Search

Ye Kya K Sab Se Bayan Dil Ki Halatain Karni
Faraz Tujh Ko Na Aayin Muhabbaten Karni

Ye Qurb Kya Hai K Tu Saamne Hai Aur Hamain
Shumar Abhi Se Judai Ki Sa-atain Karni

Koi Khuda Ho K Patthar Jise Bhi Ham Chahen
Tamam Umr Usi Ki Ibadaten Karni

Sab Apne Apne Qareene Se Muntazir Us K
Kisi Ko Shukr Kisi Ko Shikayaten Karni

Ham Apne Dil Se Hain Majbor Aur Logon Ko
Zara Si Bat Pe Barpa Qayamaten Karni

Milen Jab Un Se To Mubham Si Guftagu Karna
Phir Apne Ap Se Sau-Sau Vazahaten Karni

Ye Log Kaise Magar Dushmani Nibhate Hain
Hamin Ko Raas Na Aayin Muhabbaten Karni

Kabhi Faraz Naye Mausamon Main Ro Dena
Kabhi Talash Purani Raqabaten Karni

Gazal Sun Ker Pareyshan Ho Gaey Kya
Kisi K Dihan Main Tum Kho Gaey Kya

Ya Bay-Gana Ravi Pahlay Nahi Thi
Kaho Tum Bhi Kisi K Ho Gaey Kya

Abhi Kuch Dair Pahlay Tak Yahin Thay
Zamana Ho Gaya Tum Ko Gaey Kya

Kisi Taza Rafaqat Ki Lalak Hai
Puranay Zakham Achay Ho Gaey Kya

Palat Ker Chara Ger Kun Aa Gaey Hain
Shab-E-Furqat K Maray Soo Gaey Kya

Faraz Itna Na Itra Hoslay Per
Isay Bhoolay Zamanay Ho Gaey Kya

Apni Uljhan Ko Barhanay Ki Zarurat Kya Hai
Chhorna Hai Tu Bahane Ki Zarurat Kya Hai

Lag Chuki Aag Tu Lazim Hai Dhuan Uthe Ga
Dard Ko Dil May Chupanay Ki Zarurat Kya Hai

Ajnabi Rung Chalakta Hoo Ager Aankhon Say
Unsay Phir Aankh Milanay Ki Zarurat Kya Hai

Bethe Rehtay Hai Teri Mehfil May Dost Naye
Ab Tumhai Yaar Purany Ki Zarurat Kya Hai

Sath Rehtay Hoo Mager Sath Nahi Hote....
Aysay Rishtay Ko Nibhanay Ki Zarurat Kya Hai

Teri Tareef Karte Hai To IsMe Kya Burayi Hai,
Khuda Ne Apne Hathonse Teri Surat Banayi Hai,

Hazaron Ki Tarah Sunle Teri Ruswai Ke Dar Se,
Teri Tasveer HuMne Kitabon Mein Chhupayi Hai,

Teri MasooM Surat Ki Yehi Tarif Hai Sun Le,
Zubaan Pe Hai Yehi Sab Ke Khudayi Hai Khudayi Hai,

Marz Ye Ishq Ka Aisa Laga Ki Phir Nahi Chhuta,
Dua Bhi HuMne Ki Dawa Bhi AazMaayi Hai...,

Ye weham nahi to kya hai, ye gumaaN nahi to kya hai
ye jo dil se utth raha hai, ye dhuwaaN nahi to kya hai

tujhey kis dard ka rishta merey dar pe kheyNch laaya
tujhey kis ney keh diya tha merey paas har dawaa hai

terey kisi dukh ka chaaraa merey haath meiN nahi hai
meiN to khud bekaraaN hooN merey paas kya dharaa hai

abhi bastiyaaN yaheeN heiN, tu loat jaa yaheeN se
merey saath saath na chal tu, ye bohat barra juwa hai

tujhey kya khabar aey hamdam ke teri aarzu ke badly
merey dil pe jo laga tha, ab tak wo zakhm haraa hai

par gila nahi hai tujh se, merey khaloos meiN hi kami hai
mein ne jisey bhi dil se chaaha, usey laga ke wo khuda hai

meiN koi waaqeya nahi hooN, mujhey is tarha na socho
meri daastaaN ko chorro, bhala is meiN kya maza hai

tu laot ke aa gayaa hai, par mera dil to bujh chuka hai
ab tu kisi aur se pyaar kar ley, bas yehi teri sazaa hai,

Shikwa Karen Tou Kis se, Shikayat Karen Tou Kya
Ek Raigaan Amal Ki Riazat Karen Tou Kya

Jis Shae Ne Khatm Hona Hay Aakhir Ko Ek Din
Uss Shae Ki Itne Dukh Se Hifazat Karen Tou Kya

Harf-e-Darogh, Ghaalib-e-Shehar-e-Khuda Hua
Sheharon Mein Zikr-e-Harf-e-Sadaqat Karen Tou Kya

Ma'ani Nahi Munir Kisi Kaam Mein Yahaan
Taa'at Karen Tou Kya Hay Baghawat Karen Tou Kya,

Hawa Ban Kar Bikherne Se Usay Kya Farq Parta Hai?
Mere Jeene Ya Mernay Say Usay Kya Farq Parta Hai?

Usay To Apni Khushion Se Zara Fursat Nahi Milti,
Mere Gham K Ubharne Say Usay Kya Farq Parta Hai?

"Wasi'' Us Shakhs Ki Yadon Main Tum Rotey Raho Lakin..!
Tumhare Aisa Karne Say, Usay Kya Farq Parta Hai.?

Na Pooch Pyar Mein Kya Kya Nahin Kiya Mainey
Bass Uss Ke Samney Sajda Nahin Kiya Mainey

Woh Muntazir Hi Nahin Tha Mairi Raahon Ka
Ye Soch Ke Kabhi Waada Nahin Kiya Mainey

Qasam Hoyi Hai Mukamal Apney Marney Ki
Safar Tha Zeest Ka, Poora Nahin Kiya Mainey

Barrey Khuloos Say Milney Laga Main Phir Ussey
Purani Baaton Ka Shikwa Nahin Kiya Mainey

Qalam Ki Nok Ko Tar To Lahoo Say Kar Daala
Koi Bhi Shair Adhoora Nahi Kiya Mainey