaooN to lehjay yaad rakhta hooN

Sar-e-mehfil nigaheN mujh pey jin logoN ki paRti haiN
NigahoN k hawaley sey woh chehrey yaad rakhta hooN

Zara sa huT k chalta hooN zamaney ki riwayat sey
K jin pey bojh maiN Dalo woh kandhay yaad rakhta hooN...!